本人高齡，試多個月唔得就諗住直接去台灣做IVF！但聽講子宮息肉會影響著床，需要檢查左先做IVF嗎？請問大家做iVF前會做啲咩檢查？會睇中醫藥調理嗎？
女嘅做子宮檢查，都睇下輸卵管有冇塞
男嘅做精子檢查，睇下活躍度，濃度等
息肉會影響著床，需要刮宮
我係開始ivf前1年睇中醫調理，最緊要暖宮，晚上浸下腳
開始ivf療程後，最好問問醫生。中西藥唔好一起啦
我當時開始療程後，如果一切正常順利 （打針養卵，抽卵，受精卵情況ok等）。最快第3個月就可以放胎了。我係10月開始，1月放胎。
不過每個人情況唔同啦
如果雙方有煙酒，建議戒咗去啦
我朋友2公婆想做，但男方精子弱，醫生要佢休息戒煙酒半年，再檢查，ok後先可以繼續療程
*以上都係個人經歷
加油
1個讚
多謝你
睇過婦科醫生話如果直接做ivf的就唔使照輸卵管
係台灣諮詢過王家x，但佢又冇話要做咩檢查同食乜養卵，所以好疑惑，唔通到時做完失敗先問題？！唔知點好
我自己就認為，你做IVF但都一樣會行房，所以照埋輸卵管有無塞都算係加多一個機會！
1個讚
咁俾我唔照算喇
照果陣真係好唔舒服 
照輸卵管好唔舒服
我個時中醫調理身體時照嘅，因為想自然懷孕
後來等整極都冇，就做ivf 
1個讚
我已經38, 照左如果塞，就再通，通完唔得就IUI, 再唔得先IVF, 咁樣可能又搞多大半年
咁不如直接做IVF, 唔使再浪費時間，我高齡嘛
咁你做ivf時有冇照息肉，或其他檢查先放胚胎
1個讚
支持~俾我都想快d 成功先, 如果有得skip iui 直接ivf 我都支持skip 左佢。因為iui 成功率都低, 感覺好浪費錢同時間
我都做過ivf, 果陣時抽卵後醫生都叫我休息一個cycle 先擺胎, 咁岩佢見到有瘜肉, 於是中間休息果個月就做埋宮腔鏡KO 埋佢
咁樣好好，唔使放左之後影響
如果高齡要考慮：
1.嘗試幾耐都冇bb
2.目前月經狀況
3.曾經有冇做過任何婦科相關檢查同數值如何
4.有冇任何家族遺傳疾病
如果都正常可以先做基本檢查
太太：
1.內分泌狀況(AMH、TSH、PRL) - (睇下目前排卵功能係咪正常，如果冇卵就要考慮要唔要借卵)
2.輸卵管檢查 - (輸卵管阻塞會影響精卵受精，如果有發炎水腫有機會將胚胎沖走)
3.子宮鏡檢查 - (觀察有冇發炎、息肉、粘黏狀況)
4.抹片檢查 - (有冇細菌感染/病毒)
5.血液染色體檢查 - (夫妻染色體異常會影響胚胎發育會導致流產)
6.自體免疫檢查 - (如果有曾經流產經驗可以考慮做埋睇下係咪免疫系統問題導致冇辦法懷孕)
7.ERA - (搵到最適合胚胎植入同著床既時間，避免自身唔接受胚胎)
先生：
1.精液分析檢查 - (睇下精子數量、活動力、形態係咪正常)
有可能檢查先發現係先生精子狀況唔好先冇辦法自然懷孕
建議先睇結果，再考慮用咩受孕方式，
如果唔錯其實有機會可以IUI，
如果真係數值太低再考慮要IVF定借卵/借精
但要走到IVF呢條路真係會好辛苦，太太要做好多檢查同打好多針，要有心理準備
另外中藥調理可以係IVF前就開始，因為中藥調理時間要好耐，
有IVF計劃可以依家就開始調理，我覺得有調理真係有差別
我之前有去仁X調理做暖宮同針灸，真係好好多，黎m都好順又唔會痛，但就真係好貴咯
因為如果要開始IVF會打針同食藥，醫生話都係荷爾蒙成分所以期間唔可以食中藥。
所以要先調理再開始。我都有聽過case係調理完就成功懷孕。
目前觀察台灣咁多間醫院，
個人唔推王家X，覺得好求其，講得唔清唔楚。
大醫院雖然聽落去比較專業，但其實好似成績麻麻地，又要排隊又等好耐。(可能醫生比較少?)
大部分好似普遍覺得如果有$$$就直接去生殖中心，服務又好又有專人(識講白話)接待，
因為好似台灣人自己都係有$$都唔會揀大醫院。
其他目前仲觀望緊。大家有覺得唔錯既都可以一齊分享埋比我~~
以上係一d自己諮詢聽返黎既資訊，希望可以幫到妳~~
求子路大家一齊加油!! 