去到懷孕後期 而家大約33wks
屋企突然發生一件事
呀妹突然情緒爆煲要黎我到住
背景係呀媽實在太煩
呀妹自從失戀之後成個人落哂形 還有返工既壓力
屋企既壓力 佢做freelance 既
呀媽呀爸成日叫佢搵份穩定既工
成日哦佢 終於爆煲
我都感覺唔對路 佢同我傾偈之下原來佢心底好脆弱 好愛屋企人 但實在太無空間令到自己壓力爆煲 個人好自悲無安全感
問朋友介紹左個臨床心理學家比佢
佢都信我 就約左去見 佢無咩朋友
搵左唯一一個明白佢既朋友陪佢
咁我初初有電話whatsapp個心理學家
問佢我情況點 佢話都算係深度抑鬱
要睇兩個星期 有冇好轉 無既就要睇精神科醫生
咁我就想繼續留佢係到住 因為佢見到屋企又會勾起d唔開心事 點知老公話佢搞到佢無空間
我就話比多兩個星期佢啦 我驚佢一時諗唔開
佢係我屋企好free 點都得
點知老公仲同我左d好難聽既說話
話唔係我有左係佢搬走 可能佢覺得要照顧多個人
我都忍住唔話佢 因為可能佢都有壓力掛
但我覺得佢咁講有小小過份
佢話呀妹已經住左兩個星期 仲要再住
我個刻真係覺得佢好衰
不過我妹因為習慣唔好 例如食完外賣 隔一陣先掉
其實佢平時習慣都係差 不過佢而家有人話
我今日都忍唔住喊左
我已經要係呀媽同呀妹之間調停下
仲就黎生 我又想幫呀妹
但我又真係要老公照顧多一個人
我已經唔洗話咩煮飯 多數外賣
搵個地方俾你阿妹住。完
12個讚
但佢而家情緒咁差 我怕佢自己一個會唔會有事
其實你只係諗自己，有冇諗過老公感受，掉轉頭你叔仔黎住你都末必鐘意，有個其他女人係屋企，做野都就住就住啦！你應該陪佢去酒店住下先，你都就嚟生啦，你妹應該唔會再打攪你呀？
15個讚
係既都 我都有諗過
所以我都好矛盾
我都有叫老公包容多一陣 再觀察下
如果有向好就叫佢搬出去住
講真如果你老公平時是有手尾，生活習慣好，頂唔順唔出奇，會很抑鬱。
我都好憎人無手尾同習慣差，所以極憎要同奶奶住，很擔心佢探我要來我家住。
1個讚
重點佢就係唔係
不過我又真係要體諒佢要適應同一個唔熟既人住
2個讚
好奇問下你屋企幾大？
如果細可能你老公覺得你妹阻住佢係廳睇咸片打飛機，男性嘅需要令佢自私左掛
兩房一廳 4百幾尺
可能平時佢返到黎又除衫又成
而家無
有2房都ok呀
咁你大肚其間佢嘅生理需要點解決（你唔洗真係答我），會唔會俾空間你老公解決左就搞掂？因為我老公都提過有外人黎佢打唔到飛機好唔方便，就會覺得個外人阻鬼住晒（而我老公平時係易話為嘅人黎）
1個讚
我又無諗過呢樣野
見佢無慾無求咁
其實你同你老公兩個都冇唔啱嘅，只係觀點與角度嘅問題
你愛妹心切，當然想陪住呀妹俾d實質支持佢
但你老公其實又唔算自私，因為佢都俾你妹住咗好多日。就算你老公都係一個無手尾嘅人，都唔代表佢要包容你妹嘅習慣
試諗吓如果係你奶奶搬嚟你哋度住一段時間，就算你同奶奶點夾，始終都冇得你同你老公兩個喺屋企咁自在，可能咁諗你會再理解多少少唔會覺得你老公好自私
再加上你就生，其實佢可能對就快成為爸爸有啲焦慮不安，但你妹喺屋企，可能你老公連喺屋企搵個可以釋放自己嘅空間都冇
或者會唔會都試吓同你父母傾下，等佢哋都了解妹妹嘅狀況？因為你妹就算喺你屋企住多兩星期，但長遠佢都係要返屋企，除非佢自己承擔到租屋嘅錢。如果唔係將來返屋企個壓力根源依然喺度，好影響你妹嘅情緒
20個讚
係 其實我都有調轉頭諗
我呢段時間已經同媽咪打定底
叫佢唔好再煩呀妹 比d空間佢
其實呀媽都有唔開心
但我又唔知佢明唔明抑鬱症其實可大可小
因為佢覺得失戀咋嘛 洗唔洗咁
但佢唔知自己都係一個源頭黎
所以我先咁驚
我有叫呀妹試下搵日返一返屋企睇下得唔得
但佢未ready我就無再逼佢
我會再同屋企人傾下ga la
謝謝你
我覺得你可以俾d媽媽理解到嘅資訊佢認識咩係抑鬱症，對住抑鬱症病人有咩要注意或者避忌
當然你要做好心理準備你父母唔會一下子就改到表達方法，但唔等於佢哋唔接納你妹妹嘅情況
而家你媽媽都唔開心，我覺得更加要讓佢哋知道妹妹嘅狀況，免得佢哋亂諗嘢，對你妹妹誤會加深，到時大家有條刺就好影響關係
非常同意
如果真係深度抑鬱係唔會兩星期可以解決到
所以都要諗好之後點幫阿妹，佢冇可能一路喺你到住
其實你話阿妹好咗就會走，幾時先叫好咗？會唔會一直住喺度？(好似其他post啲奶奶咁) 抑鬱有機會變chronic，咁你老公有說話都好正常。
另外你都就嚟生，資源時間有限，點幫？
如果壓力源係原生家庭，離開咗就會好，要返去就會差，咁就幫阿妹搵個地方住先。
假設樓主老公完全無問題都好, 短時間都係要幫佢搵地方住, 或解決娘家問題搬返去,
如果樓主生左後, 阿妹仲住係度,
就算佢到時情況好轉左都好, BB一定會日夜喊, 會唔會反而令阿妹情況差左,
唔係話唔想體諒, 客觀情況真係唔適合長住
5個讚
都係呀，到時樓主同老公其實都要適應bb嘅脾性、亂到七彩嘅生理時鐘、如果餵奶粉仲要兼顧洗嘢，li d壓力都唔可以睇少….到時未必只影響到妹妹，仲可能影響到樓主同佢老公嘅情緒……當成間屋好多負能量，正能量嗰位會撐得好辛苦，隨時頂唔順就出事喇
樓主愛妹心切，但都要衡量實際情況
2個讚
呀妹都住左2星期，一句就話老公好自私，冇感謝佢過去2星期既包容同體諒，咁既心態對婚姻唔好
7個讚