我有咗4個月，係意外懷孕。自2個月開始老公都間唔時會跳制發脾氣，我會理解生活轉變令佢壓力都大，但壓力大真係可以做擋箭牌咩？
我幾乎每次都忍佢。頭先出街食飯，佢因為唔舒服黑口黑面， 我喺屋企已經問咗佢幾次使唔使買粥食，佢又話唔使。最後我都改咗去一間離屋企近啲嘅餐廳，諗住快食就算。
出到去餐廳，佢就發晒脾氣咁。 我忍唔住問佢：都唔知點解你發脾氣？佢答我： 心情唔好咪發脾氣囉。我唔舒服都出嚟陪你食嘢呀！
我真係好委屈，其實我精神壓力都好大。
結婚幾耐？
年幾喇
佢係咪接受唔到做爸爸，如果係真係要傾下，如果唔係出左世可能仲差，我老公都試過有產後抑壓，真係同佢傾慢慢先好啲
男人都會產前/產後抑鬱
6個讚
雖然佢口講冇問題，平日都好照顧我同屋企，但情緒反覆亂發脾氣都係事實。
我成日同自己講人冇完美，只係當類似嘅事不斷發生，我都覺得好無奈又無助。
啲人成日話大咗肚會情緒不穩， 我自己反而EQ高咗； 基本上唔會亦唔想同佢有正面衝突。
希望真係可以同佢傾到啦，唉。
4個讚
頭四個月對男人生活黎講無乜分別。佢好貪玩? 唔想做爸爸?
P.S. 我係爸爸。
1個讚
佢唔貪玩，亦口講自己好樂意做爸爸。只係佢反覆嘅情緒令我好懷疑佢係咪有抑鬱定點。
可能最近洗多咗錢，令佢壓力大掛 。但壓力大還壓力大，成年人係咪應該成熟少少，唔好搵另一半出氣呀？我冇做錯啲咩姐。
佢會唔會真係擔心將來經濟？想比最好嘅嘢BB呀果種？
1個讚
如果有抑鬱/躁鬱嗰啲個情緒自己係控制唔到
唔可以用正常人嗰套去唸佢
已經影響到生活的話都係睇下醫生好
BB 出世後情況只會更壞，尤其頭一兩年
2個讚
有排你受氣
有啲男人見老婆大肚，知佢走唔甩就會更加發脾氣
4個讚
我諗佢唔成熟都唔係而家先知
壓力大而唔識紓緩就變左發脾氣
同我當年情況一樣,我老公到而家個女8歲都無變返好,我都唔想理佢啦
試下煲粥比佢食。
而家大肚都咁對你
遲啲個BB日喊夜喊
佢仲發得大脾氣
我諗試下同佢（等佢好返冇唔舒服先）心平氣和咁傾吓，咁樣成日發脾氣係唔得既，同埋聆聽吓佢既想法
如果傾完冇好D，或者根本唔想傾，我覺得你可以返娘家休息一下
分開一陣等佢知道事態嚴重，佢ready 就可以傾吓睇吓點解決
你係咪冇返工？
可能你老公開始feel到以後有壓力
未生已經咁
生咗我想像唔到
1個讚
你講得岩人冇完美，不過佢真係會令你壓力好大，你而家暫時覺得自己仲頂得順，我擔心你到坐月好淒涼，因為生完好多時會控制唔到自己去悲觀再加上成個孕期受左唔少，唔係你唔想忍佢，而係有段時間控制唔到，就算你忍到唔同佢嘈，你都會慢慢對佢心淡
岩岩生完夫妻關係冇幾個會變得更好，如果一生完同老公好好我都好恭喜，好合拍佢好識照顧你真係冇幾多對，事實好多都係差左好多然後想離婚，或者差左雙方發現再慢慢變返好，要共同努力先會變好
你搵個好時機同佢講佢有咁嘅情況，我老公都話自己冇問題都冇去輔導，我平靜咁同佢講左幾次佢嘅反應同態度，用事例去講，我都有講自己又冇做錯乜，點解要咁講，後來佢自己都有留意返
4個讚
而家見到雙方都有壓力，唔打開個心解決，日後出左世，照顧埋bb的話咪爆炸
唔好拖，搵個機會大家傾傾，男人把口係難開d
兩個人解決唔到，揾輔導都係方法