我個小朋友本身係九龍城間聖三一讀得好好地,
點知轉左個新校長之後, 成間野唔同哂, 本身間學校上至校長, 下至煮飯姐姐大家都好有愛心
個新校長上任之後, 舊有班姐姐就消失哂, 學校活動又冇左大半, 僅有個D活動又貴過以前大半。
校長仲成日閘埋門唔見人, 真係難得見到佢, 反映下意見就話知知知, 就然後就沒有然後了, 態度照舊。
諗住搵校監, 點知原來一伙既, 個校長係校監親自請既, 仲要上網搵到新聞話個校監之前有份搞空殼公司掠水. 要俾證監會警告架。 點解會搵呢d人做校監架. . 唔怪得學校D活動加哂價啦. .
變左做生意, 唔係做教育
一間學校好好地, 咁多年聲譽就冇哂喇. 番去搞番上市公司, 還番間正常學校俾我啦 
BTW, 同區/附近有冇轉校建議? 有D轉登跨區番學個D同學仔都話出年唔讀喇, 因為今年有好多職員都頂唔順走哂, 新學年應該正式成間野會變哂樣, 我未有idea轉邊間, 睇下有冇人有建議, 謝謝 
幾十年出哂名好好！竟然會咁…
睇下培道、九龍城浸信會、迦南有冇位吧（九龍城迦南搬去土瓜灣mtr旁）
係, 好傷心, 早排有家長頂唔順, 搞左聯署話想搵學校面談, 問點解d活動冇哂, 又加哂價,
有成2百幾個家長簽左, 成全校3份2呀, 不過學校都冇理過家長, 封信可能掉埋入垃圾桶。
連家長意見都唔理, d老師又走, 黎緊d小朋友係入面應該都唔會好過得去邊
唔知K3仲申唔申請到轉校, 我打去問下先, 多謝你既suggestion
慘，試吓根德園，始終大校，多啲位
除左名氣，真係好好學校，不妨一試
出面大把位。另外可看看又一村、又一村禮賢、九龍城靈糧堂、創價、太子協和、聖母、保良局譚歐陽少芳（英文教學）
我都有朋友個女讀緊，
新學年一換校長，幾個月就4個主任走3個，
然後迫全體老師簽新約唔準走。
聽講個新校長勁垃圾，自稱「無老師鍾意自己」，
又一個山寨王，
高層自high，中層走，下層亂
校內氣氛咁差，老師邊有心機俾小朋友，
校長明顯唔識管理，自以為是，
辦學團體唔理就等上報紙