人到中年。。。
2個仔都中學，生性既
星期6，日就補習呀 做義工呀，做PT急救員賺下車馬費呀
已經完全唔跟我唔陪我
我都明既。。。仔大仔世界
今個星期老伴中左covid, 自閉中
今早8點起身如常問下2個仔 “一齊食早餐？”
2個都話唔去。。。想hea多陣，中午要出去（其實都係慣常答案）
老伴又陪唔到我
一個人行去食早餐。。。。。。。有點失落
一路行一路諗起以為2個仔細個時去邊都要帶住佢地， 未到7點就叫我起身食早餐。。當時既我心中充滿疲累同無力既感覺。。。。
原來時間過得禁快，我都好努力適應中
樓主 有冇發展下自己嘅興趣喔？
小朋友大個咗就係有自己嘅生活，咁你話呀仔都生性，唔洗你勞氣好好了
所以將focus 擺返係自己度 自己搵吓自己嘅活動啦
一出世就知大咗唔會痴我，佢會有自己世界，所以襯佢細一邊痴實佢，一邊同自己講將來佢唔痴我時，我搵啲嘢自己玩（打算車下嘢做手作玩吓）
明白，自己都要找下同齡朋友，大家相伴
遲啲仔女再大啲，佢哋處於博殺期，想見面傾電話更少。
我媽會找一日團，同年紀朋友每日食早餐去打發時間，我老豆好宅，唔會陪佢。
陪父母飲茶
我都心理預習這一天. 所以一直好珍惜仔仔鍾意我陪伴佢的日子.
中學生係咁，去到 DSE 更忙。 呢個時期，有嘢講都會唔多唔少想問攞錢出去玩。
我個女 17 歲，星期日都會一齊出去食早餐，但遲早都去英國讀書，有自己生活。
我個仔在英國都會 video call 搵我， 我廿年前有個 Malaysian 客人吹水講仔女經，呢句說話我終於明。
對十幾廿歲仔女心態，Don’t trouble me, unless I trouble you.
自由自在，人到中年，搵自己嘅生活啦！
係會咁… 慢慢習慣下… 可以一個人 Hea 下,
或者食完早餐去睇個早場, 搵啲嘢比自己學下
或做下… 搵番自己既興趣.
明既，呢一絲感覺好正常
我哋陪你啦
明白既、但兩個生性好過要你操心、做父母都係想咁啫、老伴好返就二人世界啦
樓主已經退休？可以搵下社區中心，報下興趣班。可以去下本地遊或內地遊。我公司退休的同事都係咁。佢哋去學扭氣球，編織咁、佢哋仔女大個樓主，有孫仔孫女呢。
我都想退休 
我4x咋
兒女廿幾歲，我哋兩公婆依家都仲係根據佢哋嘅日程為優先，工餘時間繼續做佢哋嘅司機，跑腿，管家，工人，秘書…我個人認為父母能一直為兒女服務係彼此嘅幸運
哦～原來咁後生～仔大仔世界。中學會以朋友及興趣行先，冇咁痴父母，可能要啲時間適應下～
睇到喊左
因為我依家仔仔一歲
覺得好無自由好痴身
但一睇到你個post 諗到將來嘅呢個變化
真係忍不住流眼淚
呢句說話我差唔多每日都問，問10次，會有一次肯陪我食嘅
我會抱住不屈不撓嘅精神，繼續問落去，直到有一日。。佢嫁人搬走 
我冇失落啊，我覺得我成功養到佢咁大，生生性性，已經功德圓滿。
珍惜現在，時間好快過 真架
可能我怕寂寞，我老伴中左covid 鬼死禁精神但又唔想出街野到人。。。攪到我一時有點情緒。。。。
可唔可以直接講話你哋陪我落街食早餐啦
一樣直接拒絕我，lemon 好酸果隻