由於工作上需要接觸新同事，會間唔時遇到d講嘢好串(好多都係新一代廿幾歲），人生攻擊，但自己往往都係當時覺得佢句說話有d串，但當時諗可能佢冇惡意，又返到屋企先自己喺度嬲，嬲自己做乜唔即時串返佢，之後又好難再遇返，已經冇得還擊。
同朋友溝通後發現自己偏向討好型人格，介意人點睇，再加上鱷魚頭老襯底，樣唔似俾人烚，但一開口就柒，所以人哋睇穿後就好易俾人烚。
有冇同路人？有咩處世之道可以對呢d人？（知道係要ignore/即時還擊，但奈何個腦load唔快，所以往往隔一陣先feel到原來佢串緊自己…
自己覺得
呢樣，要同一班個腦轉數快又串咀無惡意既人相處，你隔離觀摩學習先可以慢慢同佢地同步
但如果係自己比人串親，有時我個um住心口話：aiya, 好hurt, 中晒tim, 1比0。等佢aware 自己串到人，自己又落到台，但前題要你覺得個場合氣氛係岩咁講，你亦放得開先。
不過呢，生過仔春3年，做左媽媽真係慢幾拍（唔知樓主係咪呀媽，只係順帶一提）
1個讚
唔好介意我直接
可能其他年齡層既人都有串你只係你feel唔到
其實唔駛咁介意既
做好自己自然得到其他人專重
3個讚
其實呢個係優點喎，好過有啲人太敏感乜都以為人串佢
3個讚
我都係一樣，覺得自己反應唔夠快串返人，亦都驚自己衝口而出，拿捏唔到，over咗。
學樓上話齋，要同多啲轉數快嘅人學嘢，就可以跟返佢哋個速度。
我都認為係咁
1個讚
串人要急才反應，仲要睇場合應對，萬變好難一本通書睇到老，
最好係搵相熟同事幫你，訓練下。
1個讚
當然都有比其他大年紀嘅人串，只係近期遇到嘅多數都係新一代，而俾大過自己/senior嘅串會嬲，但冇咁嬲。
俾大過自己嘅串完最多諗，屌老屎忽，但冇得串返佢因為我職業好睇年資。我以前入職頭幾年時，好humble會謙虛受教，但近期遇到嘅廿幾歲嗰d, 句句窒住哂，但自己本身性格唔惡，就會俾人搵位串。
舉例，試過俾的士司機串唔識路返屋企，（因為我唔揸車唔知d路邊度轉），自己都係反應唔切…
或者俾侍應黑面不爽串，話我咁多位唔坐，係要坐最入面張枱（因為我鍾意角落&靜），我都係坐咗一陣先識反應走人唔食，而冇即時鬧返佢。
自己覺得+朋友覺得
我覺得急才呢D天生, 後天好難train到好好, 最多係被人寸時, 識得體反應(=/=反駁或寸返轉頭),
我見過D人即場寸返人, 但就過左火, 反而失禮嘅係佢自己
2個讚
我都係咁嘅人
可能自己反應慢，但更大原因係自己諗到都講唔出口
年紀大左，更加覺得當面寸人，啄到實嘅，個啲人其實好冇品。
不過有啲人係真係由細到老都鍾意寸人，唔係好鍾意同個啲人長期來往
有乜直接講，寸黎寸去個啲其實係廢話。留返啖氣暖肚好過
4個讚
你可以用自嘲既語氣回覆佢，人地聽到你自認自嘲就無引
1個讚
丫呀 未生都咁
if you have nothing nice to say, saying nothing, 物以類聚, 雖然係同事走唔甩, 但樓主保持基本相處就夠, 無謂將自己變成你討厭嘅人
7個讚
呢招都有用, 但要把握分寸, 自嘲太多的話, 有D人會以為你可以繼續被寸, 會寸得更勁。
我中學時好勁面油, 有個同學間唔中都話我(佢同我熟架, 成日一齊lunch), 我次次都笑笑口話自己用好多面油紙,
後來越來越過份, 我直接唔出聲, 黑面, 佢以後都唔再講呢個話題
1個讚
一笑置之。
如果你本身唔中意串人，但要夾硬串返人嘅話，會仲辛苦。
2個讚
後天要長期訓練加上人生經驗，都可以追到先天嘅～
學識見好就收先最難。
1個讚
係
串完人感覺純粹發洩左，但之後會覺得尷尬同好無聊
唔出聲由佢算
1個讚
我識有啲人都好鍾意串人，串完之後，見到對方冇反應，淨係笑下，佢自己都好尷尬。
1個讚