細個成日話要搵食、無咩錢又無咩愛下長大、到我哋獨立又成家立室反而成日插手同希望我哋父慈子孝、一大班人陪佢、感覺好自私、係我心目中最需要關心嘅時間已經過左、點解而家要我配合、講出嚟又好似好不孝咁、但家用同過節呢啲真係當例行公事
9個讚
如果你係亡國開post, 一定大把人話我父母都對我點點點, 但我而家好孝順, 你點做都OK, 但最緊要將來唔好後悔 blah blah bla.
我淨係覺得bullshit, 將來嘅野無人知, 種瓜得瓜, 我亦唔會勸你睇開D, 既然唔開心, 就少D見
12個讚
好嗰方面諗，可能佢大個咗先發現屋企人嘅珍貴呢。
不過唔啱傾就唔啱傾，間中聚下又冇壞嘅。
轉念啦，當還前世既債lor，你忍到今世，可能下世唔使再見呢
有d 人係咁, 又要錢又要面又要工人…… 尤其是響外人面前, 想曬家庭幸福, 鍾意將自己同同輩比較, 於是就對自己家人多多要求, 但又唔諗下自己過去付出既家庭貢獻 (唔單止in terms of $$$)
既然你都覺得唔舒服, 我覺得保持距離都好合理
以為自己打
仔女長大哂，生性獨立唔洗佢地擔心，反而係老人家睇唔開，偏執不放手搞到大家都唔開心，我真係唔明白！
一邊話想幫下手，但實際就令事情更煩亂，解釋佢地聽又唔明，之後又情緒低落唔開心又抑鬱。真係唔知要仔女點做佢地先滿意！
啱啱又一單、講左呢排多活動唔會返去食飯、堅持煲湯但無人返兼好委屈、再加話出街食唔健康、其實無咩心做、煮得又唔好、知道只係想用呢個理由叫大家返去、有時又覺自己好衰、係咪應該順下佢意、但我哋既世界中心唔再係父母
其實都要回想當年佢係唔係，
返工、放工就返屋企、假日無咩娛樂，人生都無咩嘢興趣，
只為搵錢養家。
如果係！佢自己為屋企都付出咗唔少，
互相體諒吓啦！
1個讚
我咁講你可能唔岩聽，
如果係父母立場，
佢可能想你番去陪下佢哋，
終有一日你啲仔女都會長大，
建立自己家庭，
搬出去住，可能過時過節先睇吓你。
到時候你就會明白了。
幾多個兄弟姊妹？
要睇佢當時後生係真係諗住養兒防老對你哋唔好？定其實佢努力返工搵錢俾你地但因際遇而搵得唔多？
呢啲家事好難講，無感情既話。
如果你有仔女既，就做到一個程度係你仔女見到你咁對自己父母，你仔女大咗都過得去啦。如果唔係佢有樣學樣，只會將唔好既野一代傳一代。
兩樣都係、就係養兒防老加際遇唔好搵我哋出氣、你可以諗到無能力栽培我哋都係靠自己、搵掂兩餐仲要養上養下幾大壓力、仲要處處同人比、就係有仔女先更想花多啲時間俾自己屋企、所以覺得我哋自私唔理佢、我角度佢何常唔係自私
我明白、佢就係想全部人圍住佢
我做唔出唔理佢地
為自己情緒，保持距離係必須
我都係、真係衰唔會咁苦惱、只係你返去又係聽佢呷、返黎只係聽你講其他子女的事、有冇關心下我？搞到子女不和、個氣氛令人好想逃避
如果係我會俾返說話佢聽。例如佢同人比較個陣，我會話人哋後生個陣點對仔女你知唔知？各有前因莫羨人。
父母感情都講緣份。隨心去做。我都好明白父母老左就想成日見到仔女孫仔，佢年青時掛住搵食，冇時間陪伴。老來退休大把時間，更係想成日見。大家互相配合啦。
竟然見到有人將我心聲講出黎
講真唔係養大小朋俾飯佢食就等於盡咗父母責任，從來無重視過小朋友心靈層面，到小朋友大咗就理所當然覺得佢要孝順，咁點解你要小朋友照顧你身心嘅時候，唔回想返以前有無好好陪伴，有無好好理解關懷同支持過小朋友呢？
我都覺得自己同父母心靈上好疏遠，甚至有d怨佢地以前咁對自己，不過現實係唔會講出黎，因為太多“天下無不是之父母”“總之要孝順”嘅左膠會出黎指責
該主題在最後一個回覆創建後180天后自動關閉。不再允許新的回覆。