當年你地係點樣求婚/被求婚架？
我分享先
識左男同事一個月，未拍拖，覺得幾好傾幾夾。有一日食完飯佢突然開口：「恕我唐突，我之前從來冇諗過結婚，但遇到你之後，我好想同你結婚組織家庭！」嚇到我飯都差D嘔返出黎！
一年半後，我真係同佢結左婚，就快結婚9周年
37個讚
我都期待被求婚，到時再分享
4個讚
好O咀呀！！
又好sweet!
重點係佢講完，你無當佢痴線佬！
6個讚
我一定會當佢痴線佬避開
我有㗎！但最後佢證明到佢嘅決心同堅持，又真係好夾，所以真係走左去結婚。生左小朋友後，佢堅投入家庭生活，換屎片次數多過我
佢仲話越來越開心
14個讚
我又分享下
識左個男仔曖昧緊，佢日日花三個鐘來回去我屋企食飯。有一晚行行下，佢突然同我講：我好想日日同你行呢段路，我好想同你結婚。我：車，戒指都冇，拍戲都有汽水蓋啦
2個讚
我被求婚已經十一年前 對白係咩都唔記得咗
點解呢度d男主腳都會突然叮一聲又隨意地講出想一生一世既說話既？
我果個唔係作 當時覺得佢極hea，乜都冇準備囉
好搞笑！
我又唐突一下，好想知道你嘔飯之後又發生咗啲咩嘢，令到你地開始拍拖？
如果連曖昧都冇，我真心打晒冷震
那些對白，鬼上身先會講得出口
之後先發覺：
求婚=自掘墳墓
結婚=正式落葬
阿門
4個讚
當年同另一半拍拖冇幾耐，其實都未有計劃要結婚嘅，但係有一日一齊行行吓街見到對結婚介子幾靚，又特價，就買咗
之後就傾過不如等佢讀完書就結婚啦，大概兩三年後。其實我係想早啲嘅。
過咗冇幾耐，有一日我同朋友一齊聚餐緊，佢突然間跑來搵我，拉我埋一邊，話：其實都唔使等讀完書，不如早啲結婚囉！
之後佢都有搞過求婚大龍鳳嘅，不過喺我心目中嘅求婚，永遠都係佢跑來嗰一日，無準備，又真心。
10個讚
點解d男主腳都突然間叮一聲咁既（我知我又問啦）？
2個讚
佢睇人都幾準，咁快就睇得出可以同你共度餘生。
佢要多謝老闆或者HR，幫佢請左個老婆。
1個讚
依家有埋鬼出黎講當年點死
對白我唔係好記得，無花無跪，係夜晚岩岩碌上床訓教，搞黎搞去佢捉住我隻手尷硬幫我戴戒指，之後講D以後一生都一齊訓之類。
1個讚
我嗰個係有一日瞓晏覺，佢冇啦啦拎個盒仔出嚟話送俾我，然後我戰戰兢兢咁打開，係粒朱古力
佢話係同事送，佢請我食，食咗就嫁俾佢，但重點係我唔鍾意食朱古力，所以我拒絕咗
但因為四大長老好傳統，佢哋揀咗日子，佢都冇求婚
直至拍拖紀念日，我哋一齊食飯，食食吓佢話我隻手指甲污糟咗，要幫我抹，然後就戴咗隻戒指落嚟，個下雖然有啲搞笑，但都真係幾感動
不過我唔收貨，佢喺我生日買咗紮花上嚟我屋企食飯，仲自己整咗張咭
不過最有感覺都係拍拖紀念飯個次
但重點係我好似唔見咗隻求婚戒指
2個讚
農曆七月…你懂的
1個讚
睇到呢度，唔爭氣地笑左
1個讚
但我唔敢同我老公講