隔離有個po講4x歲兩公婆都唔返工，究竟啲時間點過，講講下引伸到ftm vs wm好與不好
我又開個po傾下點睇男人唔返工做嘢，日日係屋企上網打機，假設佢有大把錢唔憂生活，肯定佢唔係wfh，亦都唔係捕住個市投資者
當然佢點生活唔關其他人事，不過旁人眼中會唔會覺得咁嘅男人每日都喺度虛度光陰，不事生產
呢個世界有更多嘢值得自己關心嘅
可以佢收左好多遺產呢
2個讚
如果係富二代或三代, 日日唔做野剩係同朋友飲飲食食, 得閒溝下女明星, 又算唔算虛度光陰?
1個讚
唔搵錢唔工作冇所謂，可能佢有大把錢，但日日打機頹廢咁過就 = 廢柴，冇其他形容詞 sorry
1個讚
算，廢嘅富二代，富不過三代冇錯
都係嗰句啦：一個人廢同佢有冇錢冇關係, 你有個女會想佢嫁個富二代定係窮不過有志氣會向上又努力工作嘅男人？朱玲玲係過來人
7個讚
可能係電競之星呢
6個讚
我諗起舖王波叔個仔, 富二代有上進心, 但波叔臨老都要賣舖幫個仔還債, 就算過左身, 間唔中都係新聞見到佢家族賤賣物業套現, 好彩舖王剩落唔少, 賣極都仲有野賣,
如果波仔乖乖地留係屋企打機, 得閒玩下女明星, 駛乜搞成咁
15個讚
不分男女，唔一定要工作，只要有條件過自己鍾意嘅生活就好，唔使理其他人點睇。
17個讚
其實我都係咁覺得。有錢唔做嘢都要俾人judge，咁唔係人人都想做齒輪。除非唔做嘢會影響到其他人啦。
13個讚
兩樣都唔想
同個搵到錢嘅高層或專業人士或普通生意人，生活簡單富足就最好
2個讚
一個人有專長/學識/眼界/對自己有要求/ 對社會有貢獻等等，都係令我專敬既特質。
如果係外人，我專重佢選擇
如果係我女婿， 心裏面會有遺憾。
6個讚
如果個仔或老公或女婿係咁，真係睇見就眼冤
如果阿女/女婿每個月俾6位數字你做家用 仲眼唔眼冤先
真係見過㗎 有次飯聚 某阿女即場開左張6位數家用俾佢ftm做該月家用
阿女女婿無嘢做㗎(湊人地既孫囉 即係自己仔女) 只係掛名在某公司做會計(其實只管寫自己 
的支票一職) 間公司係男家女家就唔知了
1個讚
如果唔係為搵錢，咁我幾敢肯定好多人都唔會想返工，講到返工有幾多好處都假
可能個男人係諗緊有咩想做呢？可能度緊橋出道做YouTuber 準備一炮而紅啊
或者思考下人生都唔出奇。
12個讚
1個讚
遠少少當年彤叔想提早退休交比純官, 結果純官太上進, 搞到新世界負債太勁, 彤叔又要出返山, 然後一直冇再退休,
許晉亨呢D咪叫乖仔囉,
碧咸大仔仲乖, 同個比自己屋企更有錢嘅富家女結婚, 兒子生性母感安慰
3個讚
無能力既二世祖真係唔好太上進，俾人話廢都仲有錢洗，但敗左老豆副身家就真係乜都無
當然啦, 唔係叫有錢男人唔好上進, bill gates, donald trump呢D富二代比老豆青出於藍, 但父母咁有錢理應見過世面, 知道自己仔女上進, 想支持都好, 都要留有一著, 唔好搞到好似舖王咁
唔記得邊度睇過, 原來舖王仲有其他仔女, 但就相對比波仔腳踏實地, 都係幫阿爸管理物業(即係收租?), 變賣資產係影響埋其他仔女, 仲係現在進行式