因工作關係, 一日三餐都要出街食, 老公永遠都要我諗食咩, 問佢想食咩都話"無所謂, 咩都得", 但每次我提議咩都俾佢ban, 然後又要我再諗, 再ban…
假期佢本來講好同我去邊去邊, 到嗰日又會縮沙話熱話多人, 最終目的地都變咗去街市買餸返屋企煮飯… 好彩嘅係佢肯煮, 我做前期後期工作…
我同佢工作都好忙, 每日個腦都無得停, 我都唔想諗… 但都想工作同屋企以外嘅節目…
(結婚10年)
1個讚
好多時無所謂嘅人，都會有所謂
我同親男朋友拍拖，佢都好興問我想食咩 (其實佢又係嗰D表面無所謂，但其實係有所謂嘅人
)
以前我話想食咩，然後佢又話食呢樣唔好…
但我算係好彩嗰個，後期演變成，佢一問我想食咩，我叫佢揀2-3樣俾我選擇。佢係肯咁做。然後我從佢揀嗰2-3樣再揀自己鍾意嘅嘢食
不過佢都知我成日就佢嘅，所以有時我話想食Pizza，佢都會肯陪我食。真係有進步。
不過我知唔係個個都咁好彩
4個讚
咁先煩
我老公都係咁，忍受咗好多年，終於忍無可忍，當佢b a n我選擇嘅時候，我就會叫佢自己諗食咩，我費事講落去，反正都係等你ban我，不如你自己揀。
以前就係費事再傾食乜
收工時間又唔同
各自買外賣返屋企食
唔知點解諗起轉輪盤,
要諗個位真係幾辛苦, 成日都要諗食咩, 你地仲係要比人ban個種
估唔到咁多人同我一樣…
以前d 人笑港女依d 行為, 依家越嚟越覺得我老公就係港女… (唔只依樣, 仲有好多…)
Me too …. 真係好悶
我老公都係咁，假民主，去邊度食叫我諗但乜都ban，就算勉強去咗我提議嗰度都會黑住面食或不停彈
依家我都費事再提議，反正去邊食我真係冇所謂，好過諗咗之後又俾人ban，或成餐飯要睇佢面色
一餐飯啫，點解都搞到咁煩惱。唉，做人真係幾辛苦，淨係諗每日食咩都幾費神。
日日都要三餐一齊食?
間中無視佢意見，佢ban你就話你想食，唔係每餐都係佢意見為依歸嫁嘛
我老公有排都係咁，我都係間中無視佢，有時直頭話諗唔到呀今晚唔食，又或者話今晚食yogurt(佢唔食既野)，整整下依家佢想食特別d既野會主動出聲，如果唔係我話食乜佢就食乜
我諗起仲有一招，一人揀一間餐廳，猜情尋，去猜贏果間
我無所謂,你想食咩(無限loop)
自己講兩間，我贏食A你贏食B
有時係要強硬D
你揀啦, 你知我唔鐘意揀 / 唔想揀
lol, 我個朋友真係咁樣同我講, 次次都係咁, 問幾多次都唔會有答案
我老公就係咁… 完全一樣…
依招可以試下
我唔會提議第二次
一講去邊度食就算得返自己一個都會去食，佢唔願食就叫佢去諗，然後我提議分開食之後再滙合
通常佢會屈服跟著我去食
以前我一個人決定唔到食邊間都會搵我fd同我猜
或者自己擲公字
1個讚
我老公又係好怕諗食咩
佢會好婉轉咁話我咩都食，最緊要間鋪頭你有嘢啱食，就係咁將個波拋咗俾我
不過好彩我揀完，佢多數都唔會ban
但成日要諗食咩真係好攰，如果我諗唔到，話唔食，佢就會嬲咗