頭先收到一個內地電話，自稱係上海咩咩打嚟，講我出我個名，電話號碼同身分證號證（
），我話唔識普通話，佢就話講慢D，但都聽唔明佢9up咩，聽到似話wechat咩咩咩，我話我無用wechat呀，佢又唔知講咗一大輪咩咩咩，問我電話號碼係咪我，我話唔係，個身分證號碼係咪我，我話唔係呀，我話咁你交俾香港人警方搵我啦，佢又話唔可以，話會連絡香港呢面停用個電話號碼，我話好呀，佢問你停咗電話無唔方便？ 我話無呀，佢就話如果無問題就可收線，我話無呀就收線
最恐怖係有哂資料，所以一般人聽到就驚，會信
5個讚
連身份證號碼都講到出
你做過D咩…會… 比晒知晒你個名, 電話同ID…
1個讚
香港好多登記都要呢D資料，俾人賣唔出奇，所以先恐怖
6個讚
我都收過 講得出我身份證號碼 ，我話聽唔明普通話佢就收咗線
信用卡都唔奇
好多騙徒都會知道你全名, ID card no, 所以先呃到人過錢
我都試過，2次同一個人。全程佢講普通話，我講廣東話。話我個wechat乜乜乜，會停用。我話我冇用wechat(實際上我真係冇wechat)，佢就講我全名+電話號碼(又啱㗎喎)，到身份證就全錯。不停話我個wechat乜乜乜，我話冇wechat,收線。Block埋佢。
1個讚
我都會驚
但到時唯有咩都唔認
我尋晚8點幾都收到個
問我係咪姓 X , 我問邊位
跟住佢就唔出聲, 就收左線
我個電話號碼, 基本上人地會覺得係炸騙(唔係9, 5字頭既號碼)
同埋最近係有做過一D登記
不過除左電話同個姓之外, 咩都無透露, 下次要用第2個姓氏
都好肯定係個幾間野
除左呢排, 仲有間又係, 我登記完, 即日又係有人打黎, 不過我無聽
個啲國語電話騙案最過份係，佢講國語講我啲個人資料，我用英文話聽唔明佢up乜，佢竟然話，你可唔可以同我講國語，佢都痴L線。當然佢自己收咗線。完
2個讚
我都收過呢D電話，佢用刨冬瓜up咗我全名，因我幾肯定唔會有講刨冬瓜人搵我的，我就話打錯無呢個人就吸佢線，點知佢再打來，竟然話不會打錯，話我就是他要找的那個人，我再吸佢線，之後前前後後再用唔同的手提電話號碼打咗幾次嚟！
之後比我block晒！都幾進取下！
其實大家日常網購
都填晒自己credit card security code出去啦
人哋講得出個人資料真係完全唔出奇
都冇咩可以做 最緊要淡定
平時check緊啲銀行record好過
1個讚
我都試過, 我堅持話我自己無微信, 對方好似好出奇咁.
(其實我有, 十年前開, 好似無入過手機number, 我係用email登記, 我都無wechat pay純粹唔想記多個密碼
國技唔好睇少
我哥1X年都無返過鄉下，我老豆過身時鄉下個叔叔同我地先多少少聯絡，有日叔叔好急咁打俾我媽，問佢我阿哥係咪去左廣州，我媽話無呀阿哥在港返工，問佢咩事，原來叔叔收到個電話識得講我阿哥個名，同叔叔講在廣州酒吧同人打架被公安拉左要叔叔幫手俾幾萬蚊保釋。
所以我覺得D騙子好多時係身邊人。
2個讚
我都試過, 所有野講得出…我話報警, 佢仲比埋灣仔警局電話我…完全唔驚.
又一次話係騰訊打嚟, 話我個WECHAT有問題…我話無用WECHAT …死都話無.
2個讚
該主題在最後一個回覆創建後180天后自動關閉。不再允許新的回覆。