突然間諗起
同朋友去旅行, 落後地方, 入到餐廳, 無冷氣
團友一支箭咁衝入去,
揀左個位坐地, 我同朋友最尾入
淨低個最入既篤篤位
後面係冷氣
而呢個位都幾熱呀, 無風到, 唔似走廊入黎咁有D微風
我坐低無幾耐, 團友對住我講, (年約未到60, 個時我都未到30, 不過應該係全團最後生個位)
喂, 開一開後面個冷氣呀, 好熱呀, 間野咁熱, 點解會無裝冷氣架
咁佢對住我講, 我咪轉身睇下, 搵到個開關制就開左佢
我都未轉返身
之後佢又講, 無風到喎, 係咪開左架, 㩒著佢啦
我望住部機, 佢有著燈
咪同佢講, 佢著左燈, 應該開左架喎
佢話: 唔係喎, 真係無風到喎, 佢係咪未著呀
呢個時候, 我著左
第一, 你已經好無禮貌, 叫人喂, 唔該又無
開左你無風到, 唔關我事, 我話已經著左, 你又唔信
之後, 我話我唔識呀, 叫人黎啦
個團友叫左導遊, 導遊叫侍應整
點知個侍應唔知㩒左個咩制
我背後突然有一陣涼風吹過, 佢係有開埋swing, 所以我旁邊幾位都有風到
但就係對面無風
之後我旁邊幾位都話, 哇, 正呀, 有冷氣呀
但已經無人理對面個位
我見到佢有DD面黑, 但就無再出聲
我唔知呢D係算做咩,
但我會提自己, 想要一D野, 搵岩既人做, 同埋要有禮貌
人地可以揀幫你, 但都可以揀唔幫你
點解會諗起呢件事?
一來我吹緊風扇
二來今日有D唔開心
不過有位管理員同我傾左2句, 個人無咁down, 想諗返D開心事, 去旅行多數都開心
諗諗下就諗起呢件事
