新入職一年， 本來同同事關係都幾好； 其中有個妹妹仔係我拍檔， 一直相安無事。 但唔知點解近排佢係邊度聽到我唱同其他人唱佢， 我覺得好冤枉， 因為我真係無做過， 連佢一句壞話都無講過。
原先兩個人之間嘅事都冇大問題， 但佢而家以受害人身份周圍唱我， 我真係好傷心， 令我好想離開呢度。
真心覺得而家係， 我心照明月， 明月照溝渠。
問心無愧，日久見人心
如果你好重視佢，同佢解釋，一係就算數
唔好太上心，衰人周街都有
堅持對人好，愛護自己
4個讚
我都認同啊
重視佢，即管試吓搵佢解釋。
如果佢唔信，起碼你做咗可以做嘅嘢。唔好話公司，甚至可能自己屋企都會有咁嘅情況
2個讚
多謝你安慰， 而家成個office當我係衰人， 我會問自己仲值唔值得用真心對佢哋。 我份人好簡單， 有問題大家好好傾吓去解決。
但而家係佢無視你， 完全拒絕溝通， 周圍啲人也唔會話比你知發生咩事， 但得閑會比說話你聽， 我做嘢咁多年都未試過會咁。 好氣餒， 好唔開心！
其實我都係堅持做好自己， 選擇善良， 去好好對待別人。 但現實教會我嘅係你人越好越無脾氣就越被人蝦， 一次次的受傷， 真係好無奈！
3個讚
起碼表明到自己清白同埋證明比佢知你重視佢，佢唔接受就算囉
有啲嘢對自己交待就得
1個讚
我都試過，人生都有好多氣餒嘅事，唯有振作，堅持自己，或者調適下再出發
人生不如意事十常八九
1個讚
我都會試吓， 但而家佢拒絕溝通， 我都無辦法。
攤下先，唔好理，對自己好啲先
1個讚
我都試過, 就算舊人走左, 諗住可以重新開始, 點知新人都比佢地帶壞埋, d人為埋堆就會杯葛你, 唔埋堆就會當你地係同一黨。真係小學雞咁架, 你一係佛系, 一係就識過另一D同事, 佢地係想迫走你, 你諗下邊個陷害你, 離間左你同個妹妹仔, 提防下
我以前忍左幾年, 最終佢地影響埋我工作, 連工作都唔比我做, 開會都唔預我, 無論做到幾叻佢地都會無視, 甚至响其他人面前挑你骨頭, 最後走左, 斷人衣食, 希望佢地有報應
3個讚
太辛苦就無謂做
放心，做衰嘢一定有報應
2個讚
你好勁呀忍幾年，咁你只會愈來愈好愈來愈高EQ，堅韌係一個好寶貴嘅特質
1個讚
同意，樓主話一直相安無事，即係有相當大機會有人搞事。
就算你得到返妹妹仔同事信任，背後搞事果個都可能繼續搞，甚至鬥到上老細面前，日日返工要提防 office politics 都唔係舒服。
真係好難頂
我工作都遇過
陰完你仲要扮受害者周圍唱
仲要衝入老細房喊
真係做得野嘅邊會搞呢啲小動作
2個讚
多謝你，其實我EQ好低架咋……只係當時身邊仲有一兩個同事傾到一兩句但唔係深交，叫做好過少少，我都冇同佢地呻過
不過係練到心臟強大少少，唔再怕人地講我事非，只要唔好太明顯玩杯葛兼影響埋我工作就算。
2個讚
係呀…我都試過，有錯就賴你，仲要唔比你知，等上司以為你唔掂，好惡毒架，唔明呢d人點解會有fd有老公男朋友
1個讚
我都試過，仲要知道佢做完手術
我同佢拍檔，我做晒佢啲嘢先做自己嘢
佢li頭不停唔該我，轉頭喊住同老細講我唔幫佢，仲要做埋我d嘢
最後搞到原本關係都ok嘅同事集體杯葛我
班同事仲話「我哋嚟抗工，唔係識朋友」
我最後頂唔住辭職，至遇到而家li份工，一做就十幾年
2個讚
明白你既心情
我以前有份工都試過遇到呢d 小人
但好彩果條小人好多人都知有問題
不過份工仲有太多問題, 都係做得唔開心自己quit 左
其實呢個世界真係好多呢d 小人
唔係你問題黎
做得唔開心我係支持轉工既
同意
呢d 人遲早有報應架
2個讚
quote=“BMW, post:16, topic:72482, full:true”]
我都試過，仲要知道佢做完手術
我同佢拍檔，我做晒佢啲嘢先做自己嘢
佢li頭不停唔該我，轉頭喊住同老細講我唔幫佢，仲要做埋我d嘢
最後搞到原本關係都ok嘅同事集體杯葛我
班同事仲話「我哋嚟抗工，唔係識朋友」
我最後頂唔住辭職，至遇到而家li份工，一做就十幾年
[/quote]
真係職場欺淩， 其實返工大家合作做好件事放工就算， 唔明點解要搞咁多小動作去害人， 好得人驚
1個讚
係呀， 我一向做人坦蕩蕩， 而家擺明有人搞事， 要我日防夜防我會覺得好唔開心。 我去同你解釋你今次聽， 咁你下次又會點呢？ 明槍易躲， 暗箭難防， 你今日咁易去相信人哋嘅說話， 下次呢又再解釋？ 咁樣諗之下又好似解釋都無意思。
2個讚
明白你既心情
我以前有份工都試過遇到呢d 小人
但好彩果條小人好多人都知有問題
不過份工仲有太多問題, 都係做得唔開心自己quit 左
其實呢個世界真係好多呢d 小人
唔係你問題黎
做得唔開心我係支持轉工既
同意
呢d 人遲早有報應架
[/quote]
多謝你哋開解， 我都會開始揾工， 如果揾到合適嘅就會轉。 老實講我年紀都唔細， 只想簡單生活， 做自己鍾意嘅嘢， 太費心神， 人事太複雜嘅地方真係唔適合我。
3個讚