小朋友吾小心倒瀉老公罐飲品，佢即刻大大聲話「你真係做咩都冇様好嫁喎！」我話你自己冇放好啫，放喺枱咪冇事囉！「佢吾整咪得囉！」我巳經次次都講唔好再做侮辱性說話去教仔，佢巳經對你反感，而且開始青春期，你哋仲點樣可以溝通到？跟住就話我係慈母，點樣教仔，人哋果啲幾乖幾孝順，我心諗人哋吾會喝狗咁教仔先啦，自己唔檢討下。真心吾應同佢教仔方法
10個讚
其實教仔冇話邊一個教得好過另一個，好多女人都覺得自己就係啱，老公就係錯就係有問題
因為兩公婆唔係同一個方向教仔，根本就已經對小朋友一個好大嘅傷害。
首先第一件事就係冇可能個老公鬧緊個仔，然後就當住個仔面前話老公唔啱，根本就冇好處
你老公用呢個態度，應該唔係第一日發生嘅事
當時有冇好好坐低同佢傾過點解要咁樣鬧個仔
到底係佢細個嘅時候，佢父母都係咁對佢，所以佢唔識得將個傷害喺呢一代停咗佢？
定係佢覺得你太寵個仔，所以佢自以為要平衡返所以要 mean d？
如果真係為個仔好，我覺得係閂埋房門兩個人傾，仲要係保持中立，唔好覺得自己好過人哋咁樣傾。
8個讚
呢個鬧法，完全係上一輩鬧返
“生出嚟都係攞債”
“做親都冇好嘢”
etc
6個讚
我自己好反感呢句說話
咁我係咪都可以話： 人哋個老公/ 老豆點好點識教？
凡事都有因果，仔女學習做人，父母一樣。
新一代嘅育兒方法係冇一個「一定正確、合適嘅方法」，様樣都係靠見招拆招，但肯定嘅係，成日用侮辱性嘅說話去鬧仔女，一定係唔ok。
鬧其實冇問題，但適可而止之餘，針對事去講、唔好少少嘢都鬧，一定唔可以人身攻擊、同出言同人比較
JM ，妳要加油
12個讚
認同，我覺得用侮辱性人身攻擊鬧法真係好差，會令小朋友自信心低，覺得自己蠢同乜都做唔好。
不過男人好似普遍冇咁照顧小朋友心理情況，甚至會覺得我地太慈母令小朋友太溫室。
6個讚
上一輩係咁講
佢呢類就係永遠都係人地錯，自己無手，最無責任心嘅人
1個讚
但係呢一輩仲好多人咁鬧
最近行街
見到有對母女 個女初小年紀 著住土風舞裙
商場冷氣大 阿媽想個女著返件上衣 本身條裙係大露背
女話唔凍 媽好大聲咁話：你以為你自己好靚呀？著返衫！
其實我都係俾佢呢句吸引咗目光
然後個女著返上衣 然後sip入裙
媽不滿：你睇你丫 邊個好似你咁著架 核鬼突
其實成件事都係出於關心
但往往用奚落形式咁表達出嚟 何必呢～
10個讚
試過有一次去沙灘玩，隔離有一家四口，個爸爸同大仔玩水槍，甘爸爸用水槍射大仔個身，點知個大仔射爸爸塊面，佢即刻發晒脾氣話我以後都唔同你玩，係咪想我死吖！總之不停罵，媽媽只能講一句「明知佢係甘就唔好甘樣玩啦」我哋都比個爸爸反應嚇親！
我就係接受唔到對住自己小朋友甘様講嘢，尊重係雙向嘅
3個讚
所以其實生仔真係應該要考牌 
4個讚
人人適合生仔
鬧人嗰嗰真係唔會知自己咩語氣咩態度，只有旁觀者先知。
想另一伴知佢自己係咩語氣一係錄音俾佢知，一係咁啱出街遇到啲語氣差嘅老豆正在無理咁話緊個小朋友。（不過點都好就算佢地知道都唔會去改)
2個讚
咁…射塊面又真係唔啱。
比著我都會話唔可以再射塊面，再射面就唔玩，不過就唔會發脾氣。
2個讚
核鬼突就唔好比個女學囉
解釋比個女聽，跳舞著跳舞衫，放學就換衫，成件事好make sense
3個讚
你老公後生同你拍拖，或生小朋友前係都係咁嘅脾氣? 如果唔係依家先係，可能佢有工作或生活壓力，或更年期導致賀爾蒙變異，亦有可能係甲狀線亢奮，得閒借啲咦話為佢好，幫佢安排身體檢查 
1個讚
否定式溝通應該唔係第一日…
核突又俾個女咁著出街？
提外話，點解d媽媽會俾個女著住巴黎舞嘅裙出街呢？
話時話，有好多真係俾D小朋友就咁著出街，其實真係唔係咁好
幾歲著嘅真係好得意嘅，之不過有無諗過有好多變態佬係附近呢？