首先，講下個背景先啦：
男：34
女：31
雙方都係基層家庭長大，住公屋
2014年認識，2015年結婚，一年半後生左大女
大女8個月後意外懷孕，但由於經濟唔穩定以及擔心同時照顧唔倒，最後雙方有共識就唔要。
到左啊女2歲幾想生二胎，無奈一直懷不上，2年間流產2次，一次一個月，第二次2個幾月就自然流左
keep住備孕左3年先再次懷孕，懷孕頭三個月期間經常出血基本每個星期都入急診住院，最後終於順利啊仔出世，打算兒女雙全唔再生。
係做足安全措施下，啊仔8個月後又再次懷孕（之前3年想要都無，現在就。。。）
其實我就堅持唔想要因為經濟壓力好大，一個人做嘢搵得唔多都係啱啱夠用，但老婆見距家姐都三個，又話再唔要對自己身體唔好，好堅持咁話想生出來
甚至我話要生就離婚，距都係聽唔入耳，我屋企人都係話兩個夠曬數，再生辛苦自己但又唔敢直接同我老婆講，叫我地自己決定。
生出來以後條路真係好難經濟壓力太大了，老婆又全職家庭主婦，距竟然可以唔唸以後，話湊大三個bb 有得食有得著就算。
老婆最細，有1個哥哥1個姐姐
我最細，有3個姐姐
雙方家庭姊妹關係都唔錯
母性真係可以咁？個個中產月薪十萬都話唔生養唔起，我得5份1多d仲話要生，有咩辦法可以說服老婆？
雖然我覺得你唔應該生三個，但我又俾d 另類答覆你，等你都喺女人角度諗下。
- 生過母愛真係唔同，落咗佢等如親手殺死bb 咁，再望下出世嗰兩個，真係會唔捨得
- 佢落過一次，流產兩次，再要佢落一次，好傷身
我唔知你做足安全措施有幾安全，今次落好生好，提議你紮咗佢，你老婆為你陀5次，唔好再有第6次。
54個讚
比我會要 已經落過一個 再落….
及我覺得生2個vs 3個都差不多、反正本身已full time mum ,又不用額外請工人 , 咁3 個讀津校、只參加社區中心青年中心興趣班、不會太大問題、再申請低津。你又不是差到住劏房。
唔有都有左 至緊要比到愛及時間3個小孩。
我朋友本身有twins ，冇打算之下有左個B 喊左成個月、結果都唔忍心落、生了出來。而家佢至錫呢個女、佢話好彩當年冇落！
9個讚
生埋今次你就扎左佢啦唔該！
既然你咁唔想生，點解要整大老婆個肚呢？
21個讚
增大佢落多次仔既誘因，例如獎勵，你既行動承諾，落仔對身體同全家唔好（如果迷信），你要plan點攪好呢部分（嬰靈maybe）,令佢落得無後顧之憂。
呢家個仔咁細佢係咪湊得好enjoy? 佢會唔會覺得生2個仲有可能日後需要返工，而生3個就可以大安旨意唔使做？你覺得佢係咪真心鍾意湊小朋友既人？
呢家既香港絕對唔係天生天養。。。除非你真係好無要求，又唔關心子女教育（不過香港黎講，你唔關心都有人迫你關心
）
點叫做意外懷孕？
唔帶套計安全期並唔係意外
忘記食避孕丸都要唔帶套，都唔係意外
體外射都唔係意外
抱歉我唔相信禁多意外
扎左佢無為再有意外。
當然，老婆唔洗做唔洗搵錢，唔知辛苦就一定想生
20個讚
盡早同佢分析現實情況
唔係有得食就得，小朋友會大，到時唔夠地方住，如果要租樓，業主加租更加百上加斤，住公屋都仲好啲。
小朋友大，用錢就多，唔上興趣班，都有書簿費，茶點錢，雜費，再大啲，你一人揾錢，但四個人問你攞家用同零用錢。頭都痕。
呢個決定好之後，是旦一方要去結紮，否則好快又有意外。
認同你，覺得好多人濫用左"意外"呢個字。
不過老婆冇揾番工錢姐，但係湊new born 極辛苦，佢之後仲要一打三的話我覺得番工仲輕鬆，所以我覺得佢並唔係唔知辛苦就想生。我偏向覺得佢係有左唔捨得落。
20個讚
其實生過小朋友、真係唔捨得落。就算真係落咗、個陰影真係跟一世。
但格硬生一個生命出嚟都係一世嘅負擔。
我覺得你同老婆要揾個時間、坐低坦白認真去傾、要比佢知你幾大壓力、你唔想湊咁多個、再睇下老婆有冇彎轉。
同佢講多啲現實問題、一家五口、生活水平爭好遠、搭的士都唔可以成家坐一架、餐廳食野四人卡位又坐唔落、成家沖涼都要成個鍾。
我朋友個case有啲似你、本身已經有咗三個（第三個都係意外）、之後意外有咗第四個、爸爸唔想要、連住天主教嘅公公婆婆都勸佢唔好要個BB、最後都係唔忍心照生。
其實香港平養唔難、你夠資格上網校服飯盒都有津貼、仲有iPad 借（送埋枝apple pencil)比你tim, 又時又有20蚊迪士尼飛。
但人總有比較之心、尤其女人、我完全feel到我朋友見到自己同朋友之間經濟上嘅差距、有唔開心、例如教會有主提公園飛比佢、佢都話唔想去、會講入到去唔駛用錢咩、佢哋又想買呢樣又想買果樣、好似你哋咁放假入去食自助餐咁開心咩。就連呀姑姐帶兩個大嘅去旅行、佢都會唔開心因為自己冇份去。
而爸爸就覺得媽媽堅持要生搞到成家好辛苦、對個太太愈來愈冷漠、基本上係相對如冰。
重點係、我朋友頂咗呢啲唔開心好多年、有次頂唔順狂喊、話好後悔生咁多。（其實大果兩個都中學、第四個都小學）
18個讚
陰影都要講現實㗎大佬，成世人做到隻狗咁一個人搵五個使錢一樣大陰影
唔好插我冇做過人老母
唔好用母愛去情感勒索一個理性嘅考慮啦，影響五個人一生嘅幸福
2個讚
生，就講真唔建議架喇，窮的話唔好講生3個1個都覺得多。不過見樓主話大女8月已經"意外"一次，今次又"意外", 之前老婆都已經落過一次b，我其實唔係好相信咁多"意外"發生。
唔係講樓主因資料唔多，但我知有種男人係又要爽，又唔肯結紮要女人結，出事又叫女人落bb，完全唔錫住老婆身。呢d做女人既自己都要醒水。
18個讚
嘩中學先來意外我諗我會崩潰，咁耐先有返metime所有野又重新開始，點都唔制
3個讚
而家個世界特別係香港已經咁差，仲生？除非係有錢人送出國讀書同埋俾到好多物質生活，否則小朋友第時做咗大人都唔會開心，我身邊個個frd都因為$好抑鬱咁樣
2個讚
我表達得唔好
其實呢傢第四個都二年級啦
但我感受到、我朋友咁多年嚟都係唔開心
都頂左呢唔開心好多年先崩潰咁喊
一去到呢啲位女人好蝕底
男人一唔開心、有壓力、返嚟黑口黑面乜都唔理、甚至出去搞三搞四、女人er 都冇用
好似個b係女人單性繁殖生出嚟咁
女人要識得保護自己
15個讚
Icic即是起碼都小學先來意外，都好難接受啫，小學其實已經識自理，阿媽開始步向自由，呢個moment先來話要重新開始，真係喊出來
4個讚
我朋友啱啱生果陣未至於好唔開心
因為本身啲小朋友都係住長老屋企
佢冇點落手湊
返而第四個出世果陣、大果兩個上小學
成績唔好、又開始有行為問題
佢自己辭職湊返、啲唔開心就開始嚟料
我諗樓主小朋友仲係細、可能性格又係易湊、太太未感受到真正辛苦、上到小學、我聽唔少朋友講：一個都嫌多…
1個讚
