我知人人有生仔權利,
但第一個係sen大家都明, 第二個都係sen, 係唔係要停一停諗一諗, 仲要生夠5個?
佢面對緊嘅問題有一半係自己攞來
8個讚
之前free嘢俾一個家長, 佢又係有四個sen小朋友, 然後肚入面仲有一個bb…
而且佢經濟環境好差…
我都唔明…
5個讚
Why
2個讚
佢唔覺得係問題
我只係覺得佢好自私，記者問佢點解生咁多，佢話佢「鍾意小朋友」，係咪sen 唔係考慮（呢句係意譯，有興趣睇係last 一分鐘）
講真佢唔影響到人嘅，佢係有權做自己喜歡嘅嘢。但唔好包裝自己照顧五個sen 小朋友係偉大係母愛，誠實啲面對啦，佢只係自私。佢圓滿/對自己嘅滿足係建立喺佢小朋友嘅未來嘅身上。
其實個個父母都係，生仔唔係比生命一個人，反而係呢個小生命圓滿咗你自己。而正常你唔會想呢個你比咁多愛同帶俾咁多歡樂自己嘅生物過得唔好，所以正常有遠見有良知你會好比心機equip 佢，第時父母照顧唔到佢，佢都照顧到自己。呢幾個sen 小朋友大咗會點呢？係咪咁有信心佢地大個冇問題？咁有信心佢地大個就算未好返，生活都會有support？
7個讚
佢仲要笑住咁講, 我當場想打佢幾巴, 自私到不得了
佢真係有照顧都仲好D, 就咁睇條片, 佢只有幫大仔搵專業人士, 所以有明顯進步,
其餘4個仔女睇唔到有專業人士跟進緊
佢間屋D牆甩晒油漆, 我完全唔明點解唔油返好
尤其二仔呢個病況係咪真係適合俾人上自己屋企採訪拍攝。食飯嘅時候都有聽到話「你食啦佢唔影你呀」。其實其他小朋友對今次採訪嘅認知係點，有冇consent 都好存疑。
2個讚
佢地呢個年紀(唔關有冇SEN事)未必會理解到咁樣上晒鏡, 會對自己有咩影響,
條片話個阿媽有出書, 陰謀論D諗, 其實佢係唔係想sell本書
5個讚
可能佢屋企雜物太多, 好難搬走晒d 野剷灰再油番?
咪靠佢老豆幫手湊
你又岩喎!
而家出左名, 應該多D人買佢本書, 應該有錢有能力搵人油返好D牆
呢兩公婆都10個趣, 一隻手掌拍唔響
1個讚
我都好有興趣想知佢老公係做勝行, 定本身都有d 錢, 今時今日養五個唔容易, 老婆好似無做野, 仲要有時間搞活動
有d 人真係唔介意自己屋企幅牆爛溶溶, 我覺得佢唔一定係無錢搞, 可能真係覺得唔重要/ 懶得搞先唔搞
1個讚
識人住公屋生幾個，得老公工作都無問題。。
1個讚
諗起前兩日入息中位數, 家庭係28,000, 自問都唔係有錢, 但都想像唔到點樣養到幾個(>3個),
而片中家庭有5個SEN, 付出嘅心力同財力理論上應該更多
呢啲真係睇父母態度，有好多好hea唔會理，唔會額外主動揾support, 諗住交晒俾學校搞掂，加上住公屋，開支唔會大。利申:教育界
3個讚
或者成長背景真係限制我想像, 就算幾hea都好, 都要有個譜, 仔女有需要搵支援, 都可以咁hea,
我朋友以前做言語治療, 佢話好多case都係皇帝唔急太監急(不過可能肯見言語治療已算好, 唔排除唔少case直情被父母ignore), 父母唔重視, 佢幾有心想幫都無用, 受苦嘅係小朋友, 錯過左治療黃金時期
1個讚
戴左頭盔先，本人無心力財力生下一代
以下係我看圖作文腦補D內容，
見佢地1大5小得一碟菜同一碟肉餅，果度只有兩個成人既份量囉，唔計唔食野果個都唔會夠飽。
依家衣食住行都貴，話就話平養，但平極都係錢。
3個讚
我屋企人口少過佢一半, 都有2-3個餸, 突然覺得自己食得好豐富
1個讚
坐左一輪教育機構做RESEARCH，見依幾個情況，
- 家長話佢地自己細個時咪又係咁所以唔理
- 老公直頭鬧個老婆教得個仔唔好，都係唔理
- 強力否認個小朋友係SEN
- 家長願意俾錢上堂，但十萬個理由唔帶個小朋友黎(心理都係未正視)
- 家長正視，但就CHUR到個仔痴線，搞到小朋友壓力仲大左，頭幾次去到中心門口就爆喊，要導師去門口接小朋友，一見到導師就會冷靜同笑。導師都好怕果位家長，次次都講無效果(佢覺得)
- 真係又正視又信任導師，只有20%
因為個PK老細果期睇中SEN條財路，想開學店"幫"小朋友咁話喎
10個讚
我兩公婆，兩碟菜兩碟肉(唔食飯)食完可能仲想煎隻蛋 
仲見到有人話唔好judge 人生仔，
最緊要父母嘅愛，以前屋企點窮自己點發奮。
現實嚟講，生完要錢+愛，2023年喇，愛唔係大哂。
話時話，生5個都有問題，係咪遺傳？
2個讚
以前做過間補習社, 屋村好細果d, 平日做小學課後托管班
其實個老細好少番去, 都係請兩個大學未畢業既學生番黎做part time 睇住d 學生做功課同幫手溫默書測驗。
d 學生又有亞氏保加, 又有ADHD…… 但個老細係唔理既, 總之有生意做就收個學生, 完全無諗過d part time 搞唔搞得掂。