4週0 中咗covid發燒，流咗1日啡又無咩事
今日6週3，無肚痛但流啡、有鮮紅血絲
即刻去睇私家
照陰超只見胎囊+營養囊，搵唔到胎芽心跳
胎囊亦唔夠6週size
醫生開咗黃體素（但講明其實無證據顯示真係可以安胎，但食咗安樂就食）
過兩星期再照
舊年第一胎因為染色體問題，只去到14週
宜家的害喜反應比上次輕好多
雖然擔心無用，但宜家bed rest只得擔心同驚
祝福
休息多啲，食有營養嘅嘢，放鬆心情。可能 bb 太細暫時未照到，8 週返去照應該見到 bb, 加油！
唔好太擔心，6w 尚早
實際邊日中都係估
休息多啲 8w 嚟㗎喇，加油
唔好太擔心，6 wk 都早，可能遲啲先照到
休息多啲
我個陣5w知道，6w幾去產檢確認
當時冇照陰超，但唔知點解返到屋企黃昏時間開始有鮮血，流咗兩塊m巾咁多
個陣仲傻更更以為唔使理，跟住問d生過嘅朋友叫我即刻入急症
其實去到急症室，醫生除咗幫我照下就冇嘢做到，連藥都冇，keep住流啡，到8w幾先照到閃閃
照到閃閃都有繼續流啡，喺屋企盡量瞓床，瞓咗一個月先返到工
雖然我知知易行難，但樓主真係要放鬆心情
祝 bb會痴實你到出世
多謝大家
宜家keep住有啡/紅血
好驚去廁所，驚會見到更多血
long covid仲有dd咳，咳一用到力又好驚
漫長而痛苦的等待
真係好漫長，要等BB出世先可以放下心頭大石
但隨之而來係其他憂慮
流左一日血
剛剛下腹同恥骨好痛，然後排出了一整塊組織
聽日拎返去醫院
如果係組織，建議你一陣等私家開去照一照超聲波
抱抱你
可以再等多1-2個星期, 唔好諗咁多, 休息多D
6w相對係懷孕早期，呢個階段子宮內膜相對冇咁穩定，
好容易因為情緒、壓力、作息、環境等因素影響
會有出血既狀況，觀察下出血咩顏色
如果係鮮紅色代表唔穩定，要補充黃體素
如果係咖啡色，代表血已經氧化左，呢個時候可以先多休息，再觀察會唔會比較好
Good Luck！