So far我有外國護照嘅親戚朋友，一個都冇話要走，繼續搵錢，繼續過舒適嘅生活
所以覺得有D 得意咁囉…
佢話走…走完幾星期又話返…去旅行之嘛
我有外國護照嘅朋友移民咗一年就回流返香港了，話掛住香港乜都太方便同埋多姿多彩
之前已經係外國生活過多年，應該有經驗，唔會突然去到先覺得唔想面對冬天長，唔方便嘅問題，又計畫咗成年，好好奇之前佢因為乜嘢原因走
睇佢其他片見佢融入得幾好呀，發生咩事喊得咁淒涼 
唔係咁點曬下考到名牌英國私校唔讀
又有加藉喜歡幾時走都得
帶番太陽眼鏡先
唔知點解呢句嘢老是常出現，我見過幾個唔同嘅post都有，唔知點解講唔同topic嘅嘢都會link 到呢句嘢
其實名牌英國私校唔難考，個小朋友正正常常同有錢就得
我自己都讀過全英排15內嘅私校，唔係好明有咩咁特別，要專登喺唔同嘅post講幾次
不過我無咁叻，因為我冇咁瀟灑放棄到Offer，我真係讀咗
2個讚
轉工都要適應期，何況移民咁大轉變
體驗完接受唔到而回流，總好過死忍而唔開心
不過你事先已經計劃好，而家住一個月就放棄，太快啦。 你肯定自己清楚？成日諗住自己回流代價好細好簡單， 唔會俾自己受委屈，剩係揀容易行嘅路，就逼唔到自己向前行。回想當初你一定有啲原因先決定移民。 會唔會再堅持吓？
唔淨止移民，做任何事，要做得成都要付出代價。 每個地方都有好壞。好多人移民帶住破釜沉舟嘅信念，捱一段時間得到自己想要嘅嘢。 適應咗，繼續可以開心生活。
自己命運自己決定。 移咗民無需批評人點解留低，決定留港嘅人亦無謂講到外國好差，唔住得人之類。 一個地方嘅好壞，都係睇自己適唔適應得到。
(我唔係想批評你回流，不過一個月真係太快）
大家未有永居就慢慢捱啦喂
人地都話唔捨得父母冇得睇孫, 自己又想四處去, 又已經有永居, 最點係有D錢可以比佢咁做…就係咁簡單
1個讚
因為佢已經有外國國籍，可以隨時走….
1個讚
要過繁華都市生活，一年365日吃喝玩樂嘅享受 ，無一個地方比得上香港。
所以中產如果唔係真係想要離開個政權，係唔會捨得移民。
所以移民如果係為咗政治立場，咁講堅持同聲同氣就有意思，大家互相鼓勵。
但如果唔係，係為生活環境改變下，追求下唔同體驗，咁無咩堅持唔堅持，亦無需要堅持。都唔係同一回事了。
7個讚
移民唔一定為咗剩係有永居。可以係睇唔順眼個政權，日日篤眼篤鼻 ，想自己子女教育有學術自由，批評政府冇後果 ，又或者覺得香港事業冇運行。
好多人亦都唔係因為冇錢，所以唔回流。 去旅行，住加拿大方便去美洲，住英國方便去歐洲，返亞洲嫌辛苦咪坐頭等/ private jet （對有錢人嚟講好閒啫）。
冇得比父母睇孫絕對係理由，不過呢個理由唔使等出發都知啦。
1個讚
其實有啲人睇睇下又覺得冇嘢掛
仔女又國際學校，咁每個人嘅取態又唔一樣嘅
你都講得啱. 不過我一向覺得英國/加拿大/香港都有好有唔好, 並冇認為某個地方咩都好, 某個地方咩都差. 所以一直調節緊最適合我地家庭的生活方式. 移居未係句號, 可能幾年後我地又過去英國或溫哥華住.
我真係幾鍾意英國名私校ga. 到而家都有啲唔捨得. 不過過多排會完全放低. 俾我懷緬多陣
如果無記錯，呢位會員被勸過唔好喺嗰d 移民唔夠錢好擔心嘅post 分享自己「有錢嘅煩惱」
而家香港仲叫做馬照跑錢照搵, 香港中產同外國中產生活差幾皮, 除非好有決心, 唔係㗎話唔鍾意政府團火會慢慢熄
同埋講真9成為本護照架喇, 你試下英加澳話你可以黎住但係唔比護照你, 好似UAE咁,你估有咁多人走?
3個讚
其實好多時我都唔講detail. 但繼續傾大家問起點解或點安排就一定會講到自己情況.
如果其他人接受唔到我講個人情況, 咁以後有人問我都唔答了.
花茶我會加糖，葉茶唔會