背景係我同老公有一個仔仔
老公由拍拖到結婚, 佢都會同佢班兄弟去旅行, 除咗疫情嗰3年。
而家開返關, 老公已表明會plan同佢哋去。
最近亦都成事。由於呢個係我由識落佢已經係咁, 所以我唔反對。
年初我哋一家3口去過一次旅行。
我曾經講過, 想自己獨遊。
basis on我知老公冇乜假, 而我哋一家3口去完, 再加佢同兄弟去, 我認為佢已經冇假期剩, 先有獨遊嘅想法。但問心, 係想同老公二人世界, which is佢係唔知我呢個想法, 佢以為我好想一個人me time.
觸法點係, 佢再次同我講, plan緊嚟緊會再一次同佢班兄弟去。
我今次就接受唔到
因為我以為佢冇假, 所以唔同我去。
點知佢話, 係你想獨遊, 唔好講到我放你飛機咁。
我見到佢講又可以見班兄弟去旅行嗰個開心樣,
係從來唔會喺同我一齊嘅時候出現,
就觸發起, 一直以嚟我都覺得佢排我喺較後嘅位置,
阿仔係最重要, 之後係兄弟, 再之後先到我。
要求過好多次, 要抽啲時間拍拖
佢一直都係以太攰、唔想嚟推搪。
但兄弟約食飯就仆到去。
同埋可以每晚同兄弟打機打到夜一夜。
同我傾計就係攰、冇話題。
每晚都係我同阿仔玩、氹阿仔瞓覺。
對我嚟講, 大家嘅存在只係存在, 而唔係陪伴,
同埋我哋係極少鬧交
每次都係我嬲, 佢唔氹, 互當對方透明, 過幾日回復正常 (無限loop)
我成日覺得唔知佢諗乜, 佢都唔知我感受
唔識同佢溝通 / 直頭溝通唔到。
再加上no sex呢個問題, 我有多次考慮婚姻嘅意義。
直至呢次兄弟旅行嘅觸發點, 我在認真考慮分開生活。
唔知道自己係咪太小題大造
想聽聽大家意見。
多謝你睇到嚟呢度。
