話說有班响英國香港老師，攪左個群組出來，幫今年GCSE 同學仔溫書，老師們都開左個gp 比家長分享小朋友考試情況，開左幾日都已經爆gp, 家長群組入面，其實好多都唔係今年考GCSE 既小朋友家長，因為大部分問題都係講其他Year gp ， 佢哋仲會問其他家長攞考中文notes. 係咁pm
，有d 家長直頭入埋各個學科討論區（但佢哋小朋友唔係今年考試），問今年考同學攞notes. 班老師原意係幫今年考試同學和家長，點解班人可以咁自私。
好恐怖，唔好怪俾人叫佢哋返香港
3個讚
真係好恐怖，我煮完個飯，已經有2百幾msg
子女讀中學都唔肯放下心, 繼續做直升機父母; 尤其年青人上網仲叻過父母, 現今資訊資源随手可得, 都仲幫佢四處張羅搵埋notes; 即使應付到讀書考試, 咁教育法將來都叻極有限.
5個讚
小弟GCSE同ALevel 做咗8年嘅past paper, 早半年前開始溫書，俾其他鬼妹當怪物。所以以前冇乜朋友。
香港小朋友讀書模式同佢哋真係好唔同，特別數學科，你升左上sixth form, 有冇識到朋友？
咁你成績咪好好
要適應，呢度小學開始已經係類似大學大專嘅學習模式，要自己搵答案，要主動學習，我幾認同呢個模式，但小朋友細家長都要留意下佢跟唔跟得上，但香港慣左乜都spoon fed
4個讚
數學科永遠充滿香港人。
喺個邊讀咗十年書都冇乜英國朋友。只有香港、泰國、非州朋友會交心的
2個讚
我識有啲黎到就要揀科真係好緊張、搵埋補習、咁都明既、一黎新學制就要考
但搵返香港老師就未必啱啦、課程都唔同
1個讚
唔好介意國藉，我小朋友d friends, 好多都係英國出世印度人
3個讚
移民潮前, 個個留學生都係自己搞掂. 而家班家長做法真係養壞人.
3個讚
中學成績好並不代表可以survive 到大學課程。
慘就慘在我間學校係谷到啲人成績叻，但入到大學好似唔係好叻思考(我咋，唔知其他人)
係呀，好多active learning, 要自己上網搵答案，唔係死讀書
唔係介意國藉，係讀書文化太過差異。
2個讚
同意，讀書文化好唔同，各有各好啦
1個讚
我喺fb見到Year 8個聖誕假已經谷個仔做卷，然後一大班家長求pm多啲資料
1個讚
好恐怖，但其實有時啲測驗考試係會問啲課本上或者無教過既問題
仲試過year 9 考返 year 7的內容，仲想用香港果套來操高分未必work
1個讚
班怪獸會唔會去投訴㗎？
話說我朋友嫌課程唔及香港，買咗d 練習俾個仔做，我多口講句，佢早d 學識，之後返學教有機會無心機上堂，俾佢連珠爆發。
有呻但無熟到話我知會唔會投訴
插班間學校麻麻想讀好啲轉校、我都唔知呢套英國work 唔work