我個女今朝第一次去學琴，俾個miss話佢指甲太長，叫佢返屋企剪，但係佢d指甲已經超短，無得再剪，請問點算好?
剪短哂，唔要留指甲
確係太長，要剪到同指頭齊，彈個琴鍵要首先掂到指頭，咁先夠穩
唔得呀，應該剪到冇白邊，見到指甲上面D肉
1個讚
係要見到指頭，你女未有耐到
1個讚
不如下堂帶埋指甲鉗去，叫老師教佢應該剪到邊度
你女指甲型係本身好大塊包住隻手指頭，冇得再剪短
5個讚
我見到呀, 已經剪到最短, 即係基本上都剪哂d白色位, 再剪應該會痛了…
透明指甲嘅地方叫甲床,
天生有d人短d, 有d人長d,
通常小朋友就短d, 大個就長d,
而如果小朋友從小keep住剪短指甲,
甲床就唔會點長,
反之, 如果成日留長指甲, 甲床會慢慢變長,
所以從小學鋼琴嘅小朋友, 大個左甲床多數都會短,
而大個先學琴嘅朋友, 甲床多數都會長d
解決方法:
換左個老師, 而家呢位老師可能本身甲床短, 唔識教甲床長嘅學生
14個讚
Deleted
同意.
已經好短, 不要再剪了.
呢個老師可能未教過長大才學琴的學生, 將來還會有其他不適合的地方. 趁早換了吧!
3個讚
完全冇留過
指甲 size 問題，太長太大塊，cover 左指頭肉。
理想係應該要咁樣。
唯有 keep 住剪同挫，keep 到最細，等身體習慣唔好生咁多。
同埋可能要換老師。一眼就睇得出學生已經剪到最短，冇可能再叫學生剪。長指甲都可以照彈，只係唔同手勢咁解（可能辛苦啲）
最怕彈得唔好嗰陣，個老師只係話 “你指甲問題囉”
2個讚
唔留指甲
留咗指甲一彈琴就有指甲聲
甲床好靚，好修長
已經剪無可剪，再剪就留血影響甲床
（之前做過甲床矯正，好似gel甲咁上下，就係想整到好似你女咁，粉紅色好多，好貼指頭；整完長左，但都冇你女咁多咁靚）
同意樓上，換老師
1個讚
其實係因為你女彈琴指甲首先掂到琴鍵，老師同比賽評判係會聽得出
以前都比老師話過，後尾佢望住我指甲發現我就算剪到無晒白邊，始終指頭肉短過甲，所以最後比賽嗰啲就要挫甲。
不如改學其他樂器
甲床長同短, 彈琴嘅手型有dd唔同,
不過如果一開始就用甲床長嘅手型學, 其實唔會辛苦