細佬就黎出世
依家家姐一直瞓BB床喺我同老公隔離
諗住比家姐試下兩歲自己房瞓
最近諗緊佢間房點佈置
兩歲驚唔驚佢瞓瞓下跌落床？
我見flexa 有隻half house 床幾靚
當佢大個就可以變高架床
又或者當家姐同細佬都幾歲就可以一次裝修
冇冇咩安全考慮我miss左？
大家覺得幾多歲瞓高架床先安全？
我細個係六歲起瞓雙格床
唔知小朋友肯唔肯自己瞓
new born 起已訓自己床仔，唔同父母一間房
我小朋友6歲自己一間房
初段佢都驚, 要慢慢來
我果個都係兩歲，我間房放左張小朋友床，係會半夜轆落床爆喊。自己覺得兩歲好難分房…一係早小小，咩都唔識就開始分房。都諗住過兩年，四五歲先執一執隔離房比佢。
1個讚
我仔兩歲自己訓 裝左床欄
阿女高班開始自己瞓, 初初要媽媽陪到佢瞓著, 過程都算順利。依家小二, 逢星期五,六晚都會過黎瞓。
大仔兩歲幾開始自己瞓一間房，最初坐旁邊陪一陣等佢瞓著先走，後來完全唔使陪自己搞掂，反而細佬依家高小有時半夜醒咗會走過嚟瞓
兩歲B B床
BB開始都係自己瞓一間房, K3 裝修過間房變組合床, 而家就黎11歲, 未試過碌落床
我反而覺得重點唔係幾歲可以自己瞓，而係依個timing分開瞓好似唔係幾好，會俾佢錯覺好似係細b搶走佢同爸媽瞓／同房嘅權利，佢睇住你地同bb同房，自己要孤伶伶一個（其實兩歲都仲係個大bb）,我諗佢會心理上唔想接受依件事，怕佢對細b有敵意。
我覺得係就嚟入學／升小係個好時機，好似佢自己大個女咗所以可以有間房（而唔係因為細b）。
7個讚
升小個暑假
話已經長大,升小學,有自己空間,同同學傾計話自己訓會好威威。
要時間+搵隻公仔陪佢訓
1個讚
驚，床欄一定要，我仔試過喺大人床都瞓到碌落地，好彩地下有厚playmat, 然後佢即刻爬返上床繼續瞓
我哋個12歲, 「自己瞓」我哋兩公婆中間…
2個讚
3歲試咗一排，都唔肯夜晚自己瞓。
不過我同老公都覺得佢未ready。總有一日小朋友會話自己瞓 
我個小朋友5歲開始自己一間房，上格床，下面係書枱衣櫃
係呀
呢個要好小心處理
2歲其實都仲好需要媽媽
如果因為細佬出世而令佢無得同爸爸媽媽一齊瞓
佢會好唔開心
我大女6歲，就算我已經好小心處理，盡量公平
但佢有時都仲會呷妹妹醋，需要媽媽的注意
1個讚
大仔同細仔爭剛剛3年
我嗰時有3間房，大仔跟工人一間，另一間房(中房)係原本嫲嫲瞓開 (已搬出)
細B剛出世時，我半夜要餵奶，所以我同細B瞓中房 (單人床+bb床)，到細B 6個月大，就細B跟工人瞓，大仔自己一個瞓大人床+床欄
到大B升K3 (5歲半)，我地搬新屋，整咗張高架床佢爬上去瞓
又，到細B都7-8歲左右，又改裝，兩兄弟瞓上下格床，工人自己一間房
我仔八個月開始自己訓，兩間房係隔離，
不會關門，依家十歲都係自己訓。
我女女一歲開始自己瞓，分房訓後無論大人定女女都瞓得好左