背景：
爸爸全職
媽媽半職
有姐姐
本身我地計劃陀b時，兩夫婦同老爺奶奶溝通，我維持半職，咁老爺奶奶就幫手睇半日，佢地都好支持我繼續有收入，所以當時覺得無需要請姐姐，兩老陪埋我地去一齊睇樓，而新樓同我娘家揸車都要50 分鐘，我有提議老公睇中間點都方便我搵屋企人，老爺奶奶就好雀躍咁sell 佢地個區，我老公只係想睇佢地個區，而同我爸媽近啲個區佢連睇都唔想。
由我地未有bb 時，老爺奶奶好開心會上黎成日幫我餵貓，唔洗叫會自動上黎，我做野飛黎飛去，好感激佢會上黎睇下（因為老公成日唔換貓飲嘅水）。咁我預計有bb ,佢地應該都樂意幫手。
到bb 出世，有啲意外, 呀b 滿月時只見過佢地兩次（佢話有陪月就唔方便上黎），到見面時，老爺奶奶連抱下b 都話唔洗，唔洗講湊，到我試水溫想做返野，叫奶奶幫我望3 個鐘，我出去一陣，可以奶唔餵、片唔換
話唔識等我返黎都一樣姐，唔係老奉想你幫手，只係當初你地話有需要可以睇下b ,原來真係用眼睇，我好傷心。唯有拜托我媽幫下，但我媽來回搭車都用左起碼3 個鐘，我媽都好攰，有排我病左，我媽直頭要留宿我度幫我。我傷心係以為一家人，可以照應下，但老爺奶奶退左休（60 歲）住隔離連睇孫都唔太想，所以最後有請姐姐幫手，我做半職媽媽。到小朋友大左啲，我爸媽會車出車入帶我小朋友玩，見到仲多過住附近爺爺嫲嫲，樓下撞到兩老機率仲高過約食飯
。我朋友都安慰我，奶奶太想湊孫，用佢個套都好煩，但我奶奶完全唔理我地又覺得點解當初咁想我地住附近？睇到我媽咁走黎走去，我都心痛，同老公講我搬返呀媽度住，佢極度唔想。只抱走bb 去呀媽度湊我又唔捨得。
始終我最想有長老望下工人姐姐同小朋友，我就可以安心全職做野，經濟就鬆動啲。依架我奶奶覺得我半職有姐姐就好鬼嘆，又覺得我地開支大。
佢完全唔記得當初我地點解要搬過近佢，係我兩夫婦都有啲無奈。
長老如果真係唔想湊孫就直接拒絕，唔好俾仔女有丁丁希望。
我以為另一個樓主開多次post, 佢一樣係呻男家唔幫手湊BB。
好多會員都比左意見, 樓主入去睇可能有得著。
老土野講多次, 長老應承任何野, 都可以反口, 仲未計大家對"幫手睇下BB、湊孫"定義唔同,
嗰個係你嘅仔, 唔係老人家嘅仔, 既然而家請到工人就唔好再諗住長老幫手睇下或湊孫。
外人角度(外人係包括埋你奶奶), 你有工人, 但返半職, 就算唔覺得嘆, 都會覺得你冇咁辛苦。
不過重點係反正錢係你出, 人地點睇唔駛理。
另外, 補返link, 網友意見幾好
5個讚
當初關係幾好，一齊傾貓經，佢地成日食飯都提住隻貓（買野食俾貓、主動帶佢地沖涼）加上所以我自己都有預計career 點plan，生左小朋友工作可以點安排，反口真係失左預算，連我老公都估唔到兩老會咁冷淡，所以真係經一事長一智。
真係唔想湊開口唔會怪老爺奶奶，咁我可以搬近我娘家，我媽好想湊，加埋姐姐湊，都可以安心出差
樓主個b係男仔定女仔？有啲老人家好恨仔或女是但一樣
所以搬近我媽啦，姐姐雖然係幫手，但飲食照顧上細心，同愛錫小朋友始終都有分別，咁我工作都安心啲
囝囝呀，我老公仲要9 代單傳，我奶奶仲話我老爺係佢呀媽神主牌前稟告生左個囝。佢唔想湊，我諗係咪有野得罪佢地而我唔知。
你奶奶對貓都咁上心又唔似咁冷漠、會唔會係怕點做都會得罪新抱？情願唔做唔錯免傷感情？
我一啲都唔恨老爺奶奶湊。我小朋友嬰兒時期試過，好驚嚇，所以我寧願請姐姐。其實好彩遇到好姐姐，我一樣安心工作，有時OT完返屋企見到佢哋個個食飽訓晒都好安心放心。
另外，如果係我，唔會搬返阿媽屋企，因為會影響夫妻關係，小朋友大個咗亦可能受父母關係影響。
唔知點解你老爺奶奶咁冷感，不過我又唔會為呢樣唔開心，應該係興幸
1個讚
唔係經一事長一智，呢件事未完，你老公要拆返掂佢。
講一句都唔知會咁冷漠就當無野，其實佢知唔知你點諗，又認唔認同搬近你媽比較好？佢一味都係諗自己，梗係唔想變啦! 唔想變即係覺得件事燒唔著佢，無需要改變啦？係咪先？
其實你要拆就好簡單，
一， 摸下底問下老公覺得婆婆上門湊有無必要
二，如有，你比間房婆婆住，或者你租間屋比婆婆暫住，或你搵間屋搬近婆婆度住，比佢揀。
辛苦走上走落又唔係佢媽，佢唔會識心痛。呢家住得近爸媽又有人湊b, 佢真係唔覺得需要搬，而你應該要保護你屋企人，無理由要老人家咁辛苦花3個鐘日日咁走動，叫你老公試下每日通勤3個鐘呀。
老爺99呢d就唔好同佢計，佢地唔理係你既福氣。將茅頭直指老公就得。
16個讚
老人家好興over promising, 你信又唔留條後路比自己係… 所以修正返就無事。
其實最大問題唔係老人家，係你老公既態度同立場，2公婆好好傾一傾。
你層樓係買左定租？如果係租既咁不如搬番近自己媽媽到。我小朋友new born時都有請工人，坐完月就番工，得工人對住bb係冇咁放心。我當時係買左樓都情願租養租咁搬去我媽同屋苑，佢搭個lift就過到去睇孫，真係安心好多。
唔好再struggle 點解奶奶唔幫，佢冇義務，肯幫係bonus. 不過既然係你媽媽幫手睇住咁真係要錫住佢搬近就佢，老人家咁樣來回3h都好攰。
1個讚
如果真係想自己媽媽幫手就搬返近啦，一勞永逸。
小朋友去到中學前都要人幫手照顧，煩少十幾年㗎。
2個讚
我老爺奶奶湊小朋友無安全意識，好危險，所以我從來唔會俾佢哋湊，佢哋性格又自私，越少見面越好
既然發現老爺奶奶靠唔住，就快啲搬返近阿媽度，老老實實真係唔好透支老人的精力喺無謂嘅交通時間上面…
反而係老公對於搬屋有咩意見或者諗法？佢態度有冇好強硬？
而你標題嘅問題… 問每個唔同組合都有唔同答案其實都係睇彼此夾唔夾。冇話點樣最好，只有最適合。如果可以幫你解開心結的話，我相信好多人會瘋狂吐苦水regarding 俾老爺奶奶湊，例如唔認同佢地啲照顧方法但又改變唔到，佢地太主導霸晒個孫，對個仔同新抱湊法好多意見，當然亦有一部分會話好感恩有老爺奶奶幫得手… 呢啲嘢都係睇餸食飯，之前有冇傾/點傾/個plan 係點都好，見唔對路就調整方向同策略，之前唔啱嘅嘢之後做返啱就算。
介唔介意講下乜事？
睇落似係導火線。
或者根本兩老唔想湊？佢哋敷衍你但你當真？