拍拖結婚生仔加埋就快十年
每次同佢傾訴佢都會覺得 「吓好小事姐」
「咁大個人成熟D啦」
同佢嘈完佢可以秒睡，瞓醒覺又扮晒無事嘻嘻哈哈咁睇劇
我就每晚都喊到眼腫，佢會say sorry不過講真感受唔到佢D誠意，見我喊又會反白眼
傾過嘈過又喊過（99%時間得我哭），好似都係改變唔到大家
試過幾次話我想跳落去or 想見醫生
佢講你想睇咪睇….你係跳唔會講出嚟即刻跳咗啦
個下我係有D心寒
慢慢地我慣咗收埋自己沖涼先喊
唔開心就寫日記算，同屋企人講完都冇人明
佢哋覺得老公你揀嘅即使你唔開心都要自己承受
我比過我日記條link我老公，不過佢冇bookmark仲要話我冇比過
我真係覺得一個人帶住b生活仲冇咁抑鬱
雖然返工都係同一區，但我好多時會扮忙唔想同佢lunch, lunch 自己出去周圍行吓
以前拍拖D開心嘢過咗去就算
一家三口去Disney每次都鬧交收場
心好累
我下次自己帶bb去仲開心…
其實真係唔係每次都say sorry say love you 就算架，佢而家講love u 我都冇咩感覺，佢好似念口簧咁
有次嘈交嚇親bb我即刻抱住b，佢話我唔好扮慈母…
聖誕節個日同佢講離婚，佢講笑話你簽完寄比我啦⋯⋯再隔多個星期，佢問我係咪仲想離，我話都有可能㗎，佢冇出聲….
其實十年以來冇一次聖誕節係冇鬧交
而家幾個月後佢當冇事發生
我有時會諗不如忍多佢10幾年等bb 長大成人先再離….
有時都後悔同佢生仔，但係見到bb咁可愛咁痴媽媽又唔捨得自殺走咗去…
有冇過來人一樣咁矛盾….
sorry 太長多謝各位收看
3個讚
咁其實係咩事？
一隻手掌拍唔響，我唔知你哋咩事，但身邊人如果咁多年都哭哭鬧鬧，去到後來無感覺好正常。
5個讚
可唔可以講下乜嘢事鬧交？作為老婆我嘅心得係通常d老公都係似一個大仔咁，男人同女人天生個腦思維唔同，唔好期望同男人傾完會得到解決方法，好多時仲勞氣咗，你同番女人傾訴會好啲
1個讚
我同你一樣，細個成日覺得呀媽好不滿呀爸，呀媽成日呻呀爸d親戚唔好，我成日諗既然咁唔開心咁多怨恨點解仲要一齊
我媽到而家都話想離婚，我同我哥都好贊成
而家我做咗人媽媽，我發現我唔多唔少有呀媽嘅影子，會不自覺放大咗我老公少少嘅缺點
2個讚
你覺得佢唔聽你傾訴，對佢反應好失望，從佢嘅態度黎講你感受唔到佢嘅愛，所以你越來越唔開心
其實真係冇人需要為你嘅情緒負責，佢嘅態度同反應係好差，但暫時睇你都好似習慣左講一啲說話（例如自殺，離婚）去換取佢一點關心同關注咁，得唔到你更加認定佢唔愛你唔關心你
其實某程度上佢講得啱，希望你可以想清楚，如果唔係本意，你只係想佢聆聽或同你溝通嘅話，就唔好係鬧交時同佢提呢啲事
如果你真係好抑鬱，成日想自殺，咁真係要搵專業人士幫手，唔好拖
如果你真係打算離婚而想拎到撫養權，我勸你唔好再同佢講打算自殺，你日記個網址佢冇bookmark仲好，因為佢如果想爭小朋友嘅話，一定會用呢點黎攻擊你，唔係要你扮開心或謀算，不過事實上如果你情緒唔ok，就算係因為老公而有呢個情況出現，個官對你印象都差左，所以你要搞清楚自己嘅問題先，再來先到同老公嘅關係
小朋友仲細好需要你，希望你為佢同自己振作，同老公關係唔好真係好唔開心，作為母親對自己嘅存在價值同埋為自己情緒負責都係好重要嘅教育，你重新諗下你同老公嘅表達方式可唔可以改變，對老公嘅期望都要調整，咁可能你地會慢慢好返啲
20個讚
文中睇到樓主長期感受住唔開心嘅情緒，首先給你一個抱抱！十年以來日積月累嘅夫妻相處問題，如果覺得同老公溝通無效，不如嘗試下搵專業人士幫忙，例如見婚姻輔導員或者搵心理醫生評估下現時心理健康狀況
3個讚
你需要嘅係搵輔導傾傾，其實好多人都對抑鬱無同理心，覺得捱下捱下就過，所以你點講點解釋都比人怪返轉頭係你唔岩咁。
可能因為d咩原因你覺得節日好緊要？所以一到節日就好易嘈交，始終個年期都唔短，唔係話一時三刻就解決到，女人生完小朋友會對另一半更加無安全感，因為覺得困住咗要離婚定點樣都唔易，個諗法會更加覺得無出路。真係建議你搵搵專業人士傾，就當搵一個樹lon去講下睇下會唔會有其他角度。要做好媽媽其實就係一個開心媽媽，而唔係為咗好似係雙親家庭但係又日日都唔開心嘅媽媽，小朋友好敏感的。
3個讚
LoveB
12
我細細個父母都會咁同我講
到自己大咗，爸爸後期中風需要被照顧，我阿媽嗰種無情、歹毒，我回望番以前父母想分開、話因為我所以無咁做。我都覺得係唔係自己累咗佢哋。我寧願佢哋當年有分開可能仲好。不過已成定局了。
其實唔知樓主2公婆會因為咩事成日嘈交。其實有好多時候，真係唔好諗住同另一半講完會解決到問題或者有反應。既然情況持續咁多年，會蹠會搵專業人士一齊傾吓？
我身邊10對情侶 / 夫婦，有8-9對另一半都聽完就算。就算我自己拍拖幾年。有唔開心或者煩惱，當然都會同另一半分享。但我唔會期望佢會咩反應俾我。佢肯聽我已覺得好好。真正搵人呻我都係會搵番閨密的。
而且唔好俾小朋友縛住你哋嘅夫妻關係。如果妳真心覺得同老公行唔到落去，傾過都解決唔到、又接受唔到。勉強真係無幸福的。
2個讚
都係家務或湊b
仲有佢成日，係差唔多隔日自己整唔見嘢又屈我掉咗…. 嘔血
佢口頭禪係「我唔係唔鍾意不過….」
總之同佢相處硬係有D唔自在
講咗10年都係咁=_=
Thanks!
我都覺得同媽媽friend 傾先明
不過朋友都忙又冇可能成日煩住人地
我都係
同佢傾佢冇耐性聽我講
我一開聲就好似煩親佢
回應態度又「hair」
再唔係就就發火咁
根本商量唔到野
1個讚
多謝
其實我冇諗過用bb威脅佢
或bb 將來點孝順我（都預咗仔大仔世界）
好多時我會諗跳咗落去死咗唔使再對住佢咁抑壓
通常都係循環個幾個問題……
上面回覆講咗D
我真係唔識點同佢溝通了=_=
1個讚
我都冇諗過我生到仔
不過洗濕左個頭冇法要負返自己責任*_*
1個讚
多謝你抽空覆我
我以後真係跳唔會出聲講做咗先
又或者寫定last word 都係一個辦法
佢幾歲人仔
我確定自己冇產後抑鬱
係對住老公心好累都冇乜偈好傾