五年間公務員辭職人數升近兩倍 最多來自25至30歲組別

【Now新聞台】公務員事務局指2021年度有三千多名公務員辭職,五年間上升近兩倍,人數是回歸以來新高,最多人辭職的年齡組別是25至30歲,另外有89名公務員因為參與反修例運動而被捕,當中58人已離開政府。

公務員事務局回覆立法會特別財委會的書面提問,過去五個年度,公務員流失人數維持在八千多至一萬人,流失率介乎4至5%,最主要的流失原因是退休,其次的是辭職。

公務員辭職人數持續上升由2017年度約1300人,上升近兩倍至2021年度的3700多人,最多人辭職的年齡組別是25至30歲,有800人。

至於連續服務10年,但未到正式退休年齡而離職的公務員,2021年度比4年前升逾3倍,最多是來自衞生署,有113人,其次是社署。

政府又交代有89名公務員因為參與反修例運動而被捕,當中58人已離開政府,5人近月被法庭裁定罪成,將被紀律處分,其餘26人不獲起訴或獲判無罪,他們仍需要接受內部調查。

另外,過去三個年度共有542名公務員因為嚴重不當行為,或干犯刑事罪行被紀律懲處,要免職的人中最多是來自警務處,去年度有16人。

公務員學院前年成立,2023年度用於國家事務培訓課程的預算要2730萬元,比2020年度實際開支的110萬元高出24倍,而今年預計培訓約兩萬人。

公務員事務局指,去年7月更新了新入職人員的培訓,試用期內要完成有關憲法、基本法和國安法的課程,否則不會獲長期聘用,而學位或專業程度職系人員在獲長期聘用後,亦須參與進階培訓,加強他們自覺維護國家安全的意識,否則會影響晉升。

咁後生當然走人啦,幫你作惡多三十年咩?

3個讚

世界咁大,後生出去第二個地方生活仲活得有尊嚴過留係香港,唔通仲幫佢打工咩

2個讚

有加拿大,英國同澳洲任揀

後生走,好過有大有細先走

5個讚

政府應該檢討下

又唔算係鐵飯碗,攪咁多嘢,趁年青仲有得選擇走出去係好事。

4個讚

有大志 :+1:

其實公務員系有18萬僱員(唔知有冇記錯),唔講紀律部門及律政處,仲有好多唔同嘅部門,其中大部份都係做民生事務,唔需要將所有公務員都視為為虎作倀嘅人。

至於後生仔,任何時候,我根本唔贊成入體制內工作(就算所謂公營機構都唔贊成),當年總有機會入政府,不過自己同身邊嘅朋友,會視為冇能力才入(我嘅偏見)。

有能力嘅人,世界咁大,何不自由自在地展翅高飛。 試過人生才沒有遺憾。

7個讚

其實人工都唔係真係高,我好多年前有政府工offer,對比commercial 福利黎講佢地係百無,升職又升得慢好多都要10年先跳一級。我覺得公務員唯一好處係冇中年危機鐵飯碗,而家連呢個優勢都冇埋,又多左咁多麻煩kpi嘢,後生既出走都好正常。

3個讚

你說出了重點
我在其中一個流失率高的部門做,其實已經一直請唔到年輕畢業生
公務員聘任條件在2000年進行了大改革,當時經濟差,政府要cut budget,條件開得好差,但20年都無更新過
結果同現在嘅私人市場一比,毫無吸引力
現在好多公務員其實係2000年前入職,等退休食長糧
佢哋都退埋休嗰陣公務員團隊就會冧
我部門嘅中堅分子一係就5年內退休,一係就已經plan咗移民
大家都係食住花生等dept執笠~

3個讚

民生都可以好政治,個政治衰,幫佢打工就係作倀,而家唔止衰咁簡單,係佢施政大小都係違反緊普世價值。個阿頭被國際制裁,你做佢下屬,制度上你都係作惡

冇得揀另話,有得揀絕對唔應該

咁講:我哋都唔應該咁諗內地共產黨員及三萬,佢哋好多都係民生事務啫?

納粹政權個卒仔係要閂毒氣室度門,肥溫套Reader就係講呢個point

例如低級嘅要跟上司實行防疫政策,食環要捉小販,圖書館主任要censor過啲書唔比人學民主自由,水務署驗到水質有問題唔講出去因為牽涉政治利益(例如同法團有關,而法團係禮義廉操縱)天文台明明掛八號唔掛得因為領導人訪港

宣誓係講到明效忠行先個專業及市民,而基本法係以國安包裝

後生嘅入去見到會升職,只會愈踩愈深

2個讚

講到咁,即係

我交緊稅,我用緊水,用緊政府嘅服務同設施都係為虎作倀!

因為我交稅,代表有錢俾政府,有份令政府運作,用水,用政府設施,即係變相政府嘅運作我有份推動。

香港幾時變成咁政治化? 雖然政治係關乎所有嘅事,但凡事高度政治化,同粉紅有何分別?

如果未入政府部門或公營機構,當然唔好入,依家係講緊仲係果D機構做嘅人,你真係認為所有人都係為虎作倀?

1個讚

我係指為政府做事嘅人,有能力嘅係要盡量避免

極權制度無孔不入,你幫佢打工確實係每個方面助長佢,個事實係咁,但當然道德上有不同商榷

咁其實喺政治學入面,你活喺個極權制度下都係endorse緊佢,我個人唔太贊成咁諗,我暫時只係focus喺幫政府打工呢個point。亦係我離職原因,因為我份糧係公帑出,我要向市民負責。交稅都係我走嘅一個原因,我唔想比錢供個政府

政治化係冇問題,你講嘅政治化係中共嗰種上綱上線,同西方政治學不同,前者就真係小粉紅了

我條線:未入政府唔好入,入咗年輕嘅盡快走(答樓主),走唔到好體諒,要盡量頂,太違背良心唔好做

4個讚

你要我二揀一,我只能答係,不過我強調我好明白走唔到嘅

不如我問你:納粹嘅政府機關人員係咪全部為虎作倀?史太林?中共黨員?

1個讚

你應該明白,香港政府嘅公務員,唔係問責局長,應該係冇政治取向。如今由上而下,要公務員表態,只能說只可以選擇留定走。
你唔可以將香港公務員與中共黨員相提並論,性質唔相同。冇得比較。
至於納粹政府同蘇維埃政府,佢嘅僱員是否要成為黨員才可以做?我唔清楚。

1個讚

香港社會已有步入小粉紅跡像。
我不嬲覺得任何違背天理嘅事,都唔好做,無論是否公務員。

2個讚

我明白,但個趨勢係向住嗰個方向,比較係一個預示同警號

如果你留意三萬&法庭新聞,你會覺得喺佢哋做清潔阿姐都會沾污自己,你就明白香港步向緊乜嘢社會。性質一樣,只係程度及時間問題

唉~

2個讚

我哋之間係冇大爭拗,只係我睇得比較接近條線嘅盡頭

我就唔反對公務員,始終唔係人人瀟灑到話唔做就唔做,宣誓當食生菜,我念完天主經都唔會信上帝。

但我明白你嘅意思,好似入一間傳銷公司,你唔係前線呃人嗰個,做文職一樣助長緊間公司呃人。
當然,政府咁大,仍然有部門需要幫助香港人,同傳銷公司性質唔一樣,可惜香港政府已經腐敗到臭。

重申:我支持有良心嘅公務員,同你立場唔一定一樣,但有時站喺另一角度睇,再思考,又睇到多d 嘢,和而不同,應該係一齊追求嘅理念。
不過你撐警察打得好,打死班後生我就一定小7 你

4個讚