調查：七成受訪者日花逾8小時全職照顧家庭 團體促設「兒童照顧者津貼」
我要返工，又要湊仔，又無工人，都係食隔夜餸，仲要交六位數字稅，咁我係咪死得？
2個讚
即阿媽唔返工留係屋企湊仔會有津貼？冇人叫你生？諗出嚟嗰個有冇腦？
5個讚
年年都係問下囉
有申領綜援的她說，小女兒學習能力稍弱、學業成績差，每月需繳付1000多元讓她上補習班，她只好想盡辦法節省生活開支，「有時食隔夜飯，一日三餐都盡量喺屋企食，食茶餐廳都好肉痛」，她期望政府「有啲嘢食派吓已經好開心」。
香港支援係不足，但呢d 生之前就知道，何況香港稅低，同外國高稅福利好係兩個現法。無交稅攞綜援仲要求有支援？大貪咗d 囉
5個讚
其實有部分ftm 成日覺得自己好偉大，又講到全年無休好辛苦咁。老實講句，無分working mum 定full time mum, 除非個老母真係好仆街，有幾多阿媽放工都係撲返屋企湊仔煮飯做家務？生之前就預咗係咁，應該會知道自己同老公點分配家事、小朋友。無理由生完走出嚟叫辛苦然後覺得政府要support 囉。
20個讚
我而家都係ftm，短暫做過working mom。得罪講句，唔覺得ftm特別偉大，反而working mom仲辛苦！日日放工撲去買餸、陪仔玩，夜晚要安排仔第二日活動，返工仲要好唔放心仔仔係屋企情況，放假為咗補償親子時間，落力咁同佢由朝玩到晚，結果日日訓好少、精神緊張
感謝老公犧牲，俾我做返ftm，做ftm反而舒服d (生兩個另計）
9個讚
8小時全職照顧家庭？？ 乜照顧家庭係返工咩？ 8小時咪少，姐姐都多過佢啦
6個讚
以前未回歸前，所有香港人都係咁樣生活。
3個讚
咁即係另類綜援鼓勵唔番工?
如果係為左照顧小朋友辭工
點解唔係增加育嬰園/ 托兒所服務先呀?
好多媽媽放完三個月產假就要番工, 但BB 出世後起碼等半年以上先排到育嬰園
7個讚
其實香港少左咁多生產力，行行都話缺人，正常應該要鼓勵女人出番黎做嘢，例如番工可以減稅，好過直接咁樣俾錢。
5個讚
BB期的話如果冇工人，可能ftm真係會辛苦d既？我仔女細個時我係working mum+工人，目測係舒服過ftm朋友。
不過我覺得稱唔上偉大，只係個人選擇，其實經濟ok的話直情可以ftm+工人。最緊要係親子時間，d時間攞去洗奶樽做家務對親子關係零幫助。
7個讚
咪係~
另外有d 人生BB後無番full time
但有做親子KOL 、經營d 網購生意呀、屋企做下freelance 咁
果d 人一樣無報稅
咁呢d 人宜家反而仲可以以FTM 名義拎津貼呀?
2個讚
內文位母親，其中-一個小朋友十八歲，相信托兒所幫佢唔到
1個讚
仲有個六歲，我即刻諗起一類人
2個讚
十八歲果個小朋友相信好多野都已經可以自己搞掂, 而且都多時間係外出番學或工作
問題係呢位母親係單親, 本身已拎綜援, 埋怨要俾一千蚊俾六歲女補習, 搞到入不敷支
個人理解佢只係埋怨緊份綜援唔夠
而唔係因為照顧個女八個鐘而搵唔到工等等
如果因為抑鬱症要睇精神科, 搞到搵唔到工
咁應該係搵社工幫佢搵d 社企既空缺, 或者申請類似傷殘資助既津貼先岩?
我覺得做媽媽就係好偉大，冇分ftm or working mun
除非個媽媽唔愛自己小朋友，唔會為小朋友付出
5個讚
18歲都仲叫小朋友 
5個讚
我感覺係ftm 特別鍾意成日喺fb講到自己好忙，可能想俾人感覺佢哋同working mom 一樣忙，然後佢d誇誇群朋友就會留言佢好叻
5個讚
攞緊綜援重咁多投訴，之後可能要問點解冇得魚翅鮑魚食，好可憐。
完美演繹貪得冇厭
2個讚
同埋好鐘意share article 講ftm 幾辛苦，幾多付出。
有d 文衰到會「踩低」working mum，點都唔及ftm 咁偉大。
2個讚