bb兩歲半全埋身，而家仲係密密食、喺屋企玩玩下要食、出街要食、奶睡好耐先放口，半夜醒三、四次食一陣先訓返。
我一直打算自然斷奶，所以佢食就由得佢，諗住唔拒絕，佢大個慢慢會厭。但最近放假，bb好似食得更密⋯⋯
我好掙扎，我一方面覺得真係比到足夠安全感bb同我（bb病時堅信人奶快d好）；另一方面我真係好累，成日隨街餵奶都算，最累係奶睡，同埋兩年半以來都一晚醒幾次。
想問下大家：
bb幾大會自己唔食？情況係點？
斷人奶後係唔係可以一覺訓天光
我仔係19個月,當時有咗第二胎,佢自然就唔食
到阿女就到接近4歲,當時係咁同佢講,大個女啦,其他同學仔都唔飲啦…過咗一排,佢就自己唔食
我覺得斷奶後係瞓得好咗,除左有時起身去廁所,基本上係瞓天光
1個讚
兩個小朋友都係全埋身全人奶
大的28個月自然離乳，到依家仲會半夜醒一次
細的餵到3歲幾我引導佢停，戒奶後一覺瞓天光
其實有得2歲半，埋身食奶已經係for安全感多過飽肚感
我唔俾佢出街食，玩玩下要食
講返我小朋友2歲半時
我淨係餵午睡同臨瞓，其餘時間搵其他野代替
臨瞓嘅俾佢食夠我會停，再氹瞓覺，唔會奶睡到瞓左先離口
半夜醒左佢會摷衫搵奶，我會拉返件衫抱佢，哼歌拍大脾氹返
2個讚
兩個斷奶時間咁唔同，睇來因人而異
唔俾佢食會唔會唔肯瞓？以前午睡都係工人姐姐氹佢瞓，所以keep住都係唔定時、瞓得少（半個鐘、一個鐘）或者唔瞓。
呢排我放大假，午睡奶睡瞓得定時咗、瞓得多咗（個半至兩個鐘）晏晝瞓得好，夜晚都會醒少咗。搞到我真係好迷惘
我仔一歲我就同佢戒奶睡，因為一晚醒成十次我真係頂唔順。戒咗奶睡已經好好多，一晚醒兩三次但都容易訓返。到兩歲幾時陀細B，我乳頭會痛，就半呃半氹咁同佢戒埋人奶。
大約2歲只會夜晚睡前食，慢慢同佢講，大個唔一定要媽咪奶，佢要就當然照俾。
佢食到3歲，戒咗尿片後，有日同我講唔洗媽咪奶，佢大個啦，就自然地斷奶。
2個讚
2歲半姐係乜都食得架啦啵，我覺得你應該要開始控制返佢，唔可以再係咁話想啜就有。
你可以開始控制佢梁係早晚先啜，最尾慢慢戒到淨係啜朝早。最尾就同佢戒咗佢。
你唔戒，辛苦嘅唔只有你自己，你小朋友都一樣訓得唔伯好，心癮會越來越大
2個讚
我小朋友16個月，有次埋身咬到粒lin痛到我大叫一聲，第二餐就唔再啜咁就斷咗人奶。
1個讚
我個B而家都係2.5歲，只係臨訓前埋身一次。我耐唔耐都問佢可唔可以停媽咪奶，佢都仲未肯
1個讚
同呢個媽媽做法差唔多。
兩歲半，開始引導佢戒，我一開始餵人奶都無set 餵到幾時，但2歲幾三歲成日訓到半夜搵奶飲，我頂唔順無覺好訓，開始睡前奶轉飲牛奶，宜家仲諗緊點戒朝早果轉。
樓主，要開始戒，因為要準備埋戒夜片呀
謝謝大家解答，打算慢慢引導他戒奶，但啱啱又中Covid，要停一停，等佢好返再嚟過
我個仔1歲9個月俾我迫斷人奶, 2歲1個月先1覺瞓天光…
迫佢戒係因為佢除左人奶，乜都唔肯食，奶粉都唔飲，食到我頂唔順
戒咗之後有冇瞓得好啲？
啱啱戒果1～2個月勁辛苦，辛苦過之前。因為佢夜晚都會習慣性醒，都會肚餓。我最多俾佢食1餐牛奶，之後再慢慢幫佢戒左果餐牛奶。搞左4個月先1覺瞓天光。
跟住出牙又會成日醒… 而加差不多3歲，可以一覺瞓9～11個鐘。但佢成日發開口夢講野或者笑
，我被佢嘈醒左瞓唔返。
總之做左呀媽就係一直都無覺好瞓
2個讚
差不多三歲。
要長時間去工幹先戒得甩