各位喺英國生活超過一年嘅朋友, 想問下舊年夏天真係會熱到頂唔順? 今早見有KOL話有報紙預測今年夏天會熱至35℃, 唔知舊年最熱有幾熱? 同埋熱嘅時間有幾長? 幾日定喺幾星期? 如果早啲知就可以做定啲預防, 例如買定大風扇以免臨時無貨(如無必要就唔想多嚿嘢成年空擺喺度阻住). 另外住House 同住Apartment又喺咪會有大分別呢? 希望大家俾多啲資訊參考下, 謝謝！
舊年成40度
應該熱浪先會過30度，通常熱浪係持續幾日。上年好似有兩三次熱浪。
唔係熱浪嘅夏天，日頭都會廿幾度。
而家十幾度嘅中午出去曬太陽，體感都似廿幾度。
香港人慣左廿幾度都開冷氣，熱浪無風扇唔掂。
36度有風扇，落簾，平安渡過
真係唔同香港嘅濕熱
3個讚
最熱嗰日我喺街暈暈地，有個男人問我：Are you alright?
我類似爬入個cafe，個女人見到我即刻比杯冰水我
但點樣爬入去完全唔記得，應該係斷咗片
2個讚
而家未熱最好買定風扇，到時先買係買唔到！上年熱浪我仲走去學車，熱到條路都睇唔清楚！所以嗰幾日最多留係屋企涼風扇！
2個讚
形容得好好笑
斷片？可能真係差啲中暑
係喎，可以去 cafe坐
我記得放工時條路好似好矇同歪歪地咁
我呢幾日係車都開冷氣了，有預感今年可能真係好熱
我嗰日搵緊路，正午下睇住個Google Map暈暈地，呢度啲人好心問我 are you alright ，我答佢冇乜事，然後輾轉爬入cafe，應該就唔係好掂了 
1個讚
我記得我喺巴士開把手提風扇，隔離個男仔好好奇望住，應該未見過
熱帶地方名物
4個讚
如果戴掛頸嗰隻會唔會當你係仙女？
6個讚
撞鬼你咩
2個讚
我同frd去左睇戲
佢仲帶左冷氣褸驚冷氣凍，點知乜都冇
之後我地去食泰國嘢，真係有響泰國嘅感覺
英國house 保暖好嘅屋, 保冷也一樣好. 上年我屋裝修, 起了棚架, 不能開𥦬, 屋內日間開風扇, 晚上連風扇也不用開
1個讚
熱浪最辛苦唔係喺屋企，而係坐巴士同火車，又熱又焗成個蒸籠咁，開住芭蕉扇都熱到暈舵舵
1個讚
上年好次有兩次熱浪，我嗰區最熱有41度，我住排屋第二間，廳嗰邊向西，嗰時唔知走去開花園門諗住涼啲，點知啲熱氣攻哂入屋，之後先知原來唔應該開窗，落窗簾都頂到下，夜晚樓上會熱啲因為間屋曬咗成日，我試過開大風扇加敷濕毛巾都熱到瞓唔到，今年諗住買個凍風機睇下頂唔頂到
笑死
1個讚
但佢地舖頭都未必冷氣？
唔知圖書館有無？
冇，唔好諗
我諗緊我office有冇
圖書館新嘅就有，舊嘅冇