唔準你咁mean
樓主朋友只係想轉行, 任何肯請一個白紙一張嘅中年人、4萬人工、可以做到退休佢都照殺,
咁佢又點會做特定行業嘅research
2個讚
呢度係咪阿拉丁神燈？係咪講出嚟就有㗎喇？
我想住5000尺嘅獨立屋，唔想喺新界區想喺港島區，同埋唔想俾錢想有人買俾我
可唔可以介紹吓邊個可以買俾我？
我以為認真想轉行，為咗自己，係真係會逐個行業搵資料再去決定，而唔係上網守株待兔
1個讚
我呢啲工作上脫節嘅人，我想問下樓主高管係咩意思？
1個讚
首先多謝大家熱心回覆先。
我估而家經濟係真係差，所以大家覺得4萬好多。
我心中都覺得公營同半公營機構最合適。
高管嘅意思係title高級，人工連花紅好多。
因為一轉行就you are nothing.
我估唔到會咁難。
我識唔晒啲行業，所以問下啫。
我都認為係，我自己以前喺入面
本身冇進入過商界所以唔熟，比唔到意見你
其實4萬真係唔多，但你轉行又要求呢個人工咪離哋囉
你轉行想搵到呢個人工，除非你本身就喺行頭好出名，一放風要走就大把 connection 直接叫你上去做。咁多年工作經驗嘅所謂高管，要搞到上forum搵，真係做到好梅喎。
1個讚
4萬人工多唔多係睇你有咩能力同行業，做律師搵4萬就唔算多，但洗碗搵4萬就算好多，而重點係想轉行搵4萬，身為高管應該識分多唔多
3個讚
幫大家組織下認真回答：
搵工睇經驗能力，搵咩工亦都睇個人興趣。大家唔了解佢情況下，好難可以答到咩。
例如點解要轉行？如果只係唔喜歡一間公司，轉公司就得，要轉行肯定有D比錢更重要特別原因，咁再搵工都要考慮左先，before錢同穩定性。
「轉行」有幾徹底？因為行業定義可闊可窄。例如如果本身係專業公關公司，咁去企業公關得唔得？如果要跳出「公關」，咁投資者關係得唔得？如果唔想做出信打交道，咁Marketing、品牌形象方面得唔得？其他同公關更加無關係，但係亦都運用到interpersonal、communication skill，例如Sales、HR，定係佢唔想做同人打交道，例如要跳到programming、Accounting？
因為如果轉得越近、用得返skills越多，應該會越容易接近返以前人工。大家之所以覺得，4萬幾乎無可能，因為既然真係「轉行」，即係職場新丁，人工從頭來過。甚至對企業來講，中年新丁不如白紙fresh grad。
所以與其思考幾多人工同做到退休，不如從「點解轉行」出發，思考下自己適合做咩行業。因為如果係一個行業做到接受唔到要轉行，就算真係有一份工4萬到退休，會唔會做到一半又發覺唔啱？
有同感… 如果搵開4萬, 又做開高層, 仲要係公關, 應該識好多人脈… 如果行內做得好, 應該已經有路數, 但要上網問, 就… 40中要轉行已經唔係易事, 仲想搵四萬做到退休…唯有祝當事人good luck…
3個讚
高級管理人員掛
4萬唔係多，但轉行嚟講算多
有邊行一轉工就有4萬丫？
仲要人到中年手腳慢
2個讚
做專業人士，考牌？
社工，護士有master讀，人工高，但要實習，初入行最多3萬，但你捱咗頭10年之後應該都有4-5萬，可做到退休。
不過讀書同初入行都係好忙好甘，對中年人來講唔容易，但長遠都真係有穩定收入嘅。
其實又唔明點解做得好地地要轉行？？中年危機當俾人炒左喇，咁咪同行做低1,2個grade囉？應該都易過轉行做新仔但又要4萬？
2個讚
其實做低幾個grade好難過到心理關口。
但轉行做新人咪仲難過心理關口？新人黎講人地都情願請fresh grad喇？做番同行的話老得黎都可能公司會睇中你有經驗，我又覺得應該唔難揾。
2個讚
個分別係: 喺行內見到唔好睇
咁要自己調整下心態，諗下要面定要錢。
Btw，其實我見到自己行內都唔少係想work life balance所以自願低左grade，我又唔覺得係唔好睇。你係男定女？定係男士會覺得咁係放唔低？
1個讚
呢句真！ 我啲仔女大學畢業，我應該仲有 10 年先 65 歲，真係要轉工的話，我都唔介意 downgrade， 只要唔好太辛苦，去到呢啲年紀，人生剩餘嘅時間比錢更重要，日子要過得自在和有意義，夠使就得啦！ 職場要威，Linkedln 要好睇，不了！ 香港生活費貴？去啲平啲嘅地方養老，歸隱田園，我諗起而家都想收工！
5個讚
公司請左個要出外勤既PT維修佬，6X歲，退休後依家搵下晏仔過日晨。
有學歷有眼光識待人接物，佢年齡同經驗都比部門經理高，想叫佢轉FT佢都拒絕話想要多D自由時間可以同下老婆去旅行去飲茶。
6個讚