有無人好似我咁～療程開始喇
終於黎到自己幫自己打針嘅日子，我經過咗6日，每日都有啲笑料：一時唔記得點抽空氣；一時搞到藥粉好多空氣泡泡；吱個肚腩仔出黎，放手個陣枝針都出黎了
下一步係咩
唔知呀見步行步，姑娘話咩就咩啦～
係咪每日一隻雞蛋
增加蛋白質？
木耳活血係咪已經唔食得
滴雞精，虱目魚精，牛精
揀邊樣
仲有乜嘢要食乜嘢唔食得架
4個讚
一切平常心最緊要，黎到呢步你已經好叻
我覺得保暖最緊要，著襪除左訓覺既時候，訓前浸腳。
呢個時候食咩唔太關事，反正都仲未有胚胎。食得開心就得，咁盡量少煙少酒冇壞既。
4個讚
啊～啊～啊～會著襪保暖，我都無諗過添
浸腳嘅程序係點架？純熱水定係要買藥粉？
因為我好怕熱，平時浸溫泉浸浴都係好快起身嘅人，所以一直都有在抗拒浸腳呢件事
無煙無酒無生冷嘢
中醫師俾咗小小Tips
刺激食慾：陳皮檸檬蜜糖煲水，
腸胃okay就可以補腎：蓮子百合仲可以疏導情緒，
食黑芝麻，合桃，栗子，猶其便秘就食黑芝麻（滑腸所以懷孕時就不要食了），
鮮淮山（不要乾的，太補），有能力就食海參啦～
我估樓主係呢個cycle會抽卵, 所以想多攝取蛋白質去增加卵子數目?
係呀, 仲可以飲下牛奶/ 豆漿
我都係飲過滴雞精咋, 其他兩樣唔知乜野呀 
同埋人人體質唔同, 你可以問下中醫邊樣岩你體質先
最後想同樓主講加油同祝你好孕
日日定時自隊一針真心唔容易
應該打多幾日就得喇 
多謝您嘅支持呀
備孕路真不容易
心理比身理更難拮一針算什麼
雖然呢6日都keep住有啲甩漏，有笑料
我應該仲要打多幾日掛
聽日就會去覆診，但我記得睇片教學係話要連打11日，應該係照一照睇下數量先再決定下一步。
我就諗下有無可能用食療又幫幫佢成長囉
食定蛋增加定蛋白質係咪可以幫到手呢～
定抑或會過分攝取本末倒置呢？
飲豆漿係咪應該揀無糖呀？我嘅IBM已經超標了
飲滴雞精嘅想法係補身，兩口子自己住，少湯水
中醫師都有幫手補補佢今個星期要打針我就停中藥，之後都會keep住睇中醫，有需要就做埋針灸。
感謝大家睇post甚至留言，雖然網上有好多（實在太多）篇幅教我做呢樣做個樣，但口耳相傳，經驗之談真係好緊要，謝謝啦
2個讚
應該有用
google 都見到有唔少講蛋白質對養卵有用
https://www.ihmed.com.tw/index.php/page/article/21/624
當然你都可以聽日問下醫生意見先決定啦
另外你有無食葉酸?
懷孕前三個月要開始食
係呀, 都係照下有幾多粒卵夠大先決定到幾時抽
2個讚
食葉酸食咗年幾兩年喇一直備孕無停止過
希望聽日有好消息可以分享
1個讚
果然年紀大同肥胖係好影響吸收架～
醫生話比預期成長得慢，要加劑量再打多3日
唔一定關事, 人人對針藥反應唔同架
有d 人反應過大反而有OHSS
醫生用藥會好小心
我果陣都好似係打七日見第一次醫生, 叫我再打幾日再睇, 跟住叫我再打三日先取卵
唔係我胡思亂想出黎架，係頭先醫生講架
可能同佢預期真係落差太大掛
宜家再打3日佢都同我講話‘’應該都係未得架‘’，
都係怕刺激過度所以要觀察住
唔緊要啦~
食住雞蛋飲下奶睇下有無幫助先
你已做得好好
剩低既野就等醫生take care 啦
1個讚
多謝您呀
我都係咁諗能做嘅都做咗
唔識嘅就真係唔識點做喇
1個讚
我一起身就飲滴雞精同埋食隻蛋, supplement有食葉酸, Q10, 維他命D3同E
晏就會飲杯熱牛奶加黑豆粉.
我之前係Day2開始打針, 打9日, 跟住Day14抽, 加油阿你!! 
2個讚
係咪起身空肚飲滴雞精同食雞蛋是最好的？
因為一起身比較多事要處理
可唔可晏小小連早餐一齊食架呢
supplement 我淨係食咗一粒愛樂維準媽媽配方，你地係咪會分開食？？？其實邊個牌子先岩架？醫生們淨係話有食就得…宜家睇見有幾款需要，我好似食少咗添
咩係黑豆粉呀？點食架？就咁灑落牛奶？ 邊度買架？ 越黎越覺得準備不足添 希望仲救得切啦～
我覺得樓主嘅心態好好，呢個係成功嘅其中一個重要因素！祝順利
3個讚
唔洗諗咁多~
養卵非一朝一席, 反而心情更影響取卵成果
3個讚
唔會啦~
我果陣個醫生都係叫我食葉酸同雞蛋咋
你果粒愛樂維已經包左好多野
2.提高卵子品質 … 黑豆中有植物性蛋白質、葉酸，是卵泡發育時重要營養素。
(source: 黑豆水有什麼功效?原來有益養卵、墊內膜厚度！)
上網搵到
其實黑豆都係食佢蛋白質同葉酸
你本身都有食葉酸同雞蛋, 唔使太擔心啦
(利申: 我果陣都係擺胎果個月先飲黑豆湯)
2個讚
真係感謝大家嘅支持呀
原來係咁樣樣呀
咁我就放心哂喇
不過我都去搵定食譜先，我唔多識煮飯要多啲時間研究
岩先買到個本“養卵聖經”喇努力