小兒就嚟讀k1
眼見身邊同學都好多外補緊
大家小朋友外補緊幾多嘢？
睇下你想考咩小學
一般我覺得phonic、中文都可以去學
其他視乎興趣同小朋友個性去揀
我當時只比小朋友學興趣，例如彈琴，跆拳道，畫畫呢d。
冇學術。
k1有咩可以做? 都未識寫嘢, 應該都係畫畫掛?
我女都係嚟梗讀 K1，平時自己教冇上 N
唸住等佢返咗學定啲喇就開始報下其他班
計劃會先學跆拳道，英文，畫畫，跳舞
樂器就大啲手肌好啲再睇佢自己意欲
音樂似有啲天分，但興趣係另一回事
而家想像好理想，到時唔知時間管理成點
爸爸打開排球隊，又係咁講話要做佢教練
升K1可以學嘅暫時唔多，我覺得仲好細咁。
手工畫畫興趣班，
運動，游水，跑步，體操
音樂 爵士鼓（我唔太記得見人好似K1學豎琴）
K1冇上興趣班
1個讚
我仔嚟緊9月k1，無讀緊n班。平日暫時都係一星期兩堂playgroup，畫畫，同游水。
當初k1 0 補0興趣
第2個k1只玩2樣野，rollar skate, 3歲都可以學，仲有畫畫，0補
但有左第1個經驗，我第2個同佢認好多中文字，佢好上手，但我地唔寫。
1個讚
一樣
1個讚
自己小朋友兩個興趣班
我見啲同學仔大嘅係1-2 學術加1-2 興趣
老公朋友有個小朋友返上晝班，每日放學1-2 個學術/興趣班。我一開始都帶住偏見角度去睇呢家人，但講真我就咁睇又唔覺嗰個小朋友好唔開心，好辛苦，好大壓力，可能係我唔識睇… 以我所見，佢覺得去興趣班就係去玩，我同佢玩role play 佢好開心咁叫我扮老師上堂。反而係個大人辛苦，周圍帶佢去，佢接近一半嘅course 都係要搭車，講緊一半係5/6 個course，真係攞我命（虧底老母），同好多錢囉。但當事人即係帶佢周圍去嘅媽媽同負責科水嘅爸爸好似覺得好值得，加埋小朋友又上得開心，我呢個塘邊鶴都冇嘢好講 
我小朋友都係黎緊k1。同佢上緊音樂班，想再補個游水班
咁小朋友上得開心，又真係值嘅。
同埋上興趣班會無咁悶，大人又好小朋友又好，好似有啲嘢做吓咁攝吓時間。
其實係… 我一開始都心地唔好有偏見 sorry，但見個小朋友開開心心都改變我諗法，原來世間上係有小朋友受谷的，（但受谷又唔等於谷得起），雖然心態係怪獸家長但原來execute 嘅時候又未必會令小朋友難受…
好同意有時出去學野轉下場轉下人，都唔係諗住學到啲咩，個人都放鬆少少可以唞吓氣。
不過都係嗰句，重點係自己同小朋友享受開心。尤其喺香港，好容易受比較嘅恐懼驅使去做，例如見到人哋點點點所以自己點點點，嘥錢嘥時間得嚟仲會好迷失。