睇到呢個post有啲不吐不快，但係驚俾人圍插。睇下呢度圍唔圍到爐。
暫時留言都係話係英國應該叫小朋友名，唔洗稱呼又或者話個哥哥同父母唔岩
我睇完有啲shocked, 因為我通常都落公園都係企埋一邊，小朋友唔係惡意打交我都唔會出手。搶玩具，俾人搶都應該係佢哋自己settle，當然離開公園之後自返去會debrief。
我驚有日無啦啦會俾人公審我小朋友
睇到呢個post有啲不吐不快，但係驚俾人圍插。睇下呢度圍唔圍到爐。
4個讚
其實小朋友對話有駛咩認真呀，咁個男嘅又係錯，真係唔係佢哥哥
3個讚
我就係咁諗見啲comment 一面倒話佢冇家教，真心驚
你個friend? 佢都好無聊下喎，咁都要唔忿氣貼上fb 好小事啫，我覺得個男仔咁答無問題呀
被人拒絕都係一個學習過程，我又覺得父母唔需要介入
6個讚
8,9歲都細，正處於「識少少扮代表、懶叻、懶串」階段
成段小學雞對話真係冇必要放上網討論
唔覺得個男仔冇禮貌，我覺得呢啲歲數男仔不嬲都係咁上下回覆，冇話「禮唔禮貌」
一笑置之
有乜好講，咁就話人地「港孩」乜乜物物
唔怪之得冇人想生仔，太多批評
22個讚
每人睇法唔同，大人往往都將自己一套思維套落小朋友度，何況之後對話如何？無講
正如我女細個時去玩麻雀，屋企人見到就話，咁細個玩咩麻雀，我即時講，對大人嚟講呢D叫麻雀，對佢嚟講呢D係積木，玩具，我最鐘意頂撞屋企人
2個讚
唔係啦，啲大group 嘅post
咁真係唔係佢哥哥喎
我都覺得小朋友同小朋友之間嘅野大人唔駛下下啄住哂，除非有郁手姐
個小妹妹都好叻呀，識得自己處理
通常計較嘅都係父母
個老公都真係小氣左啲
2個讚
可否post 條link？我好想8下啲留言
我唔覺得果兩個男仔冇禮貌，係個女仔家長太玻璃心。
如果係細個d嘅小朋友，家長可能都可以幫手問下d大少少嘅小朋友可唔可以一齊玩
但人地都89歲，好有主見架啦，唔想一齊玩咪會咁講野
4個讚
勁小事，8，9歲仲要係男仔，真係未必想同細過自己嘅女仔玩
唔明個男仔同佢父母有咩唔啱？咁都要公審
5個讚
事實真係唔係佢哥哥喎, 咁講唔覺得有咩問題囉
1個讚
咁細個就要受公審，世界真係好殘忍
唔算冇禮貌，有啲細路係咁，會好執著某啲詞語嘅定義，佢覺得只係講出事實啫
1個讚
其實個小朋友講我唔係你哥哥已經代表佢唔想同個女仔玩，個老公仲要唔明，都幾唔識趣，同埋佢都好主觀，又話個男仔個樣串
1個讚
佢呢套思維喺外國好難生存
1個讚
要入group先睇到, 不過我諗應該好多人都入左
2個讚
對於有差唔多年紀既仔既我黎講… 個男仔回覆完全唔串… 因為平時佢地就係咁串… 8, 9歳呢啲年紀已經少少野就反眼, 嘆氣, 口 up up…
我仔試過 K2 時落樓, 保安同佢講 “細佬, 出街呀?”, 我仔好認真咁話 “我唔係細佬, 我係哥哥呀!” (因為佢升左 K2, 係學校係哥哥喇)
4個讚
外國慣左叫名，可能個男仔真係覺得哥哥係要細妹先叫得