叫佢自己湊bb囉，咁Q巴閉，然後乜都入晒佢數
2個讚
以上除左關於"bb" GEI野, 其他野我覺得性格同我ex有D似…(因為我地冇BB)
同埋佢好鍾意blame人地, 唔覺自己有問題, 自我中心
鍾意製造問題俾人
話好憎佢媽咪, 但係佢會唔會又好想痴住屋企? 我ex就係話好憎佢媽咪, 但其實自己係少爺仔, 覺得咩家務都應該有人幫佢做埋, 連自己生活費 (e.g.屋租)都唔想俾, 分手仲想食埋我deposit
你逐樣諗下, 有冇可能少少, 少少咁同佢傾下? e.g. bb跌親大家都唔想, 但係跌唔係ONLY你錯, 佢都可能有錯
定係你一聽到佢blame你, 你就好嬲會著火? 佢要改變, 同時你都可能要改變
E+我同另一半出去玩都會有唔開心GEI時候, 但係我地會盡量禁住道火, 唔好影響玩GEI心情, 一個心情唔好, 另一個會滅火, 唔係火上加油, 當然要大家配合, 而且有BB在場, 更加唔會互相指責, 我地盡量都大事化小, 而唔係不斷放大問題/過失
(當然, 呢D野, 得一個人單方面做會好辛苦)
同埋我真係唔理解佢話你扮野係咩心態
bb喊佢有咩反應? 佢係唔care bb?
坐咩車返屋企/食咩/玩咩遊戲呢D就唔好太過上心, 有時俾佢話下事就算, 唔好自己咁勞氣喇~
我一直話同我ex有D似, 因為我覺得呢種人係屋企縱壞, 覺得自己GEI家自己冇責任 / 自己返工就盡左責任, 大X晒 (唔一定有俾錢 
)
呢種人要教, 一係直接放生
1個讚
大把假手於人，正常發揮母愛
唔駛結婚，單品仲快樂
我老公咁耐以嚟只係同我哋去過兩次Disney ，兩次都係我買飛，一次真係玩（8年前），一次係我買張飛俾佢入去一齊食自助餐（4年前）。叫佢玩，只會話「唔好玩，喺屋企瞓覺好過」
一直，都係我自己出錢買年票俾我同兩個女去
（我大女都就嚟十五歲）
啲男人最怕人多、煩。都係自己入樂園啦。
其實你仲愛唔愛佢，或者你覺得佢愛唔愛你？
如果有愛，但係指嘅性格問題相處唔到，咁就不如大家坐低傾吓見下婚姻輔導嗰啲
如果其實你覺得根本就冇愛，不如趁早分開，唔好浪費自己青春
成世人流流長，女人有個仔都可以好搵到自己嘅幸福。
可唔可以自己同小朋友去某啲地方，但協議老公某啲地方一齊去？
咁似我老公嘅，問佢想唔想去，明明唔想去，但講到我迫佢去咁
其實佢唔出席都冇所謂㗎，但唔好講到我迫佢囉
1個讚
地區家庭服務中心
同感，我老公都係咁
好似同屋企有關嘅所有嘢都係人哋錯，但返工又會好似正常人咁，知道自己有責任
結婚生細路就要負責任，常識嚟
又要個老婆又要仔女，自己就淨係識搵錢返工放工打機，食屎啦去
香港好多男人都係咁，屋企做開大爺，見自己阿爸都係咁對阿媽，更加覺得呢種態度係無錯
咁大個人教都未必改到，如果唔係太過份，忍下或嘈下可能可以繼續一齊生活。如果太過份遠超底線，放生佢等於放生自己
1個讚
其實我咁講希望你唔好誤會，有啲人真係唔會同理識你嘅情緒，就算唔旨意佢，疊埋心水好好同小朋友過生活佢都搵到位刺激到你，你好傷心佢好似一啲都唔care，勁hurt
我唔敢講我係過來人，人人唔同，而我仍困於其中，只覺得我越同佢講負面，越俾佢牽住我嘅情緒走
你諗自己一了百了就唔駛咁抑壓，我都有咁諗過，因為冇哂辦法，對關係感絕望，無法改變現狀
但係你亦話小朋友好細，好痴你，你唔會想唔理佢離開世界，見到你呢句我知道你絕對仲有戰勝自己嘅能力，即使小朋友長大有自己世界，有你係道永遠都係佢最大靠山，所以你都係繼續努力地修練，嘗試唔好諗埋一邊
我而家一撞板就會盡量諗佢邊一樣野令我跳掣，再睇下自己調唔調整到，可以嘅時候，用幽默又直白嘅方式去話佢知佢幾離譜，佢好似容易啲接受
我都盡量唔會係小朋友面前「話」佢/開火，但都會有失控嘅時候，我都會同小朋友事後分析返狀況，請求佢下次出現同樣狀況可以點幫我，令我唔好同老公硬碰硬，你小朋友幾歲，我小朋友都係幾歲，佢地絕對比老公可靠又聰明得多
小朋友細個但佢會感受到你地感情好唔好，所以唔係細就唔會知道，佢最多係唔太識表達/唔太理解整個狀況，但佢會知你地一齊開唔開心，邊個岩，邊邊錯，邊個惡，邊個嬲，我問我小朋友我老公對我好唔好，佢係答到亦知道，有時或者係當局者迷
後悔同佢有小朋友，我相信有小朋友係大家嘅共識，我唔會糾結係呢個位，因為我見你好愛你嘅小朋友，勸你唔好咁諗徒增痛苦
我會提及到你曝露自己黑暗面會成為你嘅弱點，小心係關鍵時刻會被佢利用，我就係見過有人咁做，就算真係有抑鬱個老公第一反應唔係支持、幫手解圍而係四圍唱老婆有精神病，而事實就係唔夾又溝通唔到，對方心情緊係唔會好，個老婆仲要生完冇耐，離婚要爭個時冇人會再同你講感情，好多都係互揭瘡疤
所以溝通過程太艱辛，喊左出黎開始激動，你嘗試停一停先，喊完再搵機會傾，自己處理返自己情緒，講少啲你負到爆嘅野，直接講你對事件嘅想法，甚至要求佢配合，即使最後佢做唔到，唔記得，你至少有好好表達過自己
我相信你係經過多年努力嘗試佢都唔正視先會演變到今日，冇辦法，有啲人話性格唔同可以互補，但能夠搵出適合嘅相處方式冇幾多對夫妻做到，所以咁多離婚
我都係岩岩發現好多人都唔係真係同伴侶關係好，唔愛但仍然同佢一齊生活，我都覺得好唏噓
7個讚
如果唔分開就要好好生活，令自己開心
你要搵醫生傾下偈， 見下心理輔導， 好多人都覺得冇用， 經濟許可去睇私家， 冇錢就排政府， 問題始終要解決，我覺得你係一直接受唔到你老公對你態度，好希望佢改變佢，但我覺得佢一定唔會變， 要改變你自己心態
樓主抱抱，睇到你既分享就好似自己，我呢幾年最大領悟係總有啲男人唔係family man, 你冇辦法改變。我自己呢幾年既諗法俾你參考下：
-
真係唔好一哭二鬧，其實係無用，佢只睇死你得把口。我之後既方法就係直接反撃，如佢又blame我，我會直接好冷靜咁講：唔好意思，我從來無見過你個樣野/再唔係直接啲：你唔見野唔關我事，然後走開。我試過好惡爆：你亂咁放我點知道？咁大個人自己搵。等佢知道我係唔好恰
自從被我爆過幾次，我老公都收斂左。亦都唔好俾小朋友有樣學樣，我大仔有一輪都學左爸爸，乜都唔見就話媽媽整唔見，我都用左一段時間好firm咁教番阿仔要自己負責。 -
去主題公園,遊樂場，我從來都一拖二去，我只係知會我老公幾時出去，永不預佢。前幾日我同幾個朋友family一齊宿營BBQ，我知我老公只會嫌熱、嫌攰、嫌多人，廢事叫佢。有時都羨慕人哋爸爸一齊去，但我都訓練大仔出去就識自動幫手，兩個小朋友有其他小朋友一齊玩我又輕鬆啲。
-
樓主有空間都要去抖下，me time 下扮下靚，令自己心情好，做個靚靚媽咪。
另外，當我個仔大啲，我老公都會主動帶佢落街打波，行山，打機，我又覺得可能呢啲先係岩佢親子活動，咁我都會欣賞。
如果唔諗住離婚，就真係調整下心態，有啲野冇得迫，放過佢其實都係放過自己，會好過啲。
8個讚
樓主
我都唔識安慰人架
但字裡行間, 我相信你係一個有責任心同埋有能力執行計劃既人
為左d 咁既男人死唔值得呀, 不如離婚自己湊番小朋友好過啦, 感覺你好似一個人湊小朋友更開心
無論你最後選擇左合(搵輔導?)定離都好
我相信你都係有能力同阿仔過得更好, 支持你! 
(題外話: 隔離post 有個女人話老公成日打仔, 想離婚, 點知網友叫佢報警, 又話自己做FTM 呀無可能離婚呀, 呻下啫。我覺得果種人先係永遠改善唔到生活)
4個讚
要離婚就狠心啲
呻下唔係唔好
但個世界都唔會改變
1個讚
真係唯有係咁