各位我返黎喇。
第一次去日本，好在冇揀沖繩同九州呢兩團，大阪天氣好好，就算落雨都係過雲雨，一落車就天晴。
領隊話沖繩嗰團滯留酒店多左兩三日，冇水冇電，唔知係誇張定現實，都好感恩行程順利。電視睇到個風都幾勁，暴雨水浸。
今次行程包和歌山、奈良、大阪市。坤人嘅景點就係 Rinku Outlet，又曬又只係賣貴野，啲餐廳又貴又唔算好食。
和歌山鄉下地方但其實都唔錯，好舒服寧靜。酒店就麻麻，話四星但似大陸啲二三星，但伙食又比想像中好，有三文魚子送早飯，可惜就冇乜菜。火車站間商場都多野食，只係的確少啲遊客，部份餐牌冇英文冇中文，個個同我地講曬日文，我聽完都唔知佢講左乜
和歌山景點有摸海龜餵海豚偽虎鯨，仲有睇千疊崖。第一次攞住隻海龜，四肢軟綿綿，估唔到。
奈良當然係去餵鹿，但真係唔好餵公園中心嗰啲，好狼死，咬人 pat pat 又撞人，連袋同衫都咬，行遠少少可以餵 BB 鹿同啲媽媽鹿，純好多，不過真係遍地黃金
大阪自由行左一整日，行到幾乎心齋橋尾段冇乜人，嗰啲舖頭賣得平好多。以為會好多野平過香港，但睇落加埋稅 (買唔到 5000 咁多) 又唔係差咁遠。同行有家庭去環球影城玩，朝早 9 點玩到夜晚 11 點冇停過，話好好玩。
另外掃街食左蜜瓜包，蟹肉包，10 yen 餅，同埋章魚燒。老人家本來好反對我買章魚燒，佢之前香港食過，難食到半粒都唔想食。我叫佢食一粒，佢即刻改觀
另外仲有買 Pablo Cheesecake，本身都想買爺爺蛋糕但太大隻，驚食濟。個 Pablo 蛋糕好掂，老人家都評價好高。
不過唔敢掃街咁多，垃圾桶好難搵，仲要有垃圾桶都只係
另外地鐵都係一個難題，老人家腳唔好，上落樓梯辛苦，見到其他出口寫有 lift，但又唔敢去，驚搭左之後唔通去其他入口。其實係咪都通到？
附上照片幾張
返黎要面對現實：返工
17個讚
.喂呀，點解我行程同你一樣既
日日38，40度，我出晒熱痱呀
Rinku Outlet真係伏到pk
9個讚
真係有需要搵垃圾桶, 去便利店。
但係老實講，唔係每一間便利店都歡迎外邊嘅人抌垃圾。尤其是遊客區，對於佢哋嚟講係一個額外嘅負擔。
所以通常都會自己帶小型垃圾袋，背心膠袋或者超級市場買菜嗰啲透明膠袋。會方便好多。
沖繩大部份地方都一兩日之內回復電力，你個領隊應該係誇張咗少少。
9個讚
我下星期去大阪，係自由行，靠我個有 N1日文程度嘅女做導遊。
4個讚
勿相認
應該都係得嗰間專做日本嘅旅行社係呢個團。
老人家出發前話日本會凍，死唔聽勸帶埋羽絨，結果日日熱到我唔幫襯販賣機唔得。一問之下，佢原來係記緊 4X 年前嘅日本。
Rinku Outlet 入面我唯一幫襯嘅就係 7 仔，其餘時間我都係入舖頭涼冷氣。
下次有機會再去日本一定會記得帶。
老人家好失禮，亂掉垃圾，趁店員一轉頭就掉，膠樽裡面仲要有廁紙有其他野，俾店員捉佢兩次，失禮到我想拉佢地走。
fsforth:
靠我個有 N1日文程度嘅女做導遊。
真係好！我半桶水嘰哩咕嚕。
奈良商店街間便利店，係完全無垃圾桶，飲完枝野都想扔都無得扔
係呀 太耐無去旅行，我都差d唔記得左日本好少垃圾桶
原來你你跟團？我自駕
我好似唔係同你同一日去，應該係另一個網友
我勁鍾意和歌山，夠晒鄉下
【日本旅行小知識】 為什麼日本街上沒有垃圾桶? 有個悲慘的歷史原因 (中文字幕)
5個讚
其實大阪已經好多地方。。。可以用強國話溝通。。。。
自駕都可以行程同旅行團咁似
我都醒唔起可以用強語，我最後用咕嚕 Translate 翻譯啲字
1個讚
我都係見到冇垃圾桶上網 check 先見到有呢單慘劇，的確係好大陰影…
不過香港依家都少左垃圾桶，要特登去快餐店 dum。
講起膠樽，我勸唔掂老人家，我話要分開樽蓋膠紙，裏面唔好擺廁紙擺食物包裝，佢就發脾氣。睇黎下次去日本我要好好教育下老人家。
好奇一問，紙幣係咪真係唔可以摺？我記得係有咁嘅習慣，但係導遊都係摺埋擺入褲袋（老實講，唔覺得導遊專業，仲有錯誤資訊…）
據我所知，日本人會喺食物店門外食哂啲野，掉返喺食物店個垃圾桶到
睇禁忌4都係咁講
1個讚
食完野之後器皿餐具之類垃圾，可以直接交俾賣街頭小食店舖。
我每次都係咁，係店食完，佢哋都自動收返自己店嘅垃圾。
2個讚
，返到酒店要洗鞋。
桶 
各位日本通知唔知道邊啲地方肯定有垃圾筒？
