同而家水浸再誇誇群嘅英雄故事囉
係，其實呢啲片唔易拍，要做多啲資料搜集，同起碼加多啲唔同角度嘅意見
而家呢度最大問題係其實全套都係個阿媽的觀點與角度，一言堂咁，又冇專家意見又冇其他人意見，又冇資料又冇數據，佢講就係咁；MM確實係思慮不周。
5個讚
見大家咁熱烈討論，仲諗住睇吓。點知private左。
個呀媽似似地係SEN
睇完覺得小朋友慘，父母自私
2個讚
我諗…如果第三個係正常既都未必會繼續生落去, 如果第五個係正常就超可憐囉, 一出世就有將來照顧4個sen哥哥姐姐的負擔
我自問都A
我就堅持只生一個同唔請工人
你都可以話我好固執
哈哈哈！
1個讚
第五個先最慘、報導咁講
「而四兒子早產了10周，輪到細兒子更是驚險，他一出世已無脈搏心跳，即時要進行心肺復甦超過兩分鐘後，才回復過來。因腦部缺氧而即時入深切治療部觀察，所以又順理成章成為SEN孩子。」
她形容孻仔為「奇蹟寶寶」，她一字一句說：「事後發現原來他出生前臍帶甩了，導致腦部缺氧，但無人知道甩了多長時間，可能是幾分鐘或幾小時，所以一出生就被列為SEN，現在的情況是有語言發展障礙，發音不清。」
第四個已經早產、佢七十後、生第五個相信年紀都唔細、根本拎嚟駁。
6個讚
終於有知音！
我贊成墮胎嘅，同埋40歲後唔想要BB嘅應該用最安全嘅避孕
呢個年紀生仔對BB同媽媽都危險，生咗出嚟都無體力湊
我覺得直程係自私
其實兩個仔出世時都各自有問題, 會唔會母體本身就已經唔適合再生育
我身邊有朋友係早產、都話醫生係會講、今胎早產、下一胎係好大機會都係早產
有朋友係32週早產、醫生同佢講、下胎好大機會早四週、叫佢生下一胎要好小心同諗清楚（唔知實際點講、佢轉述係咁嘅意思）。
果陣佢仲好後生、三十都未夠、所以冇做結紮。點知隔咗四年左右又有咗、22週就入咗醫院訓床、屎都唔敢大力all, 好辛苦訓到28週就生咗。
所以我自己睇事主生第五個根本係隔硬嚟
好彩就冇事、唔好彩就係成家咁就一世
3個讚
好似有人backup左,
但唔值得再睇, 唔計有爭議內容, 本身講sen都好表面,
如果你想睇返, 上面報紙條llink仲詳細, 一樣睇到你眼火爆
3個讚
我認同佢所講、唔應該用「正常人」嘅standard去要求或者評價SEN小朋友、但唔覺得佢有做到
要好好照顧一個SEN小朋友、要好勞心勞力、自己睇書去上堂去講座去學做訓練，又要帶小朋友出去上堂訓練，一個都未必完美做到、五個根本無可能面面俱圓搞得掂。
同埋自己生細路出嚟就係有責任照顧傢啦、唔明佢偉大啲乜野。
但事主只係一味話人誤解SEN, 其實人哋係質疑佢點解明知會分薄心力資源都要生咁多個、但根本冇聽入耳。
6個讚
佢面書解畫話mm段片最尾斷章取義, 佢除左講因為鍾意小朋友所以生5個, 仲因為想佢地將來互相扶持(不過呢個睇法都好argumentative, 如果真係播出街, 應該仲多人鬧佢)
無錯, 網民鬧佢不嬲都係呢個原因, 佢面書就係度spin其他人誤解sen、話MM斷章取義(唔係話MM無錯, 如果係真的話)
3個讚
我自己咁睇、mm 嘅成員相對比較後生、人生經驗比較少（尤其生兒育女組織家庭）、而且唔會好以以前大台咁、揾資料搜集嘅有一team人、拍嘅野要層層批核先開得工。
唔識、冇預計觀眾反應、拍出街咪出事囉、希望mm團隊會吸收經驗啦。
但我見事主真係好積極去接受唔同媒體訪問、佢真係好想出名。
MM都唔係第一次出事, 之前其他話題都好大爭議, 例如寵物安寧
X2 之前只有係文字報導, 受眾有限, 今次有晒畫面, 多左人睇到, 個阿媽以為一樣內容一定會更多人被佢感動, 結果出晒事,
7月佢出新書, 段片9月出街, 時間剛剛好
1個讚
好似完全冇資料蒐集，冇專業意見，純粹就係人講乜，佢播乜。
我都冇睇好耐，希望佢會改善下。
3個讚
該主題在最後一個回覆創建後180天后自動關閉。不再允許新的回覆。