上回講到壞人航空出發
最後行程係 5晚住Copenhagen 2晚住Billund
可能係9月，有啲景點都係休息緊，所以焗住要就時間。
覺得推介嘅景點有圓塔, 新港, Christianshavn, Fredericksborg Slot.
Odense 嘅小鎮風情都幾舒服, 大半日都好夠.
哥本哈根嘅物價係堅貴 （應該同倫敦市中心差不多）*1 dkk = 1.1hkd 咁上下
有啲餐廳一件open sandwich 都125 dkk, 仲只係fast food style, 最後都搵到dept store 類似cafe比較抵食又試下.
早餐我就成日去7仔, 反正cafe都係一個飽同coffee, 哥本哈根好多7仔, 對於我呢類遊客都幾唔錯.7仔就差不多每人 60-70dkk
丹麥真係唔common買曲奇餅
得手信店會有, 最後dept store又買到.
shopping 之類, 對我嚟講又真係冇
磁石果啲我又唔會買, 零食又冇乜新奇嘢
分享住咁多先
—待續—
等你分享酒店交通等資訊
好期待
酒店嚟講
我早幾個月卜，近哥本哈根中央車站都要接近1000dkk嘅3星，不過勝在去車站只需要5分鐘
間房麻麻地又有啲焗咁
再轉場去legoland附近嘅酒店就resort feel, 雖然都算有啲早出晚歸，但都起碼有個似樣嘅自助早餐先，價錢都係差不多咁
– 待續 –
交通篇
我冇買哥本哈根卡 （任坐車加景點門票）
一來唔係個個景點有興趣，二來要去得多先抵
咁我到埗買24小時city pass small, 足夠機場同市區，及市區所有交通嘅任搭，基本上24小時都夠用。
其中有一日去Frederiksborg Slot同Kronborg Helsingør, 呢日買24小時city pass large, 響哥本哈根上去，已經3程火車了
其中一日去malmo, 火車票到時響火車站機買，好密車，冇check passport添，去到市中心行大半日就返去
如果去其他城市，就要響DSB 買飛，提早買有Orange Pass, 會平好多，講緊平50%以上，但就不退不改，自己把握好時間。
貴過其他歐盟國家喎
德國若果三歐起碼有個正常size麵包
有呢個都ok
我見過有125dkk 一件，睇落係好精美，但真係堅貴
如果大家去想慳使，建議download too good to go
英國都用得，上次我食過間open sandwich 69 2 件，靚同好食嘅。
周圍嘅espresso house 或bakery 有grab and go，一份起碼夠2 人份量。
治安篇
so far 感覺街道都乾淨企理，感覺安全嘅
話係咪100%好乾淨，又未算。
但起碼12點響條街果度都感覺可以
我覺得唔熟歐洲，又想簡單行下都唔錯嘅
天氣嚟講
呢幾日都算風和日麗，20度左右
同埋日照都去到6點幾，唔會因為太早天黑而唔想行
當然舖頭都係收6點都唔少，亦都係歐洲嘅習慣嚟
