好好好多年冇去，最近諗住kkday/klook買飛同家人入去玩，睇咗幾條youtube片見人流唔算多，但小食/食物價錢好似追得上迪士尼咁貴 
如果有人今年去過可以分享下嗎？有長者唔會玩機動遊戲，志在入去回憶吓
一個人玩可以盡興
今年無入過去，對上一次係上年10月嚕
食野貴唔貴就睇你平時食開既餐廳係咩價位，因為依家對比返茶記都唔平，大家都係劣食，入到去貴一半左右。
個人睇法，入得主題樂園都係預左俾佢湯，一係就慳到野都唔食無水就斟佢d水。
一係就合埋眼貴就貴，去灣景餐廳食個無敵海景lunch，坐得舒舒服服咁。
今年年頭有去過，揀間最平既餐廳，98一大碟肉丸意粉or牛肉飯，又唔覺得特別貴。入口處附近近噴水池仲有pizza、燒物等等，買完有位坐慢慢食。當然貴d既選擇都有，但想唔太貴都仲有得揀。
小朋友去好開心，大人都係陪玩陪食多。
1個讚
感謝各位回覆 
都唔介意入去食嘢俾錢，都預咗個洗費，唔知會唔會好冷清
雖然冇去好耐，但都估到唔會，佢始終都係著名旅遊景點，
其實人少應該舒服啲，起碼排隊搭吊車人龍短啲。
海洋公園可以帶食物飲品入去，唔同迪士尼。
搭一句咀, 迪士尼一向可以帶飲品食物入去, 最近連罐裝飲品都可以帶。
通左關後就唔知，我都係趁通關前過去，人少少，歎冷氣睇動物都幾舒服。上個月陪小朋友去過首爾室內動物園，哇，園內又臭又焗，我戴住口罩都頂唔順。對比之下，覺得海洋公園做得好好多，室內幾乎無味（除左企鵝館同海豹館有魚腥味），應承左小朋友入秋後再去！
如果有budget，推介企鵝館隔離餐廳，早d排隊拎位，睇住企鵝游水，食飯感覺好好！
2個讚
－定唔係！
廸士尼現在冇徹底執行，以前只可以帶一支水，就算有小孩都只能帶佢食物（小量）入園。
以前帶食物去係要求你去寄存喺客務中心，離開樂園先取回。
有可能不是由開園開始就可以帶, 但由我這幾年開始買年票後, 就可以帶自用的食物, 沒有限制大人食物定小朋友的食物, 我問過檢查袋的保安。
罐裝飲品就真的係暑假左右才開始可以帶, 不過我未試過帶(帶入去又唔凍!)。
原來
原來依家可以帶一人份入園
N年前開園頭一年我記得係水都唔俾帶，之後慢慢就話可以帶一樽水，食物就話有特別飲食需要先帶得。
迪士尼一向都唔有得罐裝/玻璃飲品入去，因為安全問題，但好多時你收得好，保安查唔到咪入到去，正如紅燈過唔過得馬路一樣，無人捉咪得，但有人捉就唔好問點解之前得，而家唔得
頭嗰幾年真係查得比較嚴，但唔知道原來有明文寫可以帶小小零食補給，都好呀，雖然入得去都預咗洗錢食嘢
好彩仲有人記得！
海洋公園星期六夜晚個show幾好睇
該主題在最後一個回覆創建後180天后自動關閉。不再允許新的回覆。