有無人個老公有港女性格?
我講先…
1, 要我諗食咩, 話咩都無所謂, 但我提議咩都俾佢ban, 直至講中佢想食嗰樣
2, 無端端黑面, 問佢咩事佢又話無事, 唔理佢佢塊面更黑, 再問佢咩事, 佢依然話無事
3, 就算佢自己無端端黑面都要我氹返佢, 但我唔開心佢就問都無問聲
7個讚
全中，如果野食唔啱食，食一啖之後全部唔食。
成日話撘地鐵辛苦，要揸車先得。
我完全覺得佢有公主病
2個讚
我老公都有公主病。
佢要好似啲𡃁妹仔咁要我估佢心意，要心照不宣嗰種，估唔到會發好大脾氣。我直頭想同佢離婚。好心佢一把年紀就咪咁天真。佢愛情智商應該得17歲
1個讚
前夫
乜L都要就晒佢，大爺咁
鬧交就講離婚大我，好似啲死港女少少事都講分手咁.
而家真係甩難
4個讚
我老公以前都係咁，識咗奶奶就知點解，因為佢當個仔公主咁養大 
我份人比較獨立，唔開心唔需要人氹，所以佢唔氹我真係唔緊要 
佢改變源自於中年入返校園，遇到一啲比佢更「港女」嘅同學一齊做project，同埋自己讀多咗書提升咗邏輯思維，終於理解到「港女」有幾討厭…
要佢哋改變最直接嘅方法就係等佢自己瀨下嘢，認真！！！
5個讚
我男朋友以前少少嘢都講分手，佢成日誤解我意思，佢會諗埋一邊，一嬲就勁耐，我要氹佢
我心諗，佢真係成個港女咁
但呢2年進步咗好多，唔會再講分手。若果佢嬲，最多2-3日，有時第2日無事。
加上真係佢自己問題，佢諗通咗第二日都會主動搵番我。
所以而家佢有時嬲，發咗我脾氣。我係唔會理佢唔會氹。佢就會搵番我
2個讚
Well done girl
1個讚
唔知算唔算港女性格，我老公飲完水、係永遠唔會fill返或者煲返、以前有工人、問題唔大
呢傢冇姐姐、佢可以飲到屋企一啖水都冇先煲，然之後問點解屋企全部都係熱水
最後我安裝咗濾水器水喉解決問題….
完全一樣… 仲有係佢問我意見, 我嘅答案佢唔啱聽就會嬲… 有次解釋極佢都唔明, 仲用粗口鬧我…
佢以前都用過粗口罵我㗎，但呢2年無了。
加上其實佢知道自己性格好難頂。拍拖初期佢都講過可能我會頂佢唔順。但佢有時心情差起上嚟控制唔到。
仲要係麻煩嘅水瓶座。
佢估唔到我竟然真係咁堅包容到佢。俾著一般女仔可能好快走咗。
但真係好彩佢改變咗好多。
見到大家Comment，講自己另一半嘅問題，即刻覺得我不孤單
原來大把姊妹另一半係港女嚟
1個讚
我接受唔到老公會用粗口鬧老婆
1個讚
點解忍？
又未結婚
Btw 我上面提嘅前夫都係水瓶座.
點解會同呢啲男人結婚？拍拖時發覺佢哋性格咁差應該一早分手，唔會行到結婚嗰步
1個讚
我老公都係，有次我中招病到死吓死吓，點解一家人冇渴死，原來屋企早前怕制水買咗支2公升礦泉水喺度；堆晒啲污糟碗喺盥盤度，寧願喺櫥櫃拎長期唔用嘅碗碟「朗」一「朗」都唔肯洗一隻碗；廁紙用完唔會換，因為佢覺得女人先用得密；以為佢比好多家用？sorry！係一個冇比家用又要做大爺嘅自私精！
港男普遍一個樣，
光頭、禿頭、地中海
龜頸 （依家愈來愈多）、戴口罩（側頭）
戴眼鏡，孭背囊
大肚腩
身高維持160-175
認到自己老公，好眼力，勁
同問, 如果拍拖時已經係咁, 搵過個算啦。
無啦啦黑面呢下好惡搞
1個讚
鬼掩眼
4個讚
又真係幾pk, 但你結婚前唔知佢係咁?
唔知有幾奇？
諗住婚後改變對方
價值觀一直唔知，可以結婚
拍拖時真係未必會知，好多野都係一齊生活後先現形
同埋拍拖時係男人角度你仲未係佢嘅人，態度點都會有修飾，結婚初期可能仲好啲，有得幾年啲大爺衰格老馮態度乜都出齊
6個讚