最近有個長輩入左醫院, 咁岩係我地屋企附近, 應該單程20-30MINS就到)
個長輩食唔慣醫院的食物(應該無咩人食得慣), 佢的屋企人希望我地可以間中送飯(無壓力, 係我地問有咩可以幫到手先), 但我地又無經驗.
請問, 送飯去醫院, 會有助理幫忙反熱嗎? (呢段時間唔可以探病, 但送飯就無時間限制.) 應該用咩容器去裝比較適合? 整比老人家食佢屋企人話"簡單野, 淥下菜心就得" 但都唔可以只係菜心+飯. 會唔會要蒸魚/排骨呢D? 其實我地屋企自己好少食呢D, 雖然呢排多左自煮, 但得2公婆食, 通常都係煮個大醬湯/壽喜燒/砂鍋雲吞雞呢D一煲過的食物. 要帶去醫院的食物真係好難諗.
其實最好問清楚長輩屋企人佢有無咩餸唔食得？例如如果佢有痛風症，豆類、海鮮、西蘭花等等都唔可以食架。所以先了解長輩有無呢方面問題。
而且長輩佢吞嚥能力都Ok？有帶假牙？會否當時太急入院假牙都無帶？咁都影響煮咩佢食。我爸爸佢係中風人士，但幸好可以慢慢咁食野。但我一定整碎餐佢食。有時會煮魚啦、手撕雞、薯仔炆雞翼、菜、肉餅、薯仔三文魚餅等等…
另外，醫院梗係唔會幫你翻熱D餸啦
我覺得用傳統暖壺都Ok，夠熱。不過而家醫院好似因為疫情仲未可以探訪架。你拎到去唔知醫護人員幾時拎你嘅飯餸俾長輩哦。
唔該哂, 好詳細.
最緊要都係注意糖尿問題
以我所知無糖尿病, 否則佢屋企人都應該首先話左比我知, 不過當然聽左大家意見, 都會再去問多次佢屋企人.
要用保暖壼裝 冇得翻熱
同埋依家唔俾探訪 擺低俾姑娘拎去俾病人咋
請問無暖壺用燘燒杯可唔可以呢? 不過咁就無得分開飯同餸.
可以買個蒸飯盒 我係公司都有用 hktv mall 有做緊優惠
http://www.shew.com.hk/chinese/brand/rasonic/kitchen/steam-box/rsb-b2sp.aspx
可以放生/煮好既 插電就得 
插電之後 放生既可煮 送飯可加熱
另外加盒常溫滴雞精 教長輩浸熱水幾分鐘飲得
但3-4日飲一包就ok 有營養又唔會燥
我返工就係以上pattern 希望幫到你 
可以考慮下煲湯, 簡單D滾啖湯連埋D湯渣送飯又得, 醫院得水同奶, 食到口啖啖有D湯水飲下都好。
多謝你建議, 但我估係醫院唔係咁方便用蒸飯盒. 而且用完又要還比我.
不過買滴雞精都好, 只係唔知老人家肯唔肯食(老人家通常都好固執). 但都想問下, 邊度有得買呢?
蒸飯盒送去病房真係唔太方便， 始終要插電
要問下老人家因咩事入院， 吞嚥有冇問題
其實就最好清淡冇骨為為主， 煎炸野最好不了
例如肉餅， 番茄炒蛋嗰啲…
其實你拎飯去到都係飯鐘，有醫院的餐具，所以都唔怕分唔到餸。反而可以唔怕變涼的，例如菜芯（焗住反而會變黃唔好食）可以放一般食物盒，飯同湯就要用保温容器。
蒸雞蓉或者唔肥的肉餅都幾啱長者。
如果肯飲湯就易解決.
諗諗下, 湯飯係咪都係好六
蒸飯盒 老人家可長插 你只需帶內膽去就ok 同帶飯盒一樣 gaa
不過你覺得方便 就可能用反保溫果d最好 滴雞精我飲林志玲個個
其實真係唔好喺病房用蒸飯盒， 始終要插電制
我係醫院做既， 見過有病人長插自己電器， 佢自己電器跳制， 嗰一排電制都跳制， 隔離床呼吸機都停埋
咁樣做真係會害死人架
一般長者都係食下蒸肉餅，蒸魚，淋的餸
帶去醫院用保溫飯壺嗰啲啦
醫院啲電制通常講明唔俾病人自用的，遇著嚴格的姑娘或職工，分分鐘會鬧人添
冬菇蒸肉餅, 可以一次做幾份放定冰格解凍壓薄嚟蒸.
豆付/鮮付竹/豆卜/ 茄子/ 瓜類切片+ 肉碎, 可以做定肉碎調味後分幾份, 放冰格解凍, 就可以用上湯灼完個瓜/豆, 肉碎加上面.
蝦仁炒蛋, 雪蝦醃好, 炒乜都得.
大塊雞胸(肉質比較滑), 切粒, 醃好加蛋白生粉, 分一份份放冰格, 隨時加豆切粒/豆乾粒/ 菇粒/ 雲耳/金針/ 蟲草花一起炒熟.
另外有個建議:
你可以用一個大少少嘅保溫盒, 唔同嘅餸用焗爐紙好似粒糖咁分開包住, 食果陣只係打開張紙就得, 又慳位, 食晒掉咗D紙個盒都唔會點污糟.
如果你趕住要個盒, 用普通外賣盒 + 保溫袋又得, 咁就可以放低成盒俾佢, 你拎走個袋, 下次拎個盒返屋企先至洗都唔怕會有汁有味.
焗爐紙可以連餸帶紙成包去蒸/焗/氣炸, 不漏水, 我通常會一包包用焗爐紙分好放冰格, 早一日解凍就可以煮. 超方便! 如果個爐大, 仲可以一次整熟幾個餸.
好實用的tips, 多謝你.
建議唔好帶有蕃茄味食品，因為焗住，食個陣味好臭…個人經驗