身邊朋友仔女一係讀國際私立，一係已/會移民
最近要報幼稚園好迷惘……
我覺得要喺香港讀書好灰好大壓力
感覺教育同社會，都係金錢遊戲
經濟好，繼續受好教育，名校出身繼續向上
平民就教育經歷出路都易受限
又感覺要被教育去適應新香港
我明要留就要面對，努力整頓心情中
我小朋友言語遲緩，感覺讀書未必會好叻
依一刻希望佢可以培養正確價值觀、學習興趣同動機、批判思考
有冇前輩分享一下你哋點㨂學校？
如有九龍城幼稚園用家可否分享一下
我朋友選創價
係學卷學校
但感覺都不錯
去到讀幼稚園先知？
都唔係淨係香港先係咁
6個讚
係喎，做地球人本身係咁。祝福你
謝謝你
協恩幼稚園，卷幼，平靚正之選
佢個課程仲好過我大仔間私幼
撇除新香港問題（其實名校都要跟教育局，無例外），香港卷幼有唔同選擇，名小學亦可抽獎入。唔少經濟一般嘅家庭讀卷幼抽獎入名津校，關錢咩事？
仲有，最好嘅學校係屋企。家長嘅陪伴、視野才係最同意
9個讚
英國一樣
4個讚
盡做啦
唔好以為移民可以解決所有問題
5個讚
咁要做d功課搵下邊d幼稚園比較關愛，而且提供相關training 比小朋友。我聽人講培道幼稚園不錯。
身邊友人讀私幼train到個細路好勁就唔好跟了，chur爆私幼唔岩speech delay, 媽媽就唔好坐這山望那山搞到一事無成。收拾心情，好好陪伴小朋友，相信佢好快趕上。
最後，無論邊個地方讀書，一日未到終點都唔知邊個贏，所以請加油，小朋友開心成長先最重要。
8個讚
我覺得呢樣嘢、除咗學校之外、家長有冇耐性陪小朋友「傾計」更加緊要
上到小學、生理上嘅照顧係「輕鬆」咗、但係佢會開始有好多問題會問、家長係咪可以喺返工家務之後仲有耐性答聽同答、我覺得都好緊要、尤其如果佢入果間小學啲老師係比較「忠誠」嘅、又多新移民小朋友嘅、更加要知佢平時聽咗啲乜、小朋友自己又點睇……
2個讚
基本上全世界一樣絕大部份都係呢種遊戲規則
1個讚
加拿大好啲, 冇咩所謂名校(中小學). 溫哥華出名啲嗰幾間都係大陸人吹出黎. 本地人唔當係“名”.
1個讚
出席過香港大學學者關於中文字認讀既研究，其中一項同外國既比較發現，香港家庭不論貧富，學生接觸既教學資源都好平均，學生認字程度相差都唔會好大。即係，你係一間私小搵到某個學生既閱讀水平，係普通津小都大機會搵到一樣的。
有d國家，國家資源擺晒落資優，家長要有錢先送到仔女去好學校讀書，香港都算係咁，至少大家既起跑點無因為屋企經濟而有好大分別。咁剩下既，就靠家長培養小朋友了。
9個讚
唔駛咁驚，我自己就 3 歲先開始講嘢，但係 IQ 測出嚟係好高 (正式喺 psychologist 度 test 嘅）
2個讚
認同，其實香港個差距已經唔算好大，英國差距先大，bbc有套記錄片講呢樣野，追蹤左幾左細路幾十年，有錢嘅仍然有錢，窮嘅仍然係窮，香港就即使你冇錢國際學校私校，大部分津校都會谷學生，只要家長願意配合，學術一樣可以跟得好好，可以派到好好嘅中學，但英國真係好睇學校，state school永遠追唔到independent school嘅水平，grammar school學位太少，只有好精英先入到，對於向上流係有一定障礙
7個讚
我冇留意過grammar school, 但有朋友私校同grammar兩邊睇, 佢話grammar school主力谷學術, 冇咩體藝exposures俾學生, 例如唔似私校每年學一種樂器, 每一兩個term玩一種運動.
都唔係架，grammar school都有唔少課外活動嘅exposure俾學生，不過讀得grammar school嘅學生好多都focus學術
呢點唔同意，我見工時會睇interviewers Linkedin, 我通常見CxO, Head of xx, Director of xx, 佢地大部分係普通state school （唔係grammar school)出身。
2個讚