生兒育女是重大決定，要考慮清楚是否有能力養育孩子。近日一名港妻在網上討論區分享，她與丈夫月薪分別都是約1.6萬元，42歲的她正考慮是否懷孕生仔。她擔心現在不生將來會後悔，丈夫則傾向不生，猶豫不決下，只好詢問網民的意見。
丈夫偏向不生育
該名港妻於網上討論區「親子王國」以「吾生b原因」為題發帖，她曾經離婚，後來與現在38歲的丈夫再婚，夫妻與奶奶同住。她考慮到自己已42歲，是時候決定是否生仔，她表示︰
老公偏向唔想要B，我都一半半。呢個年紀最後要決定啦！俾啲意見我，好煩，唔生怕將來後悔。
她指與丈夫各自月入1.6萬元左右，奶奶已將層樓轉為丈夫名下。而丈夫表明要與奶奶同住，夫妻不會搬出。在這些條件下，她苦惱是否生仔，並強調「老公偏向唔生，但佢話俾我決定」。她希望網民能給予意見，當朋友般規勸她，直指「今日俾人批評，好過自己做錯決定」。
網民力勸唔好生
網民普遍認為她不生仔較好，首先是她已屆高齡，丈夫又偏向不生仔，擔心她生仔後，丈夫是否願承擔責任一起湊仔，否則她要獨力面對各種難題，辛苦的只有她。網民留言，「42歲一定唔生啦」、「42歲先諗住生，高齡喎」、「男人唔想生唔好呀！到時生咗出嚟佢真係可以乜都唔理㗎」。
另一方面，網民覺得他們的經濟能力及各方面條件，不足以養育小朋友，認為「你講出嚟嘅，無一項係適合生，除非好有錢或全家齊心」、「無本事根本唔應該生仔女，連住都要黐奶奶住」。只有少數網民支持她生仔，有感「生到就生，有孩子是人生另一個階段」。
(source: hket TOPick)
如果唔使供樓，唔使請工人，又好想生都可以嘅
一個起一個止
唔講錢
咁大年紀先要湊b，果種心累會好難受
我有朋友45歲先做阿爸，我心中浮現“有排捱”諗法，口中說恭喜
結果佢b出世後，佢不停盼望想夜晚有覺好瞓
2個讚
我都咁話，我d朋友係女。
男人重好d。女人又要大肚又要生又要湊又要返工，肯定老得好怏。有工人都攰死
2個讚
當然有責任心嘅男人都好攰
但同年紀嘅話，男後生個女。如果個女 4x 先生，肯定好老好攰。女人生一次仔虛耗好大，如果之後冇得抖。。。
成日都話唔生怕將來後悔，又唔諗下生咗後悔仲死得人，累埋個細路
18個讚
mrs.A
#13
我再婚，細仔出世我42 歲，係攰，但我哋一家(包我大女)都好開心。
所以42 唔係一個大問題，文中嘅夫婦… 我認為經濟能力負擔問題大啲。
我相信有人會話平有平養….hmmm，not for me
12個讚
Matt
#16
做人礦就無謂啦,放個個小朋友啦,
留返個quota等佢去自由世界
佢老公反而好實際，有層樓，收入低，又要照顧阿媽，退休後仲可以逆按，慳慳地夠生活。
如果生細路，完全搞唔掂
3個讚
如果好似何生咁嘅富豪，60歲做老豆都唔係問題，但普通打工仔就唔好咁攪，害左下一代呀！
呢啲都係高樓價帶來嘅問題，在歐美，想生就生，我以前(20years++) 有個美國同事，20歲就做老豆，當時仲係 junior engineer 成家立室和發展事業可以同步進行，現在佢已經係公司高層，仔女都大學畢業。
XG 呢？要有層樓先結婚生仔，有啲就嚟停經都未見到呢日。
9個讚
