$2000 對我黎講絕對係天文數字，平日返工一個月食 lunch 都食唔到咁多 
兩個月前見到星期六有俄羅斯 Ballerina Natalia Osipova 來港公演 Two Feet，我同一個細個跳開芭蕾舞嘅小中同一齊睇。但我 book 嗰陣已經遲遲地，$280 同 $180 嘅飛賣曬。得返 $380。最貴去到過千。去到嗰陣都幾乎坐滿曬，連前面啲頭等位都好多人。
同朋友一齊食 early dinner，就去左之前呢度網友推薦嘅牡羊少年。我地兩份 share，一個三文魚意粉，一個蝦鳳尾意粉，加 2 杯牛油果 smoothie，人均 $188。味道唔錯。本身想叫個 花生風暴，但覺得膩得濟就改叫 smoothie。
Osipova 一次過跳 Kitri 同 La Esmeralda，真係技巧好好。36 歲仲咁活躍咁跳得真係好難得。
但條氣唔順就係隔離坐左冬瓜三人。個女望落 9-10 歲左右，不斷問問題同講嘢。問問題我都理解嘅，但佢同個阿媽冇壓低把聲。個阿媽就不斷錄影 (宣佈講左唔好錄影！真係劣根性太重 
)，個阿爸就根本冇興趣。前面都係三人家庭 (應該係香港人)，個女就乖好多識細聲講嘢，但對父母就郁黎郁去，最後三個趴左欄杆到，擋住曬視線。我要不斷跟住佢地郁。個阿爸仲要係 1.9m 身材大隻。
星期日老家人生日。之前一直唔係香港慶祝唔到，依家就要補返數。行又一城啲 sales 一見到我就個個爭住 sell 嘢 sell 到我怕，一攞就攞支過千嘅 sell 畀我，我未夠班買。一間間睇曬價錢，最後 L’Occitane 買左個杏仁緊膚乳，新 member 優惠 -$100 再送少少 sample，太心動又得體就 $370 成交。我睇上網話呢個牌子香味好重所以唔敢買佢啲搽面。老人家用完好鍾意話好水潤好滿意。
想留肚食蛋糕，所以冇出街食 dinner。中午飯去中環 Espuma 食。坐唔滿都好多空位，夠靜同舒服。食物都唔錯，一個 roti 前菜，兩碟麵+risotto+水果茶，埋單 $870。上網啲人話水果茶好正，但我覺得太甜。
蛋糕我今次用小店，佢有 sell 低糖蛋糕。呢個蛋糕 6 寸，$368。老人家怕甜都唔驚食。之前食過 Ch_____ 嘅朱古力蛋糕，甜到封喉。呢個味道好濃但唔會好甜。最正係個老闆娘免費地鐵交收同埋有靚靚冰袋保溫。夠 8 個人食。呢間小店真心推介。
380+188+870+368=1806 
黎近兩個禮拜要慳啲洗
年紀大我都怕甜、蛋糕越買越細
我以後唔會幫襯
