其實我同阿媽感情都算好，但我哋嘅性格同生活習慣真係南猿北轍，大學畢業我就搬咗出嚟住，都還好，生咗仔後阿媽嚟幫手湊，又令我再次發現我哋嘅唔同
其中一樣係，我媽真係好污糟同好懶 
佢係凡走過必留下痕跡，唔駛福爾摩斯你都會知今日發生過咩事：例如食完嘢唔執好，或者執咗碗但冇抹枱，撩完牙的牙簽喺枱面，撩完耳仔的棉花棒喺茶幾，食完藥嘅藥袋喺梳化⋯
而家自己湊仔，先諗返起好多生活習慣無人教，例如我唔知其實地係要成日掃，唔知文件可以用file入住就唔會巢，唔知唔同顏色衣物要分開洗，同老公開頭同居時鬧交鬧到傻，因為我嘅生活習慣太冇條理⋯
最大嘅好處係，懶媽媽可能造就咗我比較獨立嘅性格，因為咩都要自己figure out自己搞掂 
唔好處係，我諗返起我細個返學應該係好污糟同好混亂，因為老師成日都會話我
唔知有冇人都一樣有個懶媽媽呢？ 
我細個都係成日比老師話「呢啡」同虎頭蛇尾， 女仔嚟講真係幾樣衰。（我估我自己應該係SEN)
但結婚生仔之後（其實係肺炎辭工做全職師奶開始），時間多咗、成日睇YT/IG啲台日媽媽執屋片、學下執野、收納、又掉左好多無謂野、竟然成個人都慢慢變得整齊咗…
唔好處係、呢啲衰嘢遺傳曬比小朋友
有時我都會問個仔、你如果知道媽媽遺傳咁多衰嘢比你，仲會唔會簡我做你媽媽、佢諗咗陣先答我唔捨得唔做你個仔
我都發生過同樣嘅事
我就係個懶媽
所以我覺得照顧小朋友幾痛苦，尤其是幼稚園啲親子功課，溫默書果啲都好厭惡下
好在我生左一個啫
我媽係好有條理，打理得屋企井井有條，但我學唔到我媽li樣嘢，同我老公都好有需要學執嘢
你有冇咩片介紹比入門級人士，因為我諗我老公唔會睇，都係靠我一個
我阿媽唔係懶，但佢習慣咗自己屋企有工人姐姐做清潔，所以嚟到我屋企幫手湊細路，佢都唔太注重清潔咁
例如煮完飯會一地都係廚餘，向娘家就話有工人姐姐抹地啫，向我屋企就係我去抹
同小朋友食零食/麵包會食到一地都係，唔單止係小朋友食得樣衰，佢搣麵包比小朋友嘅時候已經一地都係，仲有開奶比bb，奶粉又係畢到周圍都係
但我老公又唔想請姐姐，所以先叫我阿媽幫手湊b，唯有啲清潔嘅家務我自己做晒佢
哇咁你都好叻！改變唔係咁容易。我老豆都係混亂+污糟，所以我老母完全冇動機要執嘢同清潔⋯
我未到呢個階段，但我媽由細到大都唔會睇我功課、唔會幫我執書包、唔會同我溫書。我自細都覺得做功課同溫書係自己責任，反而見到啲同學啲功課分明係阿媽睇過同執過，我會覺得佢哋唔啱 
呢個真係激死我！開頭佢又係嚟幫我坐月湊B，每次煮完飯成個廚房都勁污糟，呢度又薑皮嗰度又菜葉，啲糖樽鹽樽搞到勁污糟，佢走咗我要由頭抹一次執一次
食餅食包一定唔攞嘢墊住，一定食到周地都係⋯
我媽同你媽可以做朋友
我全部都冇理、我由細到大都唔鍾意做手工、反而老公睇唔過眼、會幫手整
我睇杏子媽媽， 艾比小日常（不過呢傢多咗廣告冇咁好睇，2020年之前好睇啲）
日本有個Niko life, 主題係日本OL放工後日常
會睇《台灣kasin_1994》嘅IG
IG 試下打「斷捨離」/「極簡生活」， 都可以參考下
細個屋企好多曱甴，
通屋都係曱甴卵，
雜物又多，老豆唔中意掉野。
廣告紙睇過既信，
幾十年前既手冊，作業。
食完糖既盒，
食完外賣兜，膠袋。
已經無用既家電之類。
總之有位就左塞右塞。
阿媽又日日都掛住賺錢，
有時候食完飯碗都唔洗。
依家乾淨好多。
同你一樣、好深印象細時成績表話我唔整潔、俾人話女仔好少咁、成日唔記得洗校服叫我污糟衫摷返出嚟著、中學我就自己洗同熨校服了、唔鍾意煮飯同做家務、唔鍾意人黎屋企因為要執、我老公黎左幾次就唔掩飾、話一係我自己執、屋企堆好多雜物、同佢丟又發脾氣、佢完全唔識執野、執對佢黎講係塞哂入櫃、所以成日買完又買、之後老公都忍唔住話我媽都幾懶、都幾hurt
好處係我哋全部都好獨立、好整齊、但同我老公比都仲差好遠
好鍾意浸住啲碗都唔洗、無得用就要同佢洗、你媽掛住搵錢都叫優點吧、可以搵人做清潔
諗返細個同佢感情都叫好既、可能大家都懶
大左出嚟社會就開始睇唔順眼、點解可以成日係屋企咩都唔做
我媽起碼一日三餐會準時煮，
不過就唔中意洗碗。
反而我媽咪會掉野，
我爸爸唔中意掉野，
掉左佢嘅嘢會發脾氣。
細個時雙職家庭都無錢講工人，亦無地方俾工人住，整齊都係既，無閒錢買咁多廢物所以基本上每件物品都有用，煮飯又簡單，所以廚房只有基本調味料，加上阿媽乜野都要放返原位，所以係整齊，只係唔會日日掃地拖地，依兩樣係我同阿哥輪流做，所以只會星期六/日做一次，入屋就換屋企拖鞋，唔係赤腳踩我接受到。
我阿媽自稱家務事好懶，仲成日同我講佢唔明D同事點解要日日掃地拖地，又唔係響地下訓
老公個阿媽就懶到出汁，從來都係家庭煮婦，老公話細個LUNCH就出街食，夜晚先會煮。
依家同住，D物品唔捨得掉但又成日買新野，D野無位擺就咁擺餐檯，食飯就執走食完又搬返黎擺。LUNCH食完野D碗會浸到夜晚先洗，有時夜晚沖完涼先記得未洗會由得佢第日洗。
幾年前62未退休返到屋企仲要掃地拖地，而99未過佢掃地拖地(係講懶依個POINT啫，我接受到因為又係入屋換拖鞋)
煮飯切到D野好大舊，娃娃菜開一半就煮，節瓜一開四就算，唔會煮菜芯芥蘭白菜依類因為要浸要洗，以上唔係我見到D餸有意思，係99好老實話要洗菜，懶得洗，懶得切。
甚至好多時我地WEEKEND唔留家食飯，佢會話連食都懶得食。
間中我老公會嬲到問佢幾時懶得做人 
我爸媽都係，唔中意掉嘢，乜都儲一餐但又唔執。啲即棄餐具呀膠袋環保袋一大籮，老豆做工廠仲要成日喺垃圾房執啲舊傢俬返嚟⋯⋯
啲嘢要爛到爛溶溶先會掉，但又係咁買/執返嚟⋯ 其實呢啲係咪儲物癖？
藥物茶葉過咗期十幾年都仲喺個櫃度，我話幫佢執就發脾氣⋯
我啲校服一係就爛/皺，一係就白色裇衫/襪洗到變咗粉紅色⋯
我屋企仲癲，掃地拖地起碼以季計，基本上冇人上嚟就唔會拖，留返年廿八先一次過拖⋯ 我睇唔過眼就會掃下拖下，而個地拖係霉嘅⋯⋯ 後來我買埋吸塵機比佢，都係唔用⋯
不過因為懶洗菜而唔食菜呢個真係好勁！我第一次聽
又生性又聰明又勤力
話時話我都有朋友係咁而唔食菜
佢啲仔女成日病