係囉，呢排唔見咗
咁有冇話以後唔再返香港？
唔探長老就唔返囉，有d 長老仲行得走得，都約喺第二度見，再叻d 自己搭長途機睇孫。
唔鐘意就真係唔好返，一條長遠路，曬時間，無謂貼錢買難受
我識嘅，返去都開心，一家大細滿載而回。咁先 enjoy
1個讚
都唔少人特登留返條尾係香港，方便日後回流，呢幾年當坐監拎護照，拎到之後就自由啦，香港變成點又有乜所謂，最緊要繼續方便搵錢同可以四圍去，所以都幾肯定2026打後都幾多人會返香港，又掀起另一個移居潮
5個讚
我返黎係enjoy嘅，不過如果冇需探長老，我應該都唔會去香港，直接去日本旅行耐d
1個讚
我prefer去旅行順便stay幾日，唔會特登返，買野又好探朋友又好食野更好，不過就應該唔會年年返
我應該會留返去歐洲算，冇乜坐長途機意慾
我冇乜旅行意慾，探親為主。
去旅行一般揀近
我冇乜去過歐洲旅行，都好想知有冇地方似泰國咁抵玩。我都好想發掘下歐遊，唔好成日諗日本、泰國咁遙遠嘅地方
1個讚
每個人移民都各有原因，冇乜必要理人回流原因
所以多啲回流資訊都好，等人有個參考
來來去去好平常
係囉我都係有d掛住小丸子
佢去左邊
返咗去2個星期，真係有呢種感覺
下次長假期去歐洲或日本玩，冇乜意欲再搭長途機返去
西班牙聽講好平
我有意大利同法國friends, 成日叫我過去探佢地，但我冇意慾
兩個friend都成日笑英國d嘢食， + 埋我，就3個國家嘅人一齊覺得英國嘢食好好。。。食
但歐洲平個啲地方就亂，冶安唔好。我唔想成日驚俾人偷野。我鐘意歐遊但個啲地方都係比較貴。我鐘意瑞士同南法。同就算瑞士叫做冶安好啲但我都俾人偷過銀包，好彩有保險。
同冰島都係一生人點都要去下，佢啲自然環境同其他地方真係好唔同，同個blue lagoon幾正。
波羅的海三國物價比較低
治安好, d人都好友善 (尤其是拉脫維亞)
不過而家烏俄戰爭, 如果唔係都係一個好選擇
1個讚
我 friend 自己一個女仔上幾個月去左
佢話剪髮 + 染埋，好似只係太概十零廿鎊 (如果我冇記錯)
1個讚
有朋友一齊玩正啊，意大利野食又好食，同我鐘意買嘢！
如果要治安好, 可以考慮德國東部
物價比前西德嘅地區低
而且感覺冇其他德國大城市, 例如Frankfurt, Hamburg果d咁雜
又可以順路去埋捷克, 物價相對較低
捷克可以去Prague(可以玩到幾日), CK小鎮(大推), Ceske Budejovice(CB小鎮) 附近有個城堡Hluboka castle都值得一去
2個讚
佢有冇去埋附近國家玩?