4月生完bb
本身諗住自己揍到 再加媽媽/99 久唔久上黎幫下手，訂左月子餐
點知生完身體回復比想像中慢
自己都落唔到床
而且個月子餐好難食
過左十日到同老公講不如請個陪月啦⋯⋯
點知阿姑仔同99 一聽到就反哂臉咁
話依家請好唔抵喎，又點點點
跟住佢就開聲搬返佢到住 佢同姑仔幫手揍
我老公就覺得好吖，咁我都無say La
返到去 99 就淨係識一日到黑抱住個孫
到夠鐘訓覺時間都係攬住個孫
淨返啲洗奶樽呀 洗衫 執屎 餵奶個啲都係我做哂
佢就淨係攬住個孫，同幫佢沖涼
姑仔呢就無幫過手
月子餐本身唔好食加唔大份
但就次次都4 個人一齊食
餐餐都食唔飽
我明係咁急嘅情況下請個陪月都唔會請到個好
但我純粹希望有個人 就算幫唔到十成 都幫到三四成
而唔係好似99 咁 口講幫你，實際就淨係攬住個孫囉
99 仲話個陣生之前佢女都問過我地要唔要陪月，話佢都好關心我地點點點，話出錢請個陪月比我，我同老公都話無聽過，佢只係講過出月子餐個錢，最後當然無啦⋯⋯
我係憫佢 你唔想幫咪唔好應承 ，但應承左又唔做囉
我成日都話第時姑仔生左 我睇你係咪都係咁
點解而家請會唔抵? 幾時開始請, 個陪月都係做足一個月… 唔會個 b 滿月就唔做 
你又唔係無地方住, 既然試過老公既建議唔 work, 不如返返自己屋企休養啦。同埋我覺得你長遠係需要工人多啲 
我會主動同奶奶老公講講我仲好辛苦，啲洗奶樽呀 洗衫 執屎 餵奶個啲都係我做哂。佢哋唔做我都唔做，咪鬥抱仔囉。
另外我都一定會講佢哋食哂我啲野食我唔夠飽。自己死忍好辛苦。我寧願醜話講左先。識做既人唔會咁都同大肚婆爭食掛。
如果情況無好轉，我都會返娘家。
都同意應該請工人。
老公係豬隊友？
爆老公一鑊再請番陪月啦
媽咪係呢個時候係最需要人照顧同體諒
如果愈來愈唔開心好易產後抑鬱
洗野等你老公返黎做啦，唔夠奶樽、紗巾叫老公買多啲，夠用一日份量，佢唔分擔唔會知你咁辛苦。
同意~
應該等你老公感受下奶奶姑仔有幾廢
到時佢就知道住番自己屋企好
即刻請，有個陪月真係好好多，自己俾錢，唔好理其他人閒言閒語，我而家都坐緊月第8日，每日最開心就係陪月黎，我可以放手俾月陪月湊阿b幾個鍾，我就好好休息下，最緊要係你唔好俾奶奶係度搞搞震
好明白，捱到戒夜奶會好好多。
唔怪之得老公⋯⋯
我嗰時係諗,人一世物一世,生仔隨時係人生中最痛苦時期,去少幾次旅行,但令自己舒服梗係要啦,我同所有人講,陪月錢我自己出,冇人夠膽出聲反對
何況又唔係長期俾錢,結果證明我係啱嘅,有陪月爽好多
如果係價錢問題,你可以打去政府個陪月一站,請新手啲嘅就會平啲
我嗰時都係請新手,IN到啱先請,我覺得新手可能仲好,有熱誠,好俾心機做
99係怕要佢個仔洗錢，唔好理佢哋，照請陪月
咁情況我會執嘢連人帶b返屋企，
反正所有嘢都係自己做，起碼份
份月子餐食晒落自己個肚，生完
一百日都可以進補，請陪月無話遲
唔遲起碼請左你就可以真係休息。
同情樓主， 你要振作， 如果而家請到既一定仲要請， 自己比錢。
都同未生準備生既講
有能力就要請， 千祈唔好聽話搵咩屋企人做陪月。
陪月/工人最主力幫手比媽媽生完有得抖。
我都係話我自己比錢請
但我個陣就係蠢 聽左99講話4個大人點會搞唔掂一個細路？
跟住仲講話呢間屋係我架，你姑姐唔鍾意比人上黎我屋企呀 所以你唔好請呀
請左我都唔比佢入門呀
就算我搬返娘家都無用 阿爸好傳統
嫁出去嘅女 撥出去嘅水
依家都過左成個月 我都有能力自己做到就做
但係好耿耿於懷99個陣嘅說話
我覺得好刻薄
每次諗起都好嬲
咁姐係你同奶奶住？
我覺得你唔反應，咁佢就會覺得自己無問題。俾我就會講咁我宜家出去住，請陪月。
有啲咩我一定講出口，要我收係心自己忟搞唔掂。
請問大約幾多錢呀？我預產期10月
我已經經歷過一次差啲令我有產後抑鬱嘅坐月期，你想自主啲同埋有人幫手令你休息，你請陪月又好，叫媽媽幫幾個鐘都好，或者foodpanda食飽自己先，坐月坐得唔好身體真係差好遠架！
只是抱b 唔做嘢仲要share 月子餐？立即走，找鐘點工人或陪月。
俾我會堅持番自己屋企+ 請陪月算
姑仔唔鍾意外人入屋大晒咩?
咁佢又唔幫手執屎洗衫?!
仲要四個大人share
真係咩料
咁間屋係佢真係有權咁做，樓主請陪月返自己屋企啦，就算唔請都走啦，自己湊返，請個鐘點冇咁嬲，記住用老公啲錢請。