長老被人問啲米邊到買及幾錢，佢答：「我女網上幫我買，我唔知幾錢呀」（其實佢自己買，但唔想答人）
問同學阿媽邊到補中文，佢答：「我仔無補呀，我幫你問下其他媽媽呀」（從此無下文，但佢仔其實有同我小朋友提過有補中文。Anyways, 我欣賞呢個答法，因為佢話幫我問，我仲要講多謝，但其實佢咩都無做過
）
自問做人一直太真心膠，人地問乜就答乜，有時仲幫人research埋。但當問人時，其實無乜人真心答我。（ok, 可能我同人地唔熟…）
經過幾次後，發覺自己都要學下呢啲言詞，唔得失人之餘，又唔洗講太多。
大家又有無其他例子俾我學下野？
同你一樣，天生性格係咁樣，學極都唔識好似我啲friends/同事咁答咗等於冇答。
通常一去到呢d 仔女之間有比較既位, 都有唔少人會兜個圈唔答, 聽到呢d 答覆, 我唔會特別欣賞佢既語言藝術, 亦都會開始對呢d 人講野有保留。
eg 有個住同一區既媽媽問我幫BB 報左邊間幼稚園N班
我答完佢邊間, 咪問番佢又報左邊間 (佢個BB 同我個BB 同年)
跟住條友就答話佢屋企果頭果d 幼稚園, 再問佢邊間, 又話唔近我屋企架, 講左我都唔會報。
呢d 明顯係又要收風, 又慌死蝕底既人啦。
乜 topics 都有大把呢啲人，8人啲嘢又唔講自己個啲
呢啲人唔會講實際嘢你聽，可能衰左佢地重開心
我唔鍾意講大話，所以少出聲就最好
完全同意. 唔會再放這類人在眼內. 以後會少交流.
有次撞到小朋友舊同學媽媽, 佢問我小朋友去左邊間學校, 我照直答.
然後佢話佢小朋友都轉走左. 我續問轉左去邊間, 佢答我某區活動教學直資.
咁答又幾好笑 
一包米邊度買都要收埋？
買餸，啲啊姐話買乜乜，好好食，見佢咁有禮貌又唔好意思，就話「我老公唔鍾意食」
細既時候，最鍾意講「我啊媽唔比，啊媽鬧」
推得就推
如果唔熟，唔會問人問題，除非佢自己講。或者我個人，同人唔熟，連講嘢都少，hi bye 算。
其實係對方之前問過我同樣問題（但不同科），我真心答。無諗過會咁嘅回覆……
佢唔想又要搵電話又要講一輪。
我開頭都覺得無必要咁，但當被人咁樣回答過幾次後。OK, 明白晒，同人相處原來咁先係皇道
多謝你，我開post就係想學下呢啲對答
以後就疏遠佢算啦
令我回想起讀書時，有個同學好鍾意八掛人地分數，你講完問番佢，佢會話「唔講啦，我考得唔係太好」，但佢一直保持全班頭5名
學左都重要講得出先得
我好多時講唔出口呢啲答案
我欣賞佢，係因為之前有人咁問我時，我會話無補（真係無補）但係會分享我私底下點教，仲搵埋圖，分享埋啲教材或教法。個啲真係我嘅心得。因為怕只答無補，人地會以為我呃佢。
結果點？哈，所以咪話我真心膠囉
下次我會答幫你問下其他媽媽算啦。Cap咩圖呀
人哋問yes no question 答咗no 就算，唔使再講落去
佢自己買就唔駛搵啦，唔記得咪講唔記得囉
好似猜迷語咁
佢唔想特別摷個電話號碼
佢推住幾包米，講唔記得無人信喎。其他人聽完佢咁答後仲讚佢女咁孝順，佢又乜野都唔洗做。