想問下大家如果小朋友4 歲, 想畀佢學下音樂, 直接畀佢學半個鐘鋼琴定上啲音樂班先?
睇過通利music wonderland, 要親子一齊上, 一次過交半年錢, 驚小朋友唔鍾意就弊…
如果鋼琴, 樓下青苗近近地唔知好唔好呢?
唔係想拎cert 考小, 想佢發展下音樂興趣。
大家有咩意見?
Music wonderland應該係學樂理、節奏呢類，唔算真係學樂器嘅班。我小朋友上緊3歲班，問過職員係要額外再報鋼琴班的
1個讚
你覺得小朋友鍾唔鍾意? 上網睇到啲人上咗三個月就覺得悶想quit
我怕逼佢上半年搞到小朋友對音樂無興趣
因為我小朋友4 歲了, 我諗緊直接報鋼琴好唔好…
係咪即係傳單有蘋果榴槤嗰個course？我有朋友上呢個，女仔，覺得ok，但聽講班入面坐唔定嘅咁啱都係男同學
我自己喺第二間學，佢係有開始教琴，但我覺得太早，無論係手指能力，睇譜能力，集中能力，全部對於小朋友嚟講都太深唔work，如果俾我揀我會俾佢浸下，唔俾佢咁早學。自從學彈琴之後成件事勁唔fun
1個讚
Vote for音樂班先
我教過自己個4歲仔鋼琴一排，佢handle唔到點數拍子，更加唔使講d音（always stay at C only)⋯成個過程幾挫敗
一去左幾個月其他地方音樂班，即刻識睇音符自己讀到節奏
1個讚
我女好中意上呀，佢上緊book2，好中意跟住音樂跳舞，同埋每堂佢地可以接觸少少樂器，佢超興奮
1個讚
我個女一開始(5歲) 已經青苗, 每堂正規一個鐘, 唔洗親子。
要睇下你個小朋友集唔集中到, 夠唔夠定力
bt the way, 我反而concern 你小朋友(4歲) 手指仔夠唔夠力撳D 琴鍵.
咁又係, 都係遲啲先學