我地叫佢名都只係一時時檸過黎，大約20%會應
有時都唔知係佢聽到有聲檸定知道係自己名
好擔心
佢脾氣都唔係好
請問大家bb係唔係每次你地叫名都應？
搵醫生睇下好。我識一個細路，成歲都唔多應人，又無乜表情。作為旁人，覺得係有問題
識唔識指野？眼神接觸長唔長？對眼仔會唔會碌黎碌去好似漫無焦點咁注視？
8個幾月又太早，可以再觀察下先，1歲時返健康院可以同姑娘講呢個情況
未識指野呀
都會笑但平時都唔多表情
唔洗擔心住，好多15-6個月先識手指指
應人或笑容反而係好次要，因為bb都有唔同性格。仲有，鐘唔鐘意轉野之類，我兩個B都有鐘意過下轉野（佢兩個都唔係自閉）我懷疑10個b 8個都鐘意，唔沉迷就得架啦
少少分享，我大仔8個月大時我又係睇埋啲發展milestones自己嚇自己，加上身邊又有同事bb有自閉，搞到自己鬼死咁緊張。
仲有bb應人好一時時架，我仔可能今日有應人，再過兩星期又唔應人，跟住我又擔心啦。然後一歲針google左好多野又爭扎打唔打，個排轉下個車轆又擔心，tiptoe行又google完訓唔著。唉，而家諗返真係自尋煩惱。
如果真係要擔心嘅，佢19個月仲未識手指指，先擔心都未遲。而家就好好享受佢嘅bb時期啦
7個讚
眼神接觸呢？喜歡不停轉的東西嗎？
我明白坊間有好多指標，又成日話治療要同時間競賽，真係好容易嚇親心血小的新手母親，指標係要留意，但也要記往每個孩子都是獨特同有快有慢喔
有眼神接觸啊
望到陌生人都識笑
對住我哋都會笑，雖然唔係成日
都開始有講dada baba 牙牙學語
但有其他聲有冇應，平時去檢查有冇反應？
Agree, 8個月太早啦，多D陪下佢先…
觀察下佢同人交流嗰時多唔多眼神接觸
甚至你直望佢佢會唔會迴避唔自然
共情能力亦係一大指標，不過可能仲比較細
我女都 16m 先手指指但又未講嘢
由細見到咩想要就捉住我手 leading
初初我有緊張，直至佢兩歲語言大爆發
呢個做咗咁耐嘅動作就好少再出現
原來之前都只係佢唔識用講嘢去表達需求
1個讚
其他聲有應呀，檢查嘅時候都ok
只係嗌佢個名佢唔識應
發音唔夠響？