我唔敢相信呢個事實！
呢間學校、校長真係太好！
點解會咁….
其實我知出生率只會越嚟越低，遲早面對呢個問題，但係….我好傷心
係咪真呀？根德園都做唔住？咁其他幼稚園點呀。學生人數小得咁緊要？
1個讚
不幸地，係真的
在讀學生收到學校通知了
根德園係好大既幼稚園，K1至少有19/20班
每班30人！但依家出生率只會不停下降，對咁大既學校，影響非常大！
雖然佢收得好平，平得太過份，St Cat都8千，我仔早一年畢業都仲未過5千！我寧願佢加價！
根德校長老師真係用心教學，好多老師都做左好多年，做到退休。
4個讚
真係好shock
傳統好學校陸續唔做 
我仔17年K1，當年寫埋求位信都唔收，我真係好想佢入的，見畢業生品格同能力都好好。可惜…
連老牌幼稚園都做唔住，真係對其他學校幼小中響起警號。可以咁講，即使再再放寛上面落嚟（其實都唔係想像咁多人），都解決唔到香港人口急劇下降。
2個讚
其實校長可能唔想假手於人，整衰個名
真係好可惜！想講50萬次好可惜!!!
1個讚
真的！實實在在既教育，冇花考野！
上小一就會睇到根基！
我姑仔2個小朋友讀某間私幼, 我啲小朋友以前都係讀呢間, 佢話今年開得一班k1.(不是根x園)
根德收得又平，又教到小朋友知識
個個都鍾意返學
校園又靚，有樹屋有大地方比小朋友玩！
教導小朋友守規則，自理
一間提供咁優質教育既學校冇喇…傷心盡在不言中
第一要害 - 出生率下降
第二要害 - 移民
睇下啦焗腸，尻官！仲係到自吹自擂！
一間用心教育既學校冇左，係教育界、未來小孩既大損失！
1個讚
出生於率低吾係呢幾年的事啦，移民先係至命，真係好多人走咗，大部分係生育年齡嘅人。廿幾歲年輕人去加拿大，三四十果班去英國。留低香港嘅一係老弱，一係唔生
11個讚
我諗根德園目標群大多揀咗去移民。
3個讚
我都尊重根德園寧願結束都唔買比人
眼見好多出名學校非常商業化
但根德繼續保持低調，唔搞花臣，只專注小朋友教育
只係…不捨
6個讚
新聞稿都講到好白, 移民潮應該係主因。
話就話提到有30%教職員退休, 咁理論上可以請返新血, 但點解請唔到? 呢幾年D教師去晒邊? 咪又係移民囉。
BTW, 好似第一次見人公開講"移民成風" 
會唔會被國安拉
「根德園幼稚園」創辦人兼校監黃女士已正式去函通知教育局上述決定。黃女士解
釋停辦這所營運近 60 年的私立獨立幼稚園的原因如下:
學校教職員(包括校監、校長、管理層及資深教師),有 30%已屆或接近退
休年齡;
2023/2024 學年 K1 入讀人數大幅減少;
香港出生率跌至歷史新低;以及
本校目標客群的年輕家庭移民成風。
黃校監稱:「目前我們的教職員隊伍共有 74 人,其中 30%(包括校監、校長、管理
層及資深教師)已屆或已接近退休年齡。」
「本學年(2023/2024學年)情況尤其嚴重——入讀『根德園』K1的新生是300人,
較諸上一學年(2022/2023 學年)的 500 人,降幅達 40%。自 2019 年起,收生下降
已成爲一個不可忽視的問題,我們再難以迴避入讀人數持續下降的趨勢」。
「一如香港所有其他學校,『根德園』也受到出生率急降、年輕家庭移民等負面衝
擊,造成本校的入讀學生人數也隨之急降。」黃校監補充說。
2個讚
係啊，老師好多都做左好耐，好有經驗
另外感覺係「一間學校、校長好，老師先會做咁多年唔願走」
郭安嘈咩？話人惡意唔營辦學校啊
有骨氣既學校都冇哂Lu
未來既孩子好可憐
1個讚
我覺得只係夠鐘想退休，有辦學理念又唔想賣完做衰個名多過做唔住。
2個讚
我都覺得係
賣比人整衰哂不如唔做，我都respect
只能抺淚
我人生第一份工就係哩度
4個讚