有長者朋友問，佢好想來英國生活，但佢嗰仔就唔肯幫佢申請（嗰仔已定居英國幾年），佢本人只有特區護照，經濟條件也非常好，想獨立申請過來，唔知能否辦理呢？請大家幫手解答下。
如果佢本身冇申請過BNO 係唔可以申請5+1
特區護照可以入境英國，逗留半年，到期前離開英國再入境（可以去法國），可以再逗留英國半年。
如是者，不斷循環。
1個讚
應該唔得？
一年只留半年
唔夠再入境可能拒絕？
1個讚
英國住半年，然後返香港住半年，不斷重複。
如果佢有錢可以用特區住半年半年咁都不錯呀
但係英國冇e療，有乜事就好麻煩
5個讚
係唔想同阿媽一齊住？
解開呢個問題， 可能多條路揀喎
係醫療留英， 有咩事都好金
只能夠趁身體冇大礙時住幾年享下福咋
1個讚
旅遊保險
其實真係遺憾咁講，只有特區護照既長者來英國定居真係好難搞：
- 現實講，佢個仔就算肯同佢申請定居都唔係咁易，adult dependent 本身係好難批
- 佢半年僦英、過一過冷河再來英國呢個方案亦有可能因為來得太頻密同每次居留時間太長而被英國入境人員懷疑動來英機而被拒絕入境
- 半年英國、半年香港咁住法，長者年紀越大越難忍受搭10 幾個鐘頭既長途機
- 除非佢個仔願意同佢一齊住、或者佢自己買層樓，否則喺英國冇居留證明係租唔到樓，半年住酒店亦唔係辦法
- 旅遊保險係可以解決醫療問題，但保險唔會包長期病患、覆診及醫療跟進。另外好似65 定70 歲後係買唔到旅遊保險
5個讚
但個問題係佢個仔唔想佢來，佢就算自己申請來到要自己照顧自己，自己搵地方住等等
都好冇癮
1個讚
佢真係想去英國定居還是一廂情願想近啲個仔呀？
大部份 80 後唔保，好小數保到 85 歲，
不過咁樣留係英國都唔係辦法。早幾
年有帶阿媽去旅行有買所以知。
試下住幾個月先
佢應該係兩者都有, 一來佢來玩時見我適應得咁好, 就心郁郁, 二來真係有啲一廂情願想近啲嗰仔呱. 其實我都唔會鼓勵佢來, 因為佢今次來到原本想喺嗰仔度住三個月先返香港, 點知臨出發嗰仔先話老婆不俾佢去住, 要佢退機票. 佢最後都只係改咗機票, 跟其他親友一起提早返香港. 中間連原本話去嗰仔屋企住一晚睇下啲孫, 結果都被拒絕咗, 最後仲係我幫佢加訂酒店. 連我係旁邊睇都覺得無癮, 唔知佢點解仲咁想來. 所以話, 人老咗真係唔好諗靠仔女, 尤其係結咗婚嗰啲, 更加唔係自己仔女可以話晒事. 有錢咪留返自己慢慢搣, 仲意同朋友去旅行下, 吃下嘆下, 仔女嘅事一於少理咪好囉, 何必搵苦來辛.
4個讚
獨子？其實分別兩地關係都咁差又何必勉強呢……
最怕呢啲老人家，拿我唔知前文係點，但咁睇你朋友個仔咁聽老婆話，佢絕對唔使諗去英國痴個仔，只可以旅行
佢根本冇得同你比較，你有BNO身份
但佢有錢，自己周圍去玩下好過啦
佢同新抱嘅關係好差喎……
咁佢真係唔好諗住移英住近個仔
長者朋友係男定女？
我只能說個新抱想完全杜絕個老爺/奶奶痴佢哋嘅念頭，而個仔係贊成。你個朋友都唔好諗靠個仔了